Jat wiˈix oy xytyunëdë Diosë tyuunk: tukˈix wiˈix yaˈëxpëkyë Biiblyë mëdë liibrë ¿Ti tëyˈäjtën tukniˈijxëbë Biiblyë?

Tiko jyëjpˈamëty. Mayë jäˈäy kyaj tnijawëdë ti yˈandijpy ko nˈanmäˈäyëm tˈëxpëkëdë Biiblyë. Waˈan wyinmaytyë ko nyajtuˈukmukäˈänëm tuk grupë parë nyaˈëxpëkäˈänëm. Pääty, ¿tiko ngatukˈijxëm wiˈixë jäˈäy nyaˈëxpëjkëm ets kyaj jeˈeyë nˈanmäˈäyëm ko nyaˈëxpëkäˈänëm? Nˈoktukˈijxëm ko kyaj tsyipëty tˈëxpëkëdë Biiblyë ets ko pudëkëyanëp. Kyaj jekyë tiempë tmënëjkxäˈäny, mbäät jamyë tyëjkˈagëˈëy ndukˈijxëm.

Wiˈix nduˈunëm:

Ko nety të ngäjpxpoˈkxëm, ta nyajtëˈëwëm ti myëmääy myëdajpy mä tiempë myiny kyëdaˈaky.
Ta net xyˈanëëmët ko yëˈë mayë jäˈäy myëmääy myëdäjtëp. Ets xytyukˈixët mä tsyondaˈagyë liibrë ¿Ti tëyˈäjtën tukniˈijxëbë Biiblyë? Anëëmë ko wingëjxy tijaty tmaytyaˈaky ets xypyudëjkëm parë njaygyujkëm wiˈixë Biiblyë tmaytyaˈaky tijaty miin këdakp. Ta net xyajtëwët diˈibë kapitulo niˈigyë yˈoymyëdoopy.
Mmoˈoy ja liibrë ets tukˈix ja kapitulo diˈib të twinˈixy. Anëëmë ko mä tadë kapitulo yaˈˈatsoojëmbitäˈäny tijaty yajtëëpy mä kyatsondaˈakynyëmë parrafo 1.
Yajtëwë jäˈäy pën kyäjpxaampy ja tim jawyiimbë parrafo. Ta net xykyäjpxët mä dyajtëy ets xynyimaytyäˈägët mëët wiˈix yaˈˈatsoojëmbity. Käjpx ets nimaytyäˈäk ja tekstë diˈib mëët nyaymyënëjkxyëty diˈib jam mmaytyakypy. Tukˈix wiˈix ja mliibrë të xyˈajäˈäy mä yaˈˈatsoojëmbity.
Käjpxtë jatuˈugë parrafo. Ta net xyˈanëëmët ja jäˈäy ets këˈëm tˈatsoojëmbitët extëm të tjaygyukë.
Anëëmë ko jantsy oy të yˈatsoojëmbity ets naygyäjpxëdë näˈä jatëgok mjëmbitët parë xyajkëxtët ja kapitulo.
Pën mbäät, ta xytyukˈixëdë bideo ¿Wiˈixë jäˈäy tˈëxpëkyë Biiblyë? diˈib yajpatp mä Internet jw.org.

Tiko duˈun xykyatuny mä tyäˈädë poˈo:

Mënuˈkxtäˈägë Jyobaa parë mbudëkëdët ets xyaˈëxpëjktsondäˈägët tuˈugë jäˈäy (Filip. 2:13).
Ko mnëjkxët käjpxwäˈkxpë, oy jeˈeyë tëgokën xytyukˈixëdë jäˈäy wiˈix nyaˈëxpëjkëm mëdë liibrë ¿Ti tëyˈäjtën tukniˈijxëbë Biiblyë? o tukˈixë bideo ¿Wiˈixë jäˈäy tˈëxpëkyë Biiblyë?