WIˈIX JYUKYˈATYË DIOS MËDUUMBË
Naygyuentˈatëdë, këdii xyyajwaˈkxy diˈib kyaj tyëyˈäjtënëty
Tyam, mbäät pojën miyonkˈamë jäˈäy tijaty tnijawëdë mä notisyë, mä raadyë, telebisionk o mä Internet. Per ninuˈun nˈawdäjtëmë “Dios diˈib myëdäjtypyë tëyˈäjtën”, kyaj nyajwäˈkxäˈänëm diˈib kyaj tyëyˈäjtënëty, ets ni jaa ko nˈayoˈonbatëm (Sal. 31:5; Éx. 23:1). Pes mbäädë nmëguˈukˈäjtëm yˈaxëktunëdë mëjwiin kajaa. Pääty, parë nnijäˈäwëm pën tëyˈäjtën, nˈoknayajtëˈëwëm:
¿Ndukjotkujkˈäjtypyëts ja diˈib duˈun të jyënaˈany? Waˈan ja jäˈäy kyaj tnijäˈäwëtyaˈay wiˈixën tijaty yˈixëty. Ets ko ja ääw ayuk nyäjxnë kanäk ääw, ta yajkäjpxmäˈtääynyë. Pääty naygyuentˈatëdë pën kyaj xynyijawë yajxon mä tsyoony diˈib yajmaytyäägëdijtp. Pënaty nyikëjxmˈäjttëbë tuunk mä Diosë kyäjpn, yëˈë diˈib mbäät mas niˈigyë nyaygyuentˈatëdë ets kyaj tnaˈëw tnakäjpxtët diˈib kyaj tyëyˈäjtënëty, pes yajtukjotkujkˈäjttëp ko tëyˈäjtën diˈib myaytyaktëp.
¿Yajnimäˈädëyaampy tuˈugë jäˈäy? Pën duˈun, nik oy ko kyaj nbagäjpxëm (Prov. 18:8; Filip. 4:8).
¿Mbäät yajmëbëky? Naygyuentˈatëdë ko xymyëdowët tuˈugë eksperiensyë o jam ti yajmaytyäˈägët diˈib tsip yajmëbëkäˈänët.
KO NETY TË YAˈIJXTÄˈÄYË BIDEO ¡JËJPKUDIJË PIˈTSˈËY PIˈTSKAJPXY!, TA YAˈˈATSOOWËMBITËDË TYÄˈÄDË YAJTËˈËWËN:
Extëm jyënaˈanyë Proverbios 12:18, ¿nuˈunën ja nˈääwˈäjt nˈayukˈäjtëm yˈaxëktuny?
¿Wiˈix xypyudëjkëmë Filipʉs 2:4 parë nwinmäˈäyëm wiˈix nimaytyäˈägäˈänëm ja nmëguˈukˈäjtëm?
¿Ti mbäät nduˈunëm ko tuˈugë jäˈäy dyajpëtsëmëdë ääw ayuk xiˈiky andaˈaky diˈib yajtsayujtp o ko tëgatsy wyinmayët mä ja myëguˈuk?
¿Tijaty mbäät nnayajtëˈëwëm mä nganimaytyakëm tuˈugë jäˈäy?