Yajtunë pajina diˈib nmëdäjtëm mä Internet parë mˈuˈunk mˈënäˈk xyaˈëxpëkët
1. ¿Tiko të yajpëjtaˈaky mä pajina jw.org mä jyënaˈany “Niños”?
1 Pajina diˈib nmëdäjtëm mä Internet, jw.org mbäät pyudëkëty oypyënëty. Extëm mä jyënaˈany “Niños” (tëkë mä pajina diˈib amxan mä jyënaˈany “Enseñanzas bíblicas” ta net mä jyënaˈany “Niños”) mbäät pyudëkëtyë tääk teety parë yˈitët tuˈugyë mëdë yˈuˈunk yˈënäˈk ets mëdë Jyobaa (Deut. 6:6, 7). ¿Wiˈix mbäät xyajtunyë tyäˈädë pajina parë mˈuˈunk mˈënäˈk xyaˈëxpëkët?
2. ¿Wiˈix mbäät xynyijawë ti mˈëxpëkëp mët niduˈuk niduˈugë mˈuˈunk mˈënäˈk?
2 Ix wiˈix yajpäättë. Kyaj tyuknaxëtyë ënäˈkuˈunk (1 Kor. 13:11). Pääty, ¿wiˈix mbäät xynyijawë ti mˈëxpëkëp mët niduˈuk niduˈugë mˈuˈunk mˈënäˈk? Nayajtëwëdë: “¿Tijatyëts mbäädë nˈuˈunk nˈënäˈk tˈoymyëdoy? ¿Nuˈun tijaty tjaygyukë? ¿Nuˈunën mbäät yˈëxpëky ets kyaj tsyipkaˈaxët?”. Parë ënäˈkuˈunk diˈib tëgëëgë jyëmëjt o mas mutsknëm, oy ko yajtukniˈˈixëdë “Mis primeras lecciones de la Biblia” diˈib yajpatp mä jw.org. Näägë familyë nan tyukˈijt tyukxoondëp ko tkäjpxtë pënaty yajmaytyakp mä Biiblyë, mä jyënaˈany “De padres a hijos”. Min nˈokˈijxëm tijaty mbäät xyˈaktundë.
3. ¿Wiˈix mbäädë tääk teety dyajtundë mä jyënaˈany “Ideas para la adoración en familia”?
3 Tijaty mbäät nˈëxpëjkëm ko nDiosˈawdäjtëm mëdë familyë. Tap tuk pëky miny mä jyënaˈany “Ideas para la adoración en familia”, mä tnigajpxy tijaty mbäädë tääk teety tˈëxpëktë mëdë yˈuˈunk yˈënäˈk. Mmoˈoyë klik mä jyënaˈany “Descargar” parë xyˈixët mä jyënaˈany “Guía para los padres”, jap xynyijawët tijaty mbäät xytyuny mëdë mˈuˈunk mˈënäˈk. Parë ënäˈkuˈungë mutskatypyë, oy ko yëˈë xyajtunët mä myinyë dibujë, extëm diˈib miimp parë yajkoyaˈany. Etsë ënäˈkuˈungë mëjatypyë mbäät yajpudëkëdë parë ttundët diˈib miimp mä “proyectos de investigación”. Tijaty yajmaytyakp mä jyënaˈany “Guía para los padres” naymyënëjkxëp. Duˈun mbäät tuk familyë ttukˈit ttukxondë ko Diosˈawdattët.
4. ¿Ti myëmiimpy mä jyënaˈany “Hazte amigo de Jehová”?
4 Naymyayëdë mëdë Jyobaa. Parë tääk teety tpudëkëdë yˈuˈunk yˈënäˈkë mutskatypyë ets wyëˈëmëdë Diosë yˈAyuk mä jyot kyorasoon, mbäät dyajtuny mä jyënaˈany “Hazte amigo de Jehová”, mä myiny kanäägë bideo, ëy ets tijaty mbäät ttundë (Deut. 31:12). Mëjwiin kajaa diˈib mbäät tjattë ënäˈkuˈunk ko tˈixtëdë bideo, ets ko net ttundët diˈib miimp mä jyënaˈany “actividades”, yëˈë mas pudëkëdëp parë dyajwëˈëmdët mä wyinmäˈäny tijaty të tyukniˈˈixëdë ja bideo. Mayë ënäˈkuˈunk ëwan yäˈäxandëp, pääty näˈäganäˈäty yajpëjtaˈaky mä tyäˈädë pajina, ëy diˈib miimp mä ëynyeky etsë ëy parë ënäˈkuˈunk. Ëy yaˈaxy mëjwiin kajaa tpudëkëdë ënäˈkuˈunk parë tjamyatstët diˈib të yajtukniˈˈixëdë.
5. ¿Tiko mbäädë tääk teety tˈamdowdë Jyobaa ets nyëˈëmoˈoy tyuˈumoˈoyëdët?
5 Miitsëty tääk teety, mdukmëtsojkëdëbë Jyobaa ets xytyukˈoybyëtsëmdët mä mˈuˈunk mˈënäˈk xytyukniˈˈixëdë ja tëyˈäjtën. Pääty, amdowdë naybyudëkë ets mnëˈëmoˈoy mduˈumoˈoyëdët (Juec. 13:8). Net nëjkx ja mˈuˈunk mˈënäˈk xypyudëkëdë parë yˈittët wijy kejy ets tpäättët ja nitsokën mët yëˈëgyëjxm ja myëbëjkën mä Jesukristë (2 Tim. 3:15; Prov. 4:1-4).