¿Mmëdoowˈijtypyë Biiblyë mëdiˈibë të yajgrabaraty?

Mä sitio jw o JW Library mbäät jap xypyaatyë audio mä të yajgrabaraty Biiblyë Traducción del Nuevo Mundo ets wanaty wanaty pyëtsëmäˈäny nanduˈun kanäk ayuk. Jantsy oyë yäˈädë Biiblyë të yajgrabaraty, pes tuˈuk tuˈugë jäˈäy kyajpxy tëgäjtspë yˈääw yoˈkn. Ets duˈun meerë yˈääw yoˈkn tmoˈoytyë extëm nyayjyäˈäwëdë pënaty yajmaytyaktëp mä Biiblyë parë yajxon yajjaygyukët.

¿Wiˈix xypyudëjkëm ko nmëdoowˈijtëmë Biiblyë mëdiˈibë të yajgrabaraty? Ko xëmë nmëdoowˈijtëmë Biiblyë mëdiˈibë të yajgrabaraty, mbäät niˈigyë ndukjukyˈäjtëm tijaty jap yajmaytyakp. Ko nmëdoˈowëm wiˈix ja ääw yoˈkn tyëgatsy, mbäät xypyudëjkëm parë niˈigyë njaygyujkëm (Prov. 4:5). Ta nmëguˈukˈäjtëm mëdiˈibë jënandëp ko jotkujkmooyëdëp ko tmëdoowˈittë (Sal. 94:19).

Mbäät mëjwiin kajaa xypyudëjkëm ko nmëdoowˈijtëmë Biiblyë mëdiˈibë të yajgrabaraty (2 Crón. 34:19-21). ¿Të yajgrabaratyë Biiblyë mä ayuk mëdiˈibë mjaygyujkëp? Pën të, oyxyëp ko xypyëjktaˈagyë mwinmäˈäny parë xëmë xymyëdoowˈitët.

KO NETY TË YAˈIJXTÄˈÄYË BIDEO NMËGUˈUKˈÄJTËM TNIMAYTYÄˈÄKTË WIˈIX TË YAJGRABARATYË BIIBLYË (JEˈEYË TUK PËKY YAˈIXY), TA YAˈˈATSOOWËMBITËDË YÄˈÄDË YAJTËˈËWËN:

Extëm të yajgrabaratyë Biiblyë, ¿ti niˈigyë myajmonyˈijx myajmonyjyäˈäwëp?