WIˈIX JYUKYˈATYË DIOS MËDUUMBË
Oy ko mnayˈixëdët extëmë Jyobaa mˈixyëty
‘Dios tyukxondakypy yëˈë nyax kyäjpn’ (Sal. 149:4, TY). Kom pokyjyaˈay nyajpatëm waˈan näˈäty nwinmäˈäyëm ko kyaj oy tijaty nduˈunëm o ko kyaj oy njäˈäyˈäjtëm. Tsiptakp näˈäty nnayˈijxëm extëmë Jyobaa xyˈijxëm. Waˈan nnayjyäˈäwëm ko kyaj ti ntsoowˈäjtëm mët ko jam wiˈix ja nmëguˈukˈäjtëm xytyuˈunëm. Pën yëˈëyë njamyajtsëm tijaty kyaj oy të nduˈunëm, waˈanë net nwinmäˈäyëm ko kyaj Jyobaa xynyekytsyojkëm. ¿Ti mbäät mbudëkëty pën duˈun näˈäty mnayjyawëty?
Jamyats ko Jyobaa kyaj duˈun tijaty tˈixy extëmë naxwinyëdë jäˈäy (1 Sam. 16:7). Yäˈädë yëˈë yˈandijpy ko Jyobaa wäˈäts tˈixy tijaty oy nduˈunëm oy ëtsäjtëm ngapëjkëmë kuentë. Biiblyë mbäät xypyudëjkëm parë nnijäˈäwëm ti Jyobaa yˈijxypy mä ëtsäjtëm. Ko nˈëxpëjkëm, ta njaygyukëyäˈänëm nuˈunënë Jyobaa ttsoky pënaty mëduunëdëp.
KO NETY TË YAˈIJXTÄˈÄYË BIDEO WAˈANË MGORASOON TKUPËKY KO MTSOJKËBË JYOBAA, TA YAˈˈATSOOWËMBITËDË YÄˈÄDË YAJTËˈËWËN:
Extëm të nˈijxëm mä bideo ja uˈunkteety ets ja yˈuˈunk mëdiˈibë pëyëˈkp, ¿ti xytyukniˈˈijxëm mä wiˈixë Jyobaa xyˈijxëm?
Pën të pyokytyuny mëjwiin kajaa tuˈugë jäˈäy ets të jyodëmbity, ¿ti mbäät pyudëkëty parë tkupëkët ko Jyobaa të pyokymyeˈkxyëty? (1 Fwank 3:19, 20).
¿Wiˈix pyudëjkë ja nmëguˈukˈäjtëm ko ojts tkajpxy ets tpawinmay wiˈix yajnimaytyaˈagyë David etsë Jehosafat?