Nˈokˈyajtuˈunëm oytyim näˈäty
1. ¿Parë ti të yajtuknibëjktäägë tadë trataadë ¿Mnijawëyaambyë tëyˈäjtën?
1 Tadë trataadë ¿Mnijawëyaambyë tëyˈäjtën? të yajtuknibëjtäägë parë jäˈäy nyaˈëxpëjktsondakëm. Per nan mbäät xypyudëjkëm parë nipëm ja tëyˈäjtën (Ecl. 11:6). Yä yajnigäjpxäˈäny kanäk peky wiˈix mbäät nyajtuˈunëm.
2. ¿Wiˈix mbäät nyajtuˈunëmë tyäˈädë trataadë parë nyajtsondakëmë maytyaˈaky?
2 Parë nyajtsondakëmë maytyaˈaky. Ko ja jäˈäy xymyoˈoyët ja trataadë, ta xytyukniˈˈixët ja tëdujkpë yajtëˈëwën diˈib myëmiimpy ets xyˈanëëmët: “¿Diˈibë mijts të mnayajtëyëty?”. Ko xymyëdooˈijtäˈäyët wiˈixë naty të yˈatsoy, ta mëët xykyäjpxët ja trataadë parë xytyukˈixët wiˈixë Biiblyë tˈatsoojëmbity ja yajtëˈëwën ets xykyäjpxët tuˈugë tekstë diˈib jam miimp. Ta net xykyäjpxët o xynyimaytyäˈägët wanaty ja tim okpë pajina ets xyˈawanëdë liibrë ¿Ti tukniˈijxëbë Biiblyë? Ets pën kyaj tˈaxäjë ja liibrë, mbäät yëˈë pyudëkëty ja trataadë diˈibë naty të tˈaxäjë parë kyëktëkët ja tëyˈäjtën mä jyot kyorasoon (Mat. 13:23).
3. ¿Ti mbäät nduˈunëm pën ja jäˈäy kyaj tmëdatyë tiempë?
3 Pën ja jäˈäy kyaj tmëdatyë tiempë. Mbäät xyˈanëëmë: “Kom tyam kyaj xymyëdatyë tiempë, mbäät jeˈeyë nmoˈoyë tyäˈädë trataadë. Tëdujkë yajtëˈëwënë tmëminy diˈib niˈamukë nayajtëˈëjëm ets tˈatsoojëmbity tuˈuk tuˈuk mëdë Biiblyë. Njanijawëyaambyëts wiˈixë naty të xyˈixy ko jatëgok naybyatëm”.
4. ¿Wiˈix mbäät nˈawäˈänëmë trataadë nëˈääy tuˈääy?
4 Ko ngäjpxwäˈkxëm nëˈääy tuˈääy. Mbäät mjënäˈäny: “¿Wiˈix jyaty? ¿Të duˈun mˈoknayajtëëjëbë? [Waˈan tˈatsoojëmbity.] Tyäˈädë trataadë jantsy oy tˈatsoojëmbity mëdë Biiblyë”. Pën ja jäˈäy kyaj jyotëgoy, mbäät mëët xykyajpxy mä yaˈˈatsoojëmbity ja yajtëˈëwën diˈib myëmiimpy, ta net xyˈawanëdë liibrë ¿Ti tukniˈijxëbë Biiblyë?
5. ¿Wiˈix mbäät nyajtuˈunëmë trataadë näˈä ganäˈäty pën kyaj nbatëmë jäˈäy mä tyëjk?
5 Ko jäˈäy kyayajpääty mä tyëjk. Ta näägë lugäär mä nmëguˈukˈäjtëm tnikaˈaktë ëxpëjkpajn ko jäˈäy tkapäättë mä tyëjk. Pën duˈun ja kostumbrë tmëdattë ja nmëguˈukˈäjtëm, mbäät xynyikeˈegyë trataadë ¿Mnijawëyaambyë tëyˈäjtën? Ets ko jatëgok mjëmbittët, mbäät xyˈanëëmë: “Kom kyajts pën nbaty kojëts ojts nˈokmiimbë, tajëts nikaktë tyäˈädë trataadë mä mdëjkˈagäj. ¿Mnijawëyaampy wiˈix yaˈˈatsoojëmbity tuˈugë yajtëˈëwën diˈibë yä miimp?”.
6. ¿Tiko mbäät njënäˈänëm ko jantsy oy nyajtuˈunëmë tadë trataadë ¿Mnijawëyaambyë tëyˈäjtën? mä nˈëwäˈkx ngäjpxwäˈkxëm?
6 Tadë trataadë ¿Mnijawëyaambyë tëyˈäjtën?, wingëjxy tnimaytyaˈaky wiˈixë Biiblyë tyukniˈˈixë ets yajxon tnigajpxy. Oypyënëty tˈoyˈixy, oyë jäˈäy ti relijyonk ttukˈitët ets oy mä tsyëënët. Ets kyaj tsyipëty yaˈˈawanëdë jäˈäy, pes axtë nmëguˈukˈäjtëm diˈib näämnëm tëjkëdëp käjpxwäˈkxpë ets diˈib mas mutsknëm mbäät tkëyaktë. ¿Myajtuumbyë tadë trataadë oytyim näˈäty?