Kyaj yˈijtëwäˈäny ja amay jotmay

Ko nbatëmë amay jotmay, mbäät mon tuk xyajnayjyäˈäwëm ets niˈigyë ko jyajknë. David nyijäˈäwëbë nety ko këxäämp naxäämp ja jotmay mëdiˈibë myëdäjt mëdë Saúl ets nyijäˈäwëbë nety ko yëˈë tunäämp rey extëmë Jyobaa twandaky (1 Sam. 16:13). Ko David tmëdäjtyë mëbëjkën, yëˈë pudëjkë parë myaˈkxtujky etsë Jyobaa yaˈoˈoyxyëdët ja jotmay.

Ko nbatëmë amay jotmay, mbäädë Jyobaa xymyoˈoyëmë wijyˈäjtën parë nnijäˈäwëm wiˈix tijaty nduˈunëm ets nyaˈoˈoyëm (1 Sam. 21:12-14; Prov. 1:4). Per näˈäty, kyaj yˈoyë jotmay oy nuˈun të tjaˈëxtäˈäyëmë winmäˈäny o të njaˈijxëm ja ëwij käjpxwijën mëdiˈibë yajpatp mä Biiblyë. ¿Ti net mbäät nduˈunëm? Tsojkëp nmaˈkxtujkëm ets ndukkëdëjkëmë Jyobaa parë yëˈë dyaˈoyët ja jotmay. Pes tim tsojk dyajjëjptëgoyaˈany tijaty xyaˈˈayoˈowëm ets dyajtëˈëtsäˈäny “tëgekyë ja wyinnëë” (Diˈibʉ Jat. 21:4). Näˈäty, mbäät yˈoyë ja amay jotmay ko Jyobaa këˈëm xypyudëjkëm o ko jam wiˈixtsoo dyajkëxëˈëky ja naybyudëkë. Per xyjyotkujkmoˈoyëm ko nnijäˈäwëm ko ja amay jotmay kyaj xëmë yˈijtëwäˈäny.

KO NETY TË YAˈIJXTÄˈÄYË BIDEO DIOSË KYÄJPN TUˈUGYË YAJPÄÄTY OYË JÄˈÄY DUˈUN KYANAYAˈITËDË, TA YAˈˈATSOOWËMBITËDË YÄˈÄDË YAJTËˈËWËN:

• ¿Tijaty jotmay pyattë nimayë nmëguˈukˈäjtëm jap Estados Unidos?

• ¿Wiˈix dyajnigëxëˈktë tsojkënë etsë maˈkxtujkën?

• ¿Ti mas jëjpˈam pyëjktaktë ja nmëguˈukˈäjtëm? (Filip. 1:10).