¿Wiˈixë jäˈäy nmëtmaytyakëm?

¿Wiˈix nyaˈëxpëjktsondakëmë jäˈäy mä tim jawyiimbë sääbëdë diˈib marsë?

“Pääty yam nguˈix ngukäjpxëdë mët ko 14 äämbë abril yajjamyatsäˈänyë Jesusë yˈoˈkën xëë. Ta näägë jäˈäy diˈib tuˈukmujktëp mä tadë xëë mët ko tmëbëktë ko jëjpˈam ko Jesus yˈoˈky, per ta nääk diˈib kyaj duˈun wyinmaytyë. ¿Mmëbëjkypy mijts ko mbäät ndukˈoyˈäjtëm ko Jesus yˈoˈky?” Waˈan tˈatsoojëmbity. Tukˈix ja artikulo diˈib miimp rebistë ëxkëˈëy mä Diˈib Xytyukˈawäˈänëm 1 äämbë marsë, nimaytyäˈäk ja tim jawyiimbë parrafo ets käjpx naa tuˈugënë tekstë. Awanë tyäˈädë rebistë mëdë ¡Despertad! ets anëëmë ko jatëgok mjëmbitäˈäny parë xyˈatsoojëmbitäˈäny ja tuˈukpë yajtëˈëwën.

Diˈib xytyukˈawäˈänëm 1 äämbë marsë

“Mayë jäˈäy nyayajtëwëdë tiko Dios kyaj dyajjëjptëgoyë naytyëytyunë etsë ayoˈon jotmay diˈib jaˈäjtp. Mijts wiˈix mˈokwinmay, ¿waˈandaa mët ko kyaj nyaytyukjotmaytyunyëty mët ëtsäjtëm, o waˈandaa mët ko wyinmay ko oy ko nˈayoˈojëm? [Waˈan tˈatsoojëmbity. Ta net xykyäjpxëdë Fwank 3:16.] Mayë jäˈäy dyajtundë tyäˈädë tekstë parë dyaˈixëdë ko Dios naytyukjotmaytyuunëp mët ëtsäjtëm, per kyaj yajxon tnijawëdë wiˈixën ndukˈoyˈäjtëm ko Diosë yˈUˈunk ojts xykyuˈoˈkëm. Tyäˈädë rebistë yëˈë nyimaytyakypy wiˈix jyëjptëgoyaˈanyë naytyëytyunë etsë ayoˈon mët ko Jesus ojts xykyuˈoˈkëm.”

¡Despertad! Marsë

“Yëˈëts jaa nguˈijx ngugäjpxëdëbë jäˈäy parëts ngäjpxtëˈkxäˈändë tuˈugë tekstë diˈib mayë jäˈäy tëgatsy jyaygyujkëdëp [käjpxë Génesis 1:1]. Näägë jäˈäy jyënäˈändë ko tijaty jaˈäjtp Naxwiiny ets tsäjpotm tam pën ojts dyajkojy, extëm yä të ngäjpxëm, per ta jäˈäy diˈib kyaj tmëbëktë. Mijts ¿wiˈix mˈokwinmay? [Waˈan tˈatsoojëmbity.] Mayë jäˈäy tsip tmëbëkët ko ojts kyojy tijaty jaˈäjtp mët ko diˈib nyiwintsënˈäjttëbë relijyonk kyaj tyukniˈˈixëdë extëmë Biiblyë jyënaˈany. Tyäˈädë rebistë wäˈäts tnimaytyaˈaky tiko mbäät nmëbëjkëm extëmë Biiblyë tmaytyaˈaky tijaty kyojtsondaky.”