Naxwinyëdë abëtsemy wyaˈkxäˈäny ja jembyë foyetë
1. ¿Ti ëxpëjkpajn yaˈˈawanëyäämp nobiembrë, ets wiˈix tpudëkëyaˈanyë jäˈäy?
1 Mä tuˈukmujkënë tëgëëk xëëbë 2009 diˈibë xyëˈäjt “¡Nayjëjpˈixëdë!”, ja ojts pyëtsemy tuˈugë jembyë foyetë diˈib xyëˈäjtypy Biiblyë, ¿ti xytyuknijäˈäjëm? Ets nobiembrë poˈo ja nyajwäˈxäˈänëmë tyäˈädë foyetë naxwinyëdë abëtsemy. ¿Wiˈix tpudëkëyaˈanyë jäˈäy mä ngäjxwäˈxëm? Ta mayë jäˈäy diˈibë jeˈeyë wanaty nyijäˈäjëdëp tijatyë Biiblyë myaytyakypy. Ets extëmë jyënaˈanyë tyäˈädë foyetë mä pajina 3, yëˈë pudëkëyanëp ets tnijawëdët tijaty myaytyakypyë Biiblyë.
2. ¿Wiˈix mbäät ngëyäjkëmë tyäˈädë foyetë?
2 ¿Wiˈix yajkëyakäˈäny? Mbäät duˈun nmaytyaktsoˈonëm: “Njanijawëyaambyëts wiˈix mwinmay extëm yä jyënaˈany [käjxë 2 Timotee 3:16]. Mayë jäˈäy diˈibëts nmëtmaytyaktëp myëbëjktëp extëm yä jyënaˈany, ko Biiblyë jantsy yëˈë Dios jyaˈa, per ta diˈib jënandëp ko Biiblyë duˈun extëm oytyim diˈibëtyë liibrë. Mijts, ¿wiˈix xyˈixyë Biiblyë? [Waˈan tˈatsoojëmbity.] Oy diˈibë relijyonk ndukˈijtëm, taaˈäjtp kanääk peky tiko mbäät këˈëm xynyijawë tijatyë Biiblyë myaytyakypy [käjx mä foyetë pajina 3 mä tyimtsondaˈaky]. Mientrës xykyajxyë tyäˈädë foyetë diˈib wanaty nyimaytyakypy tijaty xytyuknijäˈäjëmë Biiblyë, ta xynyijawëyaˈany ko jeˈeyë tuk peky diˈibë kyäjpxkopkˈäjtypy”.
3. Pën mä ngäjxwäˈxëm jamë jäˈäy diˈib kyaj tmëbëktë Jesus, ¿wiˈix mbäät nmaytyaktsoˈonëm?
3 Nan mbäät duˈun nmaytyaktsoˈonëm pën mä ngäjxwäˈxëm jamë jäˈäy diˈib kyaj tmëbëktë Jesus: “Njanijawëyaambyëts wiˈix mwinmay extëm yä jyënaˈanyë Diosë yˈAyuk [käjxë Salmo 37:11]. ¿Naa wiˈixën xypyawinmay yˈixˈatäˈäny ja jukyˈäjtën yä Naxwiiny ko nëjx yˈadëyë tyäˈädë ää ayuk? [Waˈan tˈatsoojëmbity.] Jeˈeyë tyam tuˈugë tekstë të ngäjxëm diˈib niˈamukë jäˈäy mbäät tˈawix tjëjpˈixtë ets jyotkujkmoˈoyëdë oy diˈibë relijyonk ttukˈitëdë ets oy diˈibë lugäär tsyëënëdë”. Käjx mä foyetë pajina 3, parrafo 1 ets moˈoyë net.
4. ¿Wiˈix mbäädë tyäˈädë foyetë nyajtuˈunëm parë nyaˈëxpëjktsondakëmë jäˈäy?
4 Nˈokˈyaˈëxpëjktsondakëmë jäˈäy. Ko jatëgok nijëmbijtëmë jäˈäy, mbäät ndukjamyajtsëm ti ojts mëët nmaytyakëm ets mbäädë net ngäjxëm tuˈuk majtskë parrafo mä ja foyetë niˈigyë tnimaytyaˈaky, ets nduˈunëmë yajtëˈëwën diˈib miimp ëxˈääy. Ets pën nˈawanëyäˈänëmë liibrë ¿Ti tukniˈijxëbë Biiblyë?, mbäät ndukwingugäjxëm ja foyetë mä pajina 32. Ta net nmoˈoyëm ja liibrë ets nyajtëˈëjëm diˈibë kapitulo nyijawëyaampy, ta mëët ngäjxëm tuˈuk majtskë parrafo. ¡Mbäädë net niˈamukë nyajwäˈxëmë tyäˈädë foyetë nobiembrë poˈo!