WIˈIX JYUKYˈATYË DIOS MËDUUMBË
Jyobaa xypyudëjkëm parë nmëmadakëmë amay jotmay
Mä yäˈädë tiempë mëdiˈibë jëjpkëxanëp, nëgooyë nbatënë amay jotmay, ets waˈan näˈäty nnayjyäˈäwëm ko kyaj nˈokmëmadäˈägäˈänënë. Per pën niˈigyë nmëwingoˈonëmë Jyobaa, nëjkxëp nmëmadakëm ja amay jotmayë mëjwiin kajaabë (Is. 43:2, 4). Per ¿ti mbudëkëyanëp parë niˈigyë Jyobaa xymyëwingonët pën mbatypy tyamë amay jotmay?
Nnuˈkxtakëm. Pën ndukmëtmaytyaktäˈäyëmë Jyobaa wiˈix nnayjyäˈäwëm, yëˈë xymyoˈoyäˈänëmë agujkˈäjt jotkujkˈäjtën ets ja jot mëjääw parë nmëmadakëm (Filip. 4:6, 7; 1 Tes. 5:17).
Nreunyonkˈäjtëm. Tyam niˈigyë tsyokyëty nˈëxpëjkëmë Diosë yˈAyuk ets nëjkxëm reunyonk parë nnaymyëjääwmoˈoyëm mët ja nmëguˈukˈäjtëm (Eb. 10:24, 25). Ko nˈëxpëjkëm kontiempë tijaty naxäämp reunyonk ets ngomentaräjtëm, duˈunë nety nasˈijxëm parë Jyobaa xypyudëjkëm mët yëˈëgyëjxmë myëjääw (Diˈibʉ Jat. 2:29).
Nˈëwäˈkx ngäjpxwäˈkxëm. Pën nduˈunëmë mëjääw parë xëmë nˈëwäˈkx ngäjpxwäˈkxëm, ta jamyë jot winmäˈäny nbëjktäˈägäˈänëm mä mëdiˈibë oy. Ets niˈigyë nanduˈun nmëwingonäˈänëmë Jyobaa etsë nmëguˈukˈäjtëm ko nˈëwäˈkx ngäjpxwäˈkxëm, pes yëˈë mëët nduunmujkëm (1 Kor. 3:5-10).
KO NETY TË YAˈIJXTÄˈÄYË BIDEO JYOBAA MGUENTËˈATANËP, TA YAˈˈATSOOWËMBITËDË YÄˈÄDË YAJTËˈËWËN:
¿Tijaty pudëjkë Malu parë kyaj tmastutyë Jyobaa?
¿Wiˈix xyjyotkujkmoˈoyëmë Salmo 34:18 extëm jyotkujkmooyë Malu?
Extëm jyajty kyëbejtyë Malu, ¿wiˈix xytyukˈijxëm ko Jyobaa mbäät xymyoˈoyëmë mëkˈäjtën mëdiˈibë jantsy mëjwiin kajaa ko nbatëmë amay jotmay? (2 Kor. 4:7).