Nyajjëjwijtsëmbijtëm mët ko Jyobaa xytsyojkëm

Ko nyajjëjwijtsëmbijtëm, yëˈë yˈandijpy ko nyajtukniˈˈijxëm ets nyajpudëjkëm, per nan yëˈë yˈandijpy ko nyaˈëwij nyajkäjpxwijëm ets ko nyajtukumëdoˈowëm. Jyobaa xyjyëjwijtsëmbijtëm parë nmëduˈunëm extëm ttukjotkëdaˈaky (Rom. 12:1; Eb. 12:10, 11). Näˈäty, mbäät mëk njäˈäwëm ko nyajjëjwijtsëmbijtëm, per pën ngupëjkëm, ta oy nˈitäˈänëm mëdë Dios ets xykyunuˈkxäˈänëm (Prov. 10:7). ¿Ti mbäät tjamyetsy pënaty yäjktëp ja nayjëjwijtsëmbitë ets pënaty yˈaxäjëdëp?

Pënaty yäjktëp. Tääk teety, pënaty tuundëp mëjjäˈäy o wiinkpë nmëguˈukˈäjtëm, tyuundëbë mëjääw parë tsuj yajxon xyjyëjwijtsëmbijtëm extëmë Jyobaa ttuny (Jer. 46:28). Ets yˈijxtëp wiˈix nyaˈijx nyajpatëm ets xyjyëjwijtsëmbijtëm mëdë tsojkën axtë pën xynyitëjkëm mëk nyajjëjwijtsëmbijtëm (Titʉ 1:13).

Pënaty yˈaxäjëdëp. Oy wiˈix nyajjëjwijtsëmbijtëm, tsojkëp ngupëjkëm ets netyë nguytyuˈunëm extëm nyajmoˈoyëm ja ëwij käjpxwijën (Prov. 3:11, 12). Niˈamukë nyajtëgoyˈäjtëm ets näˈäganäˈäty nyajjëjwijtsëmbijtëm mët ko ak pokyjyaˈay nyajpatëm. ¿Wiˈix nyajjëjwijtsëmbijtëm? Ko ngäjpxëmë Biiblyë o ko nmëdoˈowëm tijaty näjxp reunyonk. Ets näˈäty, mbäät yëˈë xyjëjwijtsëmbijtëm ko tyuˈukmuktë nidëgëëgë mëjjäˈäytyëjk. Pën ngupëjkëm ko nyajjëjwijtsëmbijtëm ets pën nnayaˈoˈoyëm, ta nëjkx nbatëm ja jukyˈäjtënë winë xëëbë (Prov. 10:17).

KO NETY TË YAˈIJXTÄˈÄYË BIDEO JYOBAA JYËJWIJTSËMBIJTYPY PËNATY TSYOJKYPY, TA YAˈˈATSOOWËMBITËDË TYÄˈÄDË YAJTËˈËWËN:

• 

  ¿Wiˈix yeˈky pyejtyë Canon, ets wiˈix ok jyajty kyëbejty?

• 

  ¿Wiˈixë Jyobaa jyëjwijtsëmbijtë?

• 

  ¿Ti xytyukniˈˈijxëm extëm jyajtyë Canon?