WIˈIX JYUKYˈATYË DIOS MËDUUMBË
Nˈokjäˈäwëm extëmë tääk ja mëjjäˈäytyoxytyëjk ets ja ënäˈkatypyë extëmë mëgaˈax
Biiblyë jyënaˈany ko ja nmëguˈukˈäjtëm diˈib mëjjäˈäy mëˈˈënäˈknë, njäˈäwëm extëmë tääk teety ets ja ënäˈktëjk extëmë mëgaˈax (käjpxë 1 Timotee 5:1, 2). Per ja yetyëjkjäˈäyëty, yëˈë diˈib niˈigyë mbäät dyaˈixëdë mayˈäjt wintsëˈkën mä ja toxytyëjkjäˈäyëty.
Tuˈugë nmëguˈukˈäjtëm, ninäˈä mbäät tkawinˈity tkawinxony tuˈugë toxytyëjkjäˈäy ets ni axëëk tkayajnayjyawëdët (Job 31:1). Ets tuˈugë mixy, ninäˈä mbäät tkayajwinmay tëgatsy tuˈugë kiixy pën kyaj ti ttsoky o pën kyaj tpëkäˈäny.
Pënaty tuundëp mëjjäˈäy, tsojkëp tˈijxkuk tjaygyukëdët ko ja toxytyëjkjäˈäy yajtëwëdët ti mëdë mayˈäjt wintsëˈkën o ko ti tyukmëtmaytyäˈägëdët diˈib tsojkëp tˈixtët. Ets niˈigyë mbäät tsuj yajxon jyaˈayˈattë mët ja nmëguˈukˈäjtëm diˈib kyaj pënë myëmëjjäˈäy diˈib kuentëˈatëdëp (Rut 2:8, 9).
KO NETY TË YAˈIJXTÄˈÄYË BIDEO NˈOKˈYAJNIGËXËˈKËM JA TSOJKËN DIˈIB NINÄˈÄ KYAKUGËXË MÄ NDUˈUKMUJKËM: MËT JA KUˈOOKYTYOXYTYËJKËTY ETS JA KUˈOOKYˈUˈUNGËTY, TA YAˈˈATSOOWËMBITËDË TYÄˈÄDË YAJTËˈËWËN:
¿Wiˈixë nmëguˈukˈäjtëm Myint tyukˈijxëdë ja myëguˈuktëjk ko mëk tsyokëdë?
Ko ja nmëguˈukˈäjtëm duˈun dyajnigëxëˈktë ja tsojkën, ¿wiˈix ja myëjjëmbäˈä myëdëjkpäˈäjë Myint pyudëjkë ko duˈun tˈijxtë?
¿Wiˈix ja nyëëxëty pyudëjkëdë ko duˈun ja nmëguˈukˈäjtëm dyajnigëxëˈktë tsojkën?
¿Wiˈix mbäät xyajnigëxëˈëky ko mmëmääy mmëdajpyë toxytyëjkjäˈäy diˈib mä mgongregasionk?