¿Wiˈix nˈyäjkëmë oybyë komentaaryë?

Ko oy ngomentaräjtëm, myëjämoobyë nmëguˈukˈäjtëm (Rom. 14:19). Nan myëjämoopy pënaty komentaräjttëp (Prov. 15:23, 28). Pääty nˈoktuˈunëmë mëjääw parë ngomentaräjtëm naa tëgokën koogoo nëjkxëm reunyonk. Per kom kyaj xëmë komentaaryë nyajmoˈoyëm, pääty nˈoknikäjpxëm kanääk.

¿Wiˈixën mbäät yajˈyaky tuˈugë oybyë komentaaryë?

• Wingëjxy, kon ets yajjaygyukëp. Jeˈeyë mbäät nˈatsoˈowëmbijtëm 30 segundë o waanë.

• Oy ko këˈëm ääw këˈëm ayuk nimaytyakëm.

• Kyaj nikäjpxëmbijtëm diˈibë nmëguˈukˈäjtëm të tnigajpxy.

¿Ti mbäät nduˈunëm pën jawyiin nyajmoˈoyëmë komentaaryë?

• Tsojkëp nˈatsoˈowëmbijtëm kon ets nidëyë.

¿Ti mbäät nduˈunëm pën ok nyajmoˈoyëmë komentaaryë?

• Nimaytyakëm wiˈixë tekstë nyaymyënëjkxyëty mët diˈib jam yaˈëxpëjkp.

• Nimaytyakëm wiˈix xypyudëjkëm mä jukyˈäjtën.

• Nimaytyakëm wiˈix nguytyuˈunëm diˈib jam yaˈëxpëjkp.

• Nimaytyakëm tuˈugë eksperiensyë naa kon diˈib mëët nyaymyënëjkxyëty.