Wiˈix mbäät niˈigyë ndukˈoyˈäjtëm ko nˈëxpëjkëm anaytyuˈuk

TIKO JYËJPˈAMËTY. Ko nˈëxpëjkëm anaytyuˈugë Diosë yˈAyuk, ta yajxon njaygyujkëm “diˈibë dëˈën yeny, woony, këjxm es këk” ja tëyˈäjtën (Éfes. 3:18). Nan xypyudëjkëm parë njukyˈäjtëm wäˈäts mä tyamë jäˈäy axëëk jyukyˈattë ets nmäjtsˈijtëm mëk ja Diosë ayuk diˈib yajkypyë jukyˈäjtën (Filip. 2:15, 16, TNM). Ko nˈëxpëjkëm anaytyuˈugë Biiblyë, mbäät këˈëm nˈijxëm ti naybyudëkë nyajtëgoyˈäjtëm. ¿Wiˈix mbäät mas oy ja tiempë nyajtuˈunëm parë ngäjpxëmë Biiblyë ets nˈëxpëjkëm?

WIˈIX MBÄÄT YAJTUNY

• Ko nˈëxpëjkëmë Biiblyë nekykyëjxy o mä selulaar o tabletë, oy ko nˈajäˈäyëm tuˈuk majtskë bersikulo ets jam ti ngujäˈäyëm diˈib jëjpˈam.

• Mientrës ngäjpxëm, mbäät winmäˈänyoty nnayajtëˈëwëm “¿pën?”, “¿tii?”, “¿mää?”, “¿näˈä?” ets “¿wiˈix?”.

• Ko nety të nijäˈäwëtyaˈayëm. Ta net nbayoˈoyëm ja bersikulo o diˈib nnijawëyäˈänëm mä ja tuumbajn diˈib nmëdäjtëm parë tijaty nbayoˈoyëm.

• Nbawinmäˈäyëm diˈib jam ngäjpxëm ets nˈijxëm wiˈix mbäät këˈëm nnaytyukpudëjkëm.

• Ta net nguytyuˈunëm mä ja jukyˈäjtën diˈib të nˈëxpëjkëm (Luk. 6:47, 48).

KO NETY TË YAˈIJXTÄˈÄYË BIDEO KO NˈËXPËJKËM ANAYTYUˈUK XYPYUDËJKËM PARË NIˈIGYË NTSOJKËM JA DIOSË YˈAYUK, TA NET YAˈˈATSOOWËMBITËDË TYÄˈÄDË YAJTËˈËWËN:

• ¿Wiˈix näägë nmëguˈukˈäjtëm jyënäˈändë ko yˈëxpëktë anaytyuˈuk?

• ¿Tiko mbäät jawyiin nuˈkxtakëm mä ngatëjkëm ëxpëjkpë?

• ¿Ti mbäät xypyudëjkëm parë yajxon njaygyujkëm diˈib tuk pëkyë Biiblyë myaytyakypy?

• ¿Wiˈix mbäät nˈajäˈäyëm ja Biiblyë diˈib nyajtuˈunëm ko nˈëxpëjkëm?

• ¿Tiko jyëjpˈamëty nbawinmäˈäyëm ko nˈëxpëjkëm ja Diosë yˈAyuk?

• ¿Wiˈixë net mbäät nyajtuˈunëm diˈib të njäjtëm?