WIˈIX JYUKYˈATYË DIOS MËDUUMBË
¿Pënaty mëët mnaymyayëty mä internet?
Tuˈugë mëtnaymyaayëbë, yëˈë tuˈugë jäˈäy mëdiˈibë oy mëët nnayjyäˈäwëm. Ko David dyaˈoˈkyë Goliat, ta nyaymyaaybyëjkë mëdë Jonatán (1 Sam. 18:1). David yˈijx wiˈixë nety jantsy oy jyaˈayˈatyë Jonatán etsë Jonatán nanduˈun ttuuny, yëˈë pudëjkëdë parë niˈigyë ojts dyajkëktëkëdë ja nyaymyayë. ¿Ti nanduˈun xypyudëkëyäˈänëm parë nbatëmë oybyë mëtnaymyaayëbë? Ko yajxon nˈixyˈäjtëm ets parë duˈun nduˈunëm, myënëjkxypyë tiempë. Mä redes sociales, kyaj xytsyiptakxëm nbatëmë mëtnaymyaayëbë, pes jeˈeyë jap yajmoˈoyë klik. Mä internet, kyuyuˈtstëbë jäˈäy wiˈix jyaˈayˈattë, mët ko këˈëm tˈixtë ti jeˈeyë jäˈäy tyuknijawëyandëp o tyukˈixandëp. Pääty, oy ko nˈijxëm pënaty jeˈeyë ngupëkäˈänëm mä internet extëmë mëtnaymyaayëbë. Pën jap tuˈugë jäˈäy mëdiˈibë kyaj yajxon xyˈixyˈaty, kyaj mtsëˈëgët o mwinmayët ko jotˈambëkäämp ko xykyakupëkët extëmë mëtnaymyaayëbë. Kutsëˈëgë ko nyajtuˈunëmë redes sociales, pääty näägë nmëguˈukˈäjtëm kyaj ttimyˈyajtundë. Per pën mijts myajtuumpy, ¿ti tsojkëp xymyëdatët mwinmäˈänyoty?
KO NETY TË YAˈIJXTÄˈÄYË BIDEO PËN MYAJTUUMBYË REDES SOCIALES, KËDII MNAYTYUKWINˈËËNYËTY, TA YAˈˈATSOOWËMBITËDË YÄˈÄDË YAJTËˈËWËN:
¿Ti tsojkëp xyjyamyatsët mä kyajnëm xyajpetyë mretratë o kyajnëm ti xynyimaytyaˈaky?
¿Tiko jyëjpˈamëty yajxon xywyinˈixëdë mëtnaymyaayëbë mä internet?
¿Tiko mbäät xyˈixy nuˈun jeˈeyë ja mdiempë xyajtunäˈäny mä redes sociales? (Éfes. 5:15, 16).