Jamyatstë ja Lotë kyudëjk

¿Tiko yˈijxëmbijty ja Lotë kyudëjk ko tsyoˈony Sodoma? Biiblyë kyaj tnigajpxy (Gén. 19:17, 26). Extëmë Jesus jyënany, waˈan yˈijxëmbijty mët ko tjamyejtsy tijatyë nety të tnikeˈeky (Luk. 17:31, 32). ¿Ti tsojkëp nduˈunëm parë xëmë Dios xykyupëjkëm ets kyaj duˈun njäjtëm extëm ja Lotë kyudëjk? Ko kyaj nasˈijxëm ets ja jukyˈäjt madakën nbëjtakëm jëjpˈam (Mat. 6:33, TNM). Jesus jyënany: “Kyaj mbäät xymyëduny yëˈë Dios pën mbëjtakypy ja mwinmäˈäny es ja mmëjää mä ja meeny” (Mat. 6:24). Pääty, ¿tixyëp mbäät nduˈunëm pën nˈijxëm ko yëˈëyë jam nbaˈoˈktëˈëwëmë jukyˈäjt madakën ets kyaj xyˈokmoˈoyënë tiempë parë nDiosmëduˈunëm? Nˈokmënuˈkxtakëmë Jyobaa parë xytyukˈijxëm mäjaty mbäät nnayaˈoˈoyëm ets waˈan xymyoˈoyëmë jotmëkˈäjtën parë duˈun nduˈunëm.

IXË BIDEO DIˈIB TËGËK PËKY MIIMP JAMYATSTË JA LOTË KYUDËJK, TA NET YAˈˈATSOOWËMBITËDË TYÄˈÄDË YAJTËˈËWËN:

• 

  Ko Gloria yaˈˈanmääy ets niˈigyë tˈëxtäˈäyëdë meeny, ¿wiˈix yˈaxëktuunë mä kyäjpx myaytyakën, jyaˈayˈäjtën ets mä wiˈix wyinmay?

• ¿Ti xytyukniˈˈijxëm extëm jyajty ja Lotë kyudëjk?

• ¿Wiˈixë Joe mëdë fyamilyë pyudëjkëdë Biiblyë kyäjpxwijën?

• ¿Wiˈixë Ana yˈaxëktuunë ja myëguˈuktëjk diˈib mëët tyuundë parë tmëjagamgekyë Jyobaa?

• ¿Tiko tsyokyëtyë jotmëkˈäjtën parë njëjpkugäjpxëm ko pën xyˈanmäˈäyëm ets yëˈëyë nˈëxtäˈäyëmë meeny sentääbë?

• ¿Ti tyuundë Brian mëdë Gloria parë jatëgok jëjpˈam tpëjtaktë Diosë tyuunk?

• ¿Diˈibatyë Biiblyë kyäjpxwijën yajnimaytyakp mä tyäˈädë bideo?