Panëjkxtë ja kugajpxyëtyë yˈijxpajtën: Miqueas
1. ¿Tidaa kugajpxy Miqueas nayajtëëwë mientrësë nety kyäjpxwaˈkxy, ets tiko mbäät njënäˈänëm ko kyaj tyëgooyë xyëë tiempë?
1 ¿Näˈä jyëjptëgoyaˈanyë tyäˈädë axëëkpë jukyˈäjtën? Seguurë ko të duˈun nnayajtëˈëwëm. Waˈan ja kugajpxy Miqueas nanduˈun nyayajtëëwë mientrësë nety ttukˈawanë ja nax käjpn diˈib Israel ets Judá ko Jyobaa yajkutëgoyäˈänëdë. Per kyaj tyëgooyë xyëë tiempë ko ojts yˈëwaˈkxy kyäjpxwaˈkxy. Pes mä jëmëjt 740 mä kyajnëm myinyë Jesus, tamë netyë Miqueas yˈakjukyˈaty ko Jyobaa tkuytyuunyë yˈayuk, dyajmiinyë ayoˈon jam Samaria extëmë nety të yajnaskäjpxë (Miq. 1:6, 7). Ets ok, mä jëmëjt 607, ta kyutëgooyë Jerusalén (Miq. 3:12). Ets tyam, ¿wiˈix mbäät nbanëjkxëmë yˈijxpajtënë Miqueas mientrës nˈawijxëm etsë Jyobaa dyajminëdë kutëgoˈoyën?
2. ¿Tiko mbäät nˈawijxëm maˈkxtujkën myëët ja Jyobaa xyëë, ets ti tyäˈädë yˈandijpy?
2 Nˈokmaˈkxtujkëm. Miqueas tkujäˈäyë: “Per ëjts, mët yëˈëgyëjxmë Jyobaa nnayaˈitäˈänyëtyëts wijy kejy. Nyaˈixanëbëts tuˈugë jäˈäyˈäjtënë diˈib awijxp mä Dios diˈibëts xyajnitsokp” (Miq. 7:7). Tyäˈädë kyaj yëˈë tˈandijy ko Miqueas jeˈeyë yˈawijxy këˈˈëmeˈety, jyotmooyën ja tuunk diˈibë nety të yajtuknipëky extëmë kugajpxy. Nanduˈun tyam ëtsäjtëm, mientrës nˈawijxëmë Jyobaa xyëë, nˈokjukyˈäjtëm wäˈäts ets nˈoktuˈunëm tijaty “extëmë Dios ttseky” (2 Peed. 3:11, 12). Nˈokjamyajtsëm ko mbäädë jäˈäy jyodëmbittë mët ko Dios myaˈkxtuky (2 Peed. 3:9). Pääty, nˈokˈyaˈijxëmë maˈkxtujkën extëm ja kugajpxyëty, duˈun extëmë Biiblyë xytyukˈanaˈamëm (Sant. 5:10).
3. ¿Tiko mbäät xëmë nˈamdoˈojëmë Jyobaa myëjää?
3 Nˈokmëbëjkëm ko Jyobaa xymyoˈoyäˈänëmë mëjää. Ja tuunk diˈib yajtuknipëjkë Miqueas tsip nimëjää, pääty tˈanmääyë Jyobaa ets myëjämoˈoyëdët (Miq. 3:8). Jyobaa nan nyijäˈäwëp ko tyam nyajtëgoyˈäjtëmë nyaybyudëkë, päätyë Biiblyë xyˈanmäˈäyëm parë nˈamdoˈojëm. Pën anuˈkxëm, Jyobaa xymyoˈoyäˈänëmë mëjää parë nduˈunëm diˈib të xytyuknipëjkëm mä kyäjpn (Sal. 84:5, 7; Is. 40:28-31). Nimayë Dios mëduumbë të tpëktë kuentë ko mëjämooyëdëbë Jyobaa. Pääty, nˈokˈamdoˈojëm xëmë myëjää (Luk. 11:13).
4. ¿Ti oybyë ijxpajtën ojts xymyoˈoyëmë Miqueas?
4 Miqueas xëmë jëjpˈam tpëjtakyë Diosë tyuunk. Të netyë wyinmäˈäny tpëjtaˈaky ko ninäˈä tkamëdëgoyaˈanyë Dios, oyë nety ja jäˈäyë jantsy axëëk jyukyˈattë mä tadë tiempë. Tyam, nan yëˈë duˈumbë jotmay nwinguwäˈkëm jabom jabom. Pääty, nˈokpëjtakëmë winmäˈäny ets nduˈuyoˈoyëm “xyëëgyëjxmë Jyobaa diˈib nDiosˈäjtëm, winë xëë winë tiempë, axtë winë xëë winë tiempë” (Miq. 4:5).