Nˈokpanëjkxëm yajxon ja Kristë yˈijxpajtën

Niˈamukë mbäät nbanëjkxëmë Jesusë yˈijxpajtën, ets mas niˈigyë ko nwinguwäˈkëmë amay jotmay o ko nyajtukmëtsipˈäjtëm ja tëyˈäjtën (1 Peed. 2:21-23). Jesus ninäˈä kyaˈˈatsoowëmbijty ko wixaty yaˈˈanmääy ets ni jaa ko dyajnäjxy ja jäj jëmuˈumën (Mar. 15:29-32). ¿Ti pudëjkë parë tmëmadaky? Ko tpëjtakyë wyinmäˈäny ttunäˈäny ti Jyobaa tsyojkypy (Fwank 6:38). Ets nan jamë wyinmäˈäny tpëjtaky mä “ja xondakën diˈib yajpëjtak wyinduuy” (Heb. 12:2, TNM).

¿Ti nduˈunëm ko pën xytyukmëtsipˈäjtëm tijaty nmëbëjkëm? Pënaty jyantsy pyanëjkxtëbë Jesus kyaj ttuunëmbittë tii axëëk (Rom. 12:14, 17). Ko nbanëjkxëmë Jesusë yˈijxpajtën mä wiˈix tmëmadakyë amay jotmay, ta nnayjyäˈäwëm agujk jotkujk mët ko xykyupëjkëmë Dios (Mat. 5:10-12; 1 Peed. 4:12-14).

KO NETY TË YAˈIJXTÄˈÄYË BIDEO NITII DUˈUN KYAJËJPˈAMËTY EXTËMË JYOBAA XYËËW, TA NET YAˈˈATSOOWËMBITËDË TYÄˈÄDË YAJTËˈËWËN:

• ¿Ti tyuun ja nmëguˈukˈäjtëm Gertrud Poetzinger parë yajxon dyajtuuny ja tiempë mientrësë nety naytyuˈuk yˈity pujxndëgoty?

• ¿Tijaty myëmadaktë tyäˈädë kasäädë jäˈäy mä nety mëkë jäˈäy yajtunëdë?

• ¿Ti pudëjkëdë parë tmëmadaktë?