¿Wiˈixë Jyobaa tyestiigëty dyaˈëxpëktë jäˈäy?
Jyobaa tyestiigëty duˈunë jäˈäy dyaˈëxpëktë extëm mbäät tjaygyujkëdë tijatyë Biiblyë tukniˈˈijxëp. Ko xyˈëxpëkëdë Biiblyë mbäät mbudëkëty parë:
Jotkujk mjukyˈatët.
Xymyëwingonëdë Dios.
Xynyijawët tijatyë Biiblyë wyandakypy mä tiempë myiny kyëdaˈaky.
Yä yaˈˈatsoowëmbitäˈäny:
Pën tëts nˈokˈëxpëjkpë mëdë Jyobaa tyestiigëty, ¿mbäädëts jatëgok xyaˈëxpëktë?
Ets pën kyajts ntsoky etsëts pën xyaˈëxpëkët, ¿jaˈäjtpë naybyudëkë parëts këˈëm nˈëxpëkëdë Biiblyë?
¿Wiˈixëtsë jäˈäy nyaˈëxpëktë?
Tuˈugë Testiigë myaˈëxpëkäˈänyëty parë xynyijawët tuk pëkyaty tijatyë Biiblyë myaytyakypy. Yëˈë yajtunaambyë foyetë o liibrë Jukyˈat agujk jotkujk parë xynyijawët wanaty wanaty tijatyë Biiblyë myaytyakypy ets wiˈix mbäät mbudëkëty. Pën mˈaknijawëyaampy ixë yäˈädë bideo:
¿Yajnimëjuyëyäämp?
Kyaj. Jyobaa tyestiigëty yëˈë pyaduundëp extëmë Jesus tˈanmääy ja yˈëxpëjkpëty: “Mˈaxäjëdë tyäˈädë mëkˈäjtën [namayˈäjtën], nan katë myajmëjuytyë ko dëˈën xytyundët” (Matewʉ 10:8). Ja mëdiˈibë myaˈëxpëkanëp kyaj yajmëjuy ets kyaj nanduˈun myajtukmëdoogäˈäny ja Biiblyë o ja liibrë Jukyˈat agujk jotkujk.
¿Nuˈun jyekyë yäˈädë ëxpëjkën?
Yëˈë liibrë ja tmëminy 60 leksion, këˈëm xyˈixët nuˈun xyˈëxpëkäˈäny, ta jäˈäy mëdiˈibë yˈëxpëjktëp tuˈugë leksion mä tuˈukpë sëmään, ets ta mëdiˈibë niˈigyë.
¿Mäts nˈamdowët ko ëxpëkäämbëts?
1. Tëkë yää ets tukjayë. Tijaty jap mgujäˈäyëp extëmë mxëëw o mdireksion jeˈeyëts nyajtunäˈändë parë mninëjkxëdët tuˈugë Testiigë.
2. Ja mëdiˈibë myaˈëxpëkanëp, yëˈë mˈëxtäˈäyanëp. Yëˈë mdukmëtmaytyäˈäganëp wiˈix mëët mˈëxpëkäˈändë ets tˈatsoowëmbitäˈäny tijaty mdimyˈyajtëëpy.
3. Yëˈë mët ja maˈestrë mnaygyäjpxëdët wiˈix mˈëxpëkäˈändë ets näˈä. Mbäät mninëjkxyëty mä mdëjk, mmëgajpxyëty mä telefënë o mä korree elektronikë. Jatsë jäˈäy nyaˈëxpëktë naa tuk oorën, per mbäät niˈigyë jyeky o waanë, mijts mˈixëp nuˈun mmadaˈaky.
¿Mbäädëts nˈokˈijxmatsy wiˈixë jäˈäy xyaˈëxpëjktë?
Mbäät. Tëkë yää ets tukjayë. ets ko mëët mmaytyäˈägët ja mëdiˈibë myaˈëxpëkanëp, ta xyˈanëëmët ko jeˈeyë xyˈokˈijxmatsäˈäny aber pën mˈoyˈijxypy o kyaj. Ta yëˈë xyˈëxpëktsoondët ja foyetë Jukyˈat agujk jotkujk mëdiˈibë jeˈeyë myëmiimpy tëgëk leksion.
Kots nˈëxpëkët, ¿kuanë kots nDestiigëˈatët?
Kyaj. Testiigëtëjk nëgoo jäˈäy tˈokˈyaˈëxpëkanëdë, per kyaj jäˈäy ttukˈaguanëˈattë ets tyëkëdët mä ryelijyonk. Mëdiˈibë jeˈeyë tyuundëp, yëˈë ko jäˈäy ttukniˈˈixëdë tijatyë Biiblyë myaytyakypy ets nyijäˈäwëdëp ko këˈëm mbäädë jäˈäy twinˈixtë ti myëbëkandëp (1 Peedrʉ 3:15).
Kotsë nety xyaˈëxpëktë, ¿mbäädëts yëˈë nyajtunyë nBiiblyë?
Mbäät. Mbäät xyajtunyë Biiblyë mëdiˈibë mdimytsyojkënyëˈajtypy. Jyobaa tyestiigëty yëˈë yajtuundëbë Traducción del Nuevo Mundo, pes yëˈë tuˈugë Biiblyë mëdiˈibë wingëjxy yajjaygyujkëp ets tëyˈäjtën të yajkäjpxnaxy, per nnijäˈäwëdëpts ko jäˈäy yëˈë yajtunandëbë Biiblyë mëdiˈibë të tˈijxwëˈëmdë.
¿Mbäädëts pën nwoy mäts nˈëxpëkäˈäny?
Mbäät. Mbäät xywyoy pënaty mdimywyowaampy, duˈunë mfamilyë o mmëtnaymyaayëbë.
Pën tëts nˈokˈëxpëjkpë mëdë Jyobaa tyestiigëty, ¿mbäädëts jatëgok xyaˈëxpëktë?
Mbäät. Ets niˈigyë tyam xyˈoyˈixäˈäny, pes të tyëgatsy wiˈixëtsë jäˈäy nyaˈëxpëktë, duˈun extëm mbäät niˈigyë pyudëkëdë. Niˈigyëts tyam mëdë jäˈäy ngäjpx nmaytyäˈäktë ets niˈigyë myinyë dibujë etsë bideo.
Ets pën kyajts ntsoky etsëts pën xyaˈëxpëkët, ¿jaˈäjtpë naybyudëkë parëts këˈëm nˈëxpëkëdë Biiblyë?
Taaˈäjtp. Näägë jäˈäy niˈigyë twinjawëdë ets pën yaˈëxpëkëdët, per ta mëdiˈibë niˈigyë yˈoyjyäˈäwëdëp ko këˈëm nyayaˈëxpëkëdë. Mä jyënaˈany “Naybyudëkë parë xyˈëxpëkëdë Biiblyë” jap xypyäädäˈänyë naybyudëkë parë këˈëm xyjyaygyukëdë Biiblyë. Extëmë:
Bideo mëdiˈibë myaytyakypyë Biiblyë. Naa konaty myiny ets wingëjxy tnimaytyaˈaky tijaty jëjpˈam tukniˈˈijxëbë Biiblyë.
Biiblyë tˈatsoowëmbity. Kanäk pëky tnimaytyaky tijaty mnijawëyaampy mä Biiblyë.
Yajnimaytyak ti yˈandijaampy tuˈugë tekstë. Nijawë ti myaytyäˈägaampy tuˈugë tekstë mëdiˈibë mayë jäˈäy yˈixyˈäjttëp o ääw ayuk mëdiˈibë tsoˈomp mä Biiblyë.