Jat wiˈix oy xytyunëdë Diosë tyuunk: Jat wiˈix xyyajtunëdë jw.org

TIKO JYËJPˈAMËTY. Tukëˈëyë ëxpëjkpajn diˈib nyajtuˈunëm parë jäˈäy nyaˈëxpëjkëm ak jap myiny mä jw.org. Extëmë tarjeta de contacto etsë trataadë ¿Pën mbäät tˈatsoojëmbity tijaty nmëmäˈäy nmëdäjëm mä jukyˈäjtën?, të yajtuknibëjtäägë parë jäˈäy tyëkët mä nmëdäjtëmë sitio. Mbäät nyajtuˈunëmë jw.org parë nduknigajxëm tuˈugë ëxpëjkpajn o mbäät jeˈeyë nduknigajxëmë link. Tyäˈädë ja niˈigyë tyuny ko ngäjpxwäˈkxëm mä jäˈäy tkäjpxtë wiink ayuk. Näˈäty, tsojkëp nˈatsoˈowëmbijtëm ko jäˈäy xyyajtëˈëwëm diˈib kyaj myiny mä ja ëxpëjkpajn diˈib nyajtuˈunëm ko jäˈäy nyaˈëxpëjkëm. Pääty, pën njäjtëm yajxon nyajtuˈunëmë tyäˈädë sitio, ta mas oyë jäˈäy nyaˈëxpëjkëm.

WIˈIX NDUˈUNËM

• 

  Yajtun mä jyënaˈany “TIJATYË BIIBLYË TUKNIˈˈIJXËP”. Extëm nˈokpëjtakëm, parë nmëtmaytyakëm tuˈugë uˈunkteety diˈib myëjotmaybyatypy wiˈix dyajˈyaagëdë yˈuˈunk yˈënäˈk, tëkë mä jyënaˈany TIJATYË BIIBLYË TUKNIˈˈIJXËP, ta net KASÄÄDË JÄˈÄY ETSË FAMILYË.

• Yajtun mä jyënaˈany “ËXPËJKPAJN”. Extëm nˈokpëjtakëm, pën tuˈugë mixy yëˈë myëtmaytyakypy tuˈugë myëguˈuk diˈib mëët yˈeskuelëˈaty ets yëˈë tyukˈixaambyë foyetë Yaˈˈatsoowëmbity 10 tijatyë ënäˈktëjk nayajtëëwëdëp, mbäät tyëkë mä jyënaˈany ËXPËJKPAJN, ta net LIIBRË ETSË FOYETË.

• Yajtun mä jyënaˈany “MÄJËTS NYAJNIMAYTYÄˈÄKTË”. Extëm nˈokpëjtakëm, pën yëˈë mëtmaytyakypy tuˈugë mmëguˈuk diˈib mëët mduny ets yëˈë mdukmëtmaytyäˈägaampy tijaty mmëbëjkypy, tëkë mä jyënaˈany MÄJËTS NYAJNIMAYTYÄˈÄKTË, ta net DIˈIB XËMË NAYAJTËËWËDËP.

KO NETY TË YAˈIJXTÄˈÄYË BIDEO JAT WIˈIX XYYAJTUNËDË JW.ORG, WINMAY MÄ XYˈËXTÄˈÄYËT KO XYPYÄÄDËDË DUˈUMBË JOTMAY:

• Ko xymyëtmaytyäˈägët tuˈugë jäˈäy diˈib kyaj tmëbëkyë Dios.

• Parë njotkujkmoˈoyëm tuˈugë jäˈäy diˈib mëjwiin kajaa të tpäätyë ayoˈon jotmay.

• Parë nbudëjkëm tuˈugë nmëguˈukˈäjtëm diˈib kyaj yˈoknëjkxnë mä tuˈukmujkën.

• Parë ndukmëtmaytyakëm mä yajpëkyë meeny sentääbë diˈib tuump mä Diosë kyäjpn.

• Parë nbudëjkëm tuˈugë jabyoˈkxyjyaˈay diˈib nëjkxäämp reunyonk ko jyëmbitët mä lyugäär.