¡Nˈokˈyaˈëxpëjktsondakëmë jäˈäy oktuubrë!

1. ¿Ti ëxpëjkpajn yajkëyakäämbë oktuubrë?

¹ Oktuubrë yëˈë yajkëyakäämbë La Atalaya etsë ¡Despertad! Pën ja jäˈäy tsyojkënyëˈajtypy mbäät jatëgok nijëmbijtëm ets nmënëjxëmë trataadë ¿Mnijawëyaambyë tëyˈäjtën? parë nyaˈëxpëjktsondakëm. Min nˈokˈijxëm wiˈix mbäät nduˈunëm.

2. Ko nijëmbijtëmë jäˈäy diˈib ojts tˈaxäjë rebistë, ¿wiˈix mbäät nyajtuˈunëmë trataadë ¿Mnijawëyaambyë tëyˈäjtën? parë mëët nˈëxpëjktsondakëm?

² ¿Wiˈix mbäät nyajtuˈunëmë trataadë? Mbäädë jäˈäy xyˈanëëmë: “Ja rebistë diˈib ojts nmoˈoy, abëtsemy nyaxwinyëdë tpudëkë jäˈäy parë tˈëxpëkëdë Biiblyë. [Moˈoy ja trataadë ¿Mnijawëyaambyë tëyˈäjtën? ets tukˈix ja yajtëˈëwën diˈib myëmiimpy.] Biiblyë yˈatsoojëmbijtypyë tyäˈädë yajtëˈëwën, ¿diˈibë mas mnijawëyaampy?”. Mmëdooˈit wiˈix yˈatsoy, ets ta net mët xykyäjxët mä yaˈˈatsoojëmbity ets käjx tuˈugë tekstë diˈib jam miimp. Tukmëtmaytyäˈäk ko Biiblyë mëjwiin kajaa tijaty xytyukniˈˈijxëm, ta net xymyoˈoyëdë liibrë ¿Ti tukniˈijxëbë Biiblyë? Mbäädë net majtsk peky xytyuny, tuk peky, yëˈë ko xytyukˈixët mä tyimtsondaˈaky ja liibrë ets xyajtëwët diˈibë kapitulo nyijawëyaampy ets ta mët xykyäjxtët tuk parrafo majtsk parrafo, o ja tuk peky, yëˈë ko xyˈëxtäˈäyët ti pajina niˈigyë tnimaytyaˈaky diˈibë naty jam mnimaytyaktëp mä ja trataadë. Pääty tyä yajnigajxy ti pajina myiny:

● ¿Jantsy naytyukjotmaytyuunëbë Dios mët ëtsäjtëm? (paj. 9-11 parr. 6-10)

● ¿Waˈandaa näˈä jyëjptëgoyëdë tsip etsë ayoˈon? (paj. 12 parr. 12, 13)

● ¿Wiˈix njäjtëm ko nˈoˈkëm? (paj. 58, 59 parr. 7, 8)

● ¿Nëjxëp näˈä jatëgok nˈijxëmë jiiky mëguˈuk diˈib të yˈoˈknë? (paj. 71 parr. 13-15)

● ¿Wiˈix mbäädë Dios nmënuˈkxtakëm parë tmëdowët? (paj. 166, 167 parr. 5-8)

● ¿Wiˈix mbäät nbatëmë jotkujkˈäjtën? (paj. 9 parr. 4, 5)

3. ¿Ti mbäät nduˈunëm pën nˈijxëm ko kyaj mbäät ja jäˈäy nyaˈëxpëjktsondakëm?

³ Pën mˈijxypy ko ja jäˈäy kyaj mbäät xyaˈëxpëjktsondaˈaky mëdë liibrë ¿Ti tukniˈijxëbë Biiblyë? mä timˈogäˈän xynyinejxy, ta xyˈanëëmët ko xynyijëmbitäˈäny jatëgok. Ets pën mˈijxypy ko tsyojkënyˈajtypy, mbäät mëët xyˈatsoojëmbity ja yajtëˈëwën diˈib myëmiimbyë trataadë kogoo xynyinëjxët, ets ok, taanëm xyˈawanët ja liibrë. Nˈokˈyajtuˈunëm yajxonë tyäˈädë trataadë ets nyaˈëxpëjktsondakëmë jäˈäy oktuubrë, parë nbudëjkëm pënaty nyijawëyaambyë tëyˈäjtën (Fwank 8:31, 32).