Ko ngupëjkëmë Jyobaa nyayjyëjpwijtsëmbitë, yëˈë nety nyajnigëxëˈkëmë tsojkën

Ko tuˈugë jäˈäy yaˈëxkexy, yëˈë yajkuwandëp ja nmëguˈukˈäjtëm diˈib mëët nduˈukmujkëm ets nan pudëjkëp ja jäˈäy parë jyodëmbitët mä ja pyoky kyaytyey (1 Kor. 5:6, 11). Ko ngupëjkëmë Jyobaa nyayjyëjpwijtsëmbitë, yëˈë nety nyajnigëxëˈkëmë tsojkën. Per ¿wiˈixën nyigëxëˈëgyë tyäˈädë tsojkën ets pën mëk yajjawë ko tuˈugë jäˈäy yaˈëxkexy, ets mas niˈigyë ja fyamilyë ets ja mëjjäˈäytyëjk diˈib të tˈixtë tyäˈädë jotmay?

Yëˈë nety ntsojkëmë Jyobaa ko kyaj nyajnibaxëtëkëyäˈänëmë xyëëw ets ko nwintsëˈkëm diˈib yëˈë wäˈäts yˈijxypy (1 Peed. 1:14-16). Ets nan ntsojkëmë nety ja jäˈäy diˈib të yaˈëxkexy, mëk tjawëyaˈany, per mbäät ok tmëdaty ja “jotkujkˈäjtën mët ko jyikyˈaty wäˈäts” (Eb. 12:5, 6, 11). Pën duˈunyëm jantsy oy nˈijtëm mëdë tyäˈädë jäˈäy diˈib të yaˈëxkexy o diˈib të jyënaˈany ko kyaj yˈokTestiigëˈatanë, kyaj nety nasˈijxëm parë Jyobaa jyëjwijtsëmbitëdët. Nˈokjamyajtsëm ko Jyobaa jyëjwijtsëmbijtypy tuˈugë jäˈäy axtë mäbäät nyitëkëty (Jer. 30:11). Pääty, nˈokkupëjkëm wiˈixë Jyobaa jyëjwijtsëmbityëty ets nˈokmëduˈunˈadëtsëm mientrësë tyäˈädë jäˈäy tnijëmbityë Tyeety diˈib mëk paˈˈayoowëp (Is. 1:16-18; 55:7).

KO NETY TË YAˈIJXTÄˈÄYË BIDEO TUˈUGË KORASOON DIˈIB MËDOOP ETS DIˈIB IJTP AMUUM PARË JYOBAA, TA YAˈˈATSOOWËMBITËDË TYÄˈÄDË YAJTËˈËWËN:

• 

  ¿Wiˈix nyayjyawëdë tääk teety ko niduˈugë yˈuˈunk tˈëxmatyë Jyobaa?

• 

  Ninuˈun nˈyoˈoyëm reunyonk, ¿wiˈix mbäät nbudëjkëm ja familyë diˈibë jyiiky myëguˈuk të yaˈëxkexy?

• 

  ¿Ti ijxpajtën yajmaytyakp mä Biiblyë diˈib xytyukˈijxëm ko mas niˈigyë jyëjpˈamëty ntsojkëmë Jyobaa ets kyaj dyuˈunëty ja jiiky mëguˈuk?

• 

  ¿Wiˈix nyajnigëxëˈkëm ko mas niˈigyë ntsojkëmë Jyobaa ets kyaj dyuˈunëty ja jiiky mëguˈuk?