WIˈIX JYUKYˈATYË DIOS MËDUUMBË
Nˈokˈijxëm wiˈixë Jyobaa wyinmay
Agujk jotkujkë Jyobaa nyajnayjyawëyäˈänëm mä tukëˈëyë tijaty nduˈunëm (Prov. 27:11). Pääty, tsojkëp tijaty nduˈunëm extëm wyinmay, oy yajxon tkatimynyigäjpxët ti mbäät nduˈunëm ets ti kyaj. ¿Ti xypyudëkëyäˈänëm?
Ko bom bom ngäjpxëmë Biiblyë. Tëgok tëgok ngäjpxëm, duˈunxyëp extëm nyajnäjxëmë tiempë mëdë Jyobaa. Mbäät nnijäˈäwëm wiˈix wyinmay ko nˈijxëm wiˈix tˈijxˈijty tkuentëˈäjtyë nyax kyäjpn ets ko nbawinmäˈäyëm wiˈix jyäjt kyëbajttë pënaty kyaj tmëmëdoowdë Jyobaa ets wiˈix ojts yajkunuˈkxtë pënaty mëdoowdë. Ko ti nduknibëjktakëm ndunäˈänëm, mbäät ja Diosë myëjääw xytyukjamyajtsëm tijaty të nˈëxpëjkëm ets tijaty të njäjtëm mä Biiblyë (Fwank 14:26).
Ko nbayeˈeyëm. Mä kyajnëm ti xytyuny, oknayajtëwëdë: “¿Mëdiˈibë tekstëts mbäät xypyudëkë parëts nnijawët wiˈixë Jyobaa wyinmay mä tits ndunaampy?”. Mmënuˈkxtäˈägë Jyobaa parë mbudëkëdët ets yajtunë ëxpëjkpajn o bideo mëdiˈibë jaˈäjtp mä mˈayuk, ta net duˈun xytyunët extëmë Biiblyë mnëˈëmoˈoy mduˈumoˈoyëty mä tijaty mdukniwinmäˈäyëp xytyunäˈäny (Sal. 25:4).
KO NETY TË YAˈIJXTÄˈÄYË BIDEO TSOJKËP NBËYËˈKËM PARË NMËMADAKËM: NˈOKJUˈTËMË TIEMPË PARË NˈËXPËJKËM, TA YAˈˈATSOOWËMBITËDË YÄˈÄDË YAJTËˈËWËN:
¿Tijaty jotmay wyinguwäˈkë ja kiixy mëdiˈibë të yaˈixy mä bideo?
Ko duˈumbë jotmay xypyäädët, ¿wiˈix mbäät mbudëkëty ko tijaty xypyayeˈeyëty mä ja ëxpëjkpajn?
Mä kyajnëm ti nduˈunëm, ¿wiˈix xypyudëjkëm ko njuˈtëmë tiempë parë nˈëxpëjkëm ets nbayeˈeyëm? (Eb. 5:13, 14).