Mmëjëdit xëmë

¿Myajtuumbyë tyäˈädë foyetë?

Biiblyë, ¿ti xytyuknijäˈäjëm?

Të yajtuknibëjtäägë parë jäˈäy diˈib kyaj nëgoo tnijawëdë Biiblyë ets mas pën yëˈë tyukˈijtëdëp tuˈugë relijyonk mä kyaj tmëbëktë Kristë

¿Wiˈix nˈawäˈänëm? “Njanijawëyaambyëts wiˈix mˈokwinmay extëm yä jyënaˈanyë Diosë yˈAyuk [käjpxë Salmo 37:11, diˈib miimp mä foyetë maytyaˈaky 11]. ¿Wiˈix xyˈokpawinmay jyëmbitäˈäny tyäˈädë Naxwinyëdë ko nety yˈadëy diˈib yä të yajnaskäjpxë? [Waˈan tˈatsoojëmbity.] Diˈib ja të ngäjpxëm yëˈë xytyukˈijxëm wiˈixë Biiblyë mbäät tjotkujkmoˈoyë jäˈäy oy mä tsyoonët ets oy diˈibë mëbëjkën tmëdatët.” Käjpx diˈib miimp mä pajina 3 mä tyimtsondaˈaky ets mmoˈoy ja foyetë.

Nan mbäät duˈun xytyuny. Pën yëˈë tuˈugë jäˈäy myaˈëxpejkypy diˈib tyukˈijtëbë relijyonk mä kyaj tmëbëktë Kristë ets yëˈë mëët xyˈëxpekyë liibrë ¿Ti tukniˈijxëbë Biiblyë?, ta waanë mëët xykyäjpxëdë tyäˈädë foyetë, mbäät xykyajpxy ko mëët mˈëxpëjktsondäˈägët o ko mëët mˈëxpëjktäˈäyët parë tnijawët wanatyë Biiblyë.

Ko yˈooky tuˈugë jäˈäy diˈib mëk ntsojkëm

Të yajtuknibëjtäägë parë pënaty të yˈoogyë jyiiky myëguˈuk ets yajjotkujkmoˈoyët diˈib määy täjtëp.

¿Wiˈix nˈawäˈänëm? “Tyam, yëˈëts nˈawäˈänëdëbë tyäˈädë foyetë diˈib miyonkˈamë jäˈäy jotkujkmooyëdëp diˈib të yˈooktë jyiiky myëguˈuk. ¿Të näˈä mˈoknayajtëëjëbë ti yˈawijx jyëjpˈijxtëbë jäˈäy diˈib të yˈooktë? [Waˈan tˈatsoojëmbity.] Biiblyë nyigajpxypy ko Dios yajjukypyëkaambyë oˈkpë.” Käjpxë Fwank 5:28, 29. Tukˈix ja foyetë mä pajina 27 ets käjpx ja tim okpë parrafo etsë pajina 28 mä tim jawyiimbë parrafo. Nan tukˈix ja dibujë diˈib miimp mä pajina 26 etsë 31. Ta xymyoˈoyët ja foyetë. Ets parë jatëgok xynyijëmbitët anëëmë ko yëˈë mˈatsoojëmbitaampy tyäˈädë yajtëˈëwën: “¿Tiko nˈijtëm seguurë ko pyäädaampy ja tiempë mä kyaj yˈokjaˈˈatanë oˈkën?”.

Nan mbäät duˈun xytyuny. Pënë jäˈäy yˈaxäjëp ja foyetë, ta xyˈanëëmët: “Waˈan pën të xyjajotkujkmoˈoyaˈany diˈib të yˈoogyë jyiiky myëguˈuk, per kyaj të xynyijawë wiˈix xytyunët. Wiˈix xyˈokˈixy, kojëts jatëgok njëmbitët ta nëjkx ngäjpxëmë tyäˈädë foyetë”. Ko jatëgok mjëmbitët, ta mëët xykyäjpxët waanë mä pajina 20 mä jyënaˈany: “¿Wiˈix mbäät yajpudëkë ja diˈib moon tujkp?”.

Mijts mbäät mnaymyayëty mëdë Dios

Të yajtuknibëjtäägë parë jäˈäy diˈib kyaj nëgoo të yˈëxpeky o diˈib kyaj nëgoo tjaty lyetrëkäjpxët

¿Wiˈix nˈawäˈänëm? “Mijts wiˈix mˈokwinmay, ¿mbäädëdaa mëdë Dios nnaymyaˈayëm? [Waˈan tˈatsoojëmbity, ta net xykyäjpxëdë Santya̱ˈa̱gʉ 2:23.] Tyäˈädë foyetë të yajtuknibëjtäägë parë mbudëkëdët ets mëdë Dios mnaymyayëdët, duˈun extëmë Abrahán nyaymyaayë mëdë Dios.”

Nan mbäät duˈun xytyuny. Ko ogäˈän ja jäˈäy xynyinëjkxët o jatëgok xynyijëmbitët, ta mëët xykyäjpxët mä ja ëxpëjkën 1 parë xytyukˈixët wiˈix mëdë jäˈäy nˈëxpëjkëmë Biiblyë.