¿Myajtuumbyë tarjetë parë jäˈäy tyëkët mä jw.org?

Yajtukjotëgoyäämp mä ngäjpxwäˈkxëm, pes ja mëj ayoˈon niˈigyë wyingoonˈadëˈëtsy (Prov. 24:11, 12, 20). Tuk pëky wiˈix mbäät nbudëjkëmë jäˈäy, yëˈë ko nyajtuˈunëmë tarjetë parë tyëkët mä jw.org, diˈib mmënëjkxëdëp mä yajpäätyë Diosë yˈAyuk. Tyäˈädë tarjetë myëmiimpy tuˈugë código diˈib mënëjkxp mä bideo ¿Tiko xyˈëxpëkëdë Biiblyë? ets yaˈˈanmaabyë jäˈäy parë tˈaknijawët niˈigyë o tˈëxpëkëdë Biiblyë. Ta jäˈäy diˈib kyaj ttsojkënyëˈatyë ëxpëjkpajn, per tëkëyäämp mä sitio jw.org. Ko nbatëmë duˈumbë jäˈäy, nˈokmoˈoyëm tuˈugë tarjetë. Per kyaj nmoˈoyëm ja diˈib kyaj ttsojkënyëˈatyë Diosë yˈayuk.

Mbäät adëyë jäˈäy nˈanmäˈäyëm: “Yëˈë njamoˈoyaambyë tyäˈädë tarjetë. Myëmiimpy tuˈugë sitio parë mdëkët mä Internet mä myinyë ëxpëjkpajn etsë bideo namayˈäjtën diˈib nyimaytyakypy kanäägë temë”. Mbäät duˈun nduˈunëm oytyim määjëty (Fwank 4:7). Kom mutskatyë tyäˈädë tarjetë, mbäät nmënëjkxëm majtsk tëgëëk parë nmoˈoyëmë jäˈäy.