¿Wiˈixë jäˈäy nmëtmaytyakëm?

¿Pën mbäät tˈatsoojëmbity tijaty nmëmäˈäy nmëdäjëm mä jukyˈäjtën?

Mmoˈoy ja jäˈäy tuˈugë trataadë parë tˈixët ja titulo, ets ta net xyˈanëëmët: “Yëˈëts nyajwäˈkxtëbë tyäˈädë neky diˈib jëjpˈam parë xynyijawët, ets abëtsemy nyaxwinyëdë tyam wyaˈkxy. Mbäät xyajwëˈëmy”.

Pën myajwëˈëmaampy ja trataadë mä kyaj pën xypyaaty, jam xypyëjtäˈägët mä kyaj wiink jäˈäy tˈixët ets kyaj nëgoo xyˈanaˈkmukët.

Pën ja jäˈäy yˈoymyëdoopy ja trataadë ets ak maytyäˈägäämp, mbäät xyajtëy wiˈix tmëdoy ja yajtëˈëwën diˈib miimp mä trataadë. Yaˈpwäˈkx ets tukˈix wiˈix jyënaˈanyë Salmo 119:144, 160. Tukmëtmaytyäˈäk ko ja trataadë yëˈë nyimaytyakypy tuˈugë sitio diˈib nmëdäjtëm mä Internet, diˈib mbäät pyudëkëty parë tnijawët wiˈixë Biiblyë tˈatsoojëmbity tijaty nmëmäˈäy nmëdäjëm. Nan mbäät xytyukˈixyë bideo ¿Tiko xyˈëxpëkëdë Biiblyë? Ets mä kyajnëm mnayjëgajpxyëty, tukˈix ja tëgëëkpë yajtëˈëwën diˈib miimp trataadë ëxkëˈëy ets yajtëw diˈibë nyijawëyaampy. Anëëmë ko mbäät jatëgok mjëmbity parë xytyukniˈˈixët wiˈixë Biiblyë tˈatsoojëmbity mä jw.org. Ko nety mjëmbity, tëkë mä jyënaˈany ËXPËJKPAJN, ta net mä LIIBRË ETSË FOYETË.

Diˈib xytyukˈawäˈänëm 1 äämbë agostë

Ix pën sääbëdë domingë nan mbäädë jäˈäy xyˈawanë rebistë Diˈib Xytyukˈawäˈänëm, mbäät xyˈanëëmë: “Nan yëˈë njamoˈoyaambyë rebistë diˈibëts ngëyäjktëbë tyäˈädë poˈo. Tyäˈädë rebistë yëˈë nyimaytyakypy pën xymyëmäˈäy xymyëdäjëmë Dios”.

¡Despertad! Agostë

Ix pën sääbëdë domingë nan mbäädë jäˈäy xyˈawanë rebistë ¡Despertad!, mbäät xyˈanëëmë: “Nan yëˈë njamoˈoyaambyë rebistë diˈibëts ngëyäjktëbë tyäˈädë poˈo. Tyäˈädë rebistë yëˈë nyimaytyakypy wiˈix mbäät ngäjpxˈoˈoyëm ko pën mëët ntsiptuˈunëm”.