Eksperiensyë

Nˈokpaˈˈayoˈowëm niˈamukë jäˈäy

Tëgok, tuˈugë nmëguˈukˈäjtëm mëdiˈibë tsënaapy Nueva Zelanda ojts tˈixyë bideo mëdiˈibë xyëwˈäjtypy Preocupémonos unos por otros, ets jap tnimaytyaky ko Jyobaa kyaj jeˈeyë xypyaˈˈayoˈowëm, yajnigëxëˈkypyë duˈun (Is. 63:​7-9). Ko tˈijxy, ta jyënany ko nanduˈunë jäˈäy tpudëkëyany. Ja xëëw mä tˈijxyë bideo, ta ojts nyëjkxy juuy këbäjtpë, ta tpaty tuˈugë toxytyëjk jäˈäy mëdiˈibë duˈunyë jëdijtp nëˈääy tuˈääy, ta tˈanmääy ko jyuyanëbë kyaˈay yˈukën, ta ja toxytyëjk jyënany ko oy. Ko ja nmëguˈukˈäjtëm tmooy, ta jamyë ttukmëtmaytyaky ja Diosë yˈayuk ets yëˈë yajtuunë trataadë mëdiˈibë xyëwˈäjtypy ¿Waˈan näˈä jyëjptëgoyëdë ayoˈon?

Ta ja toxytyëjk tyëjkë jëëy yaxpë ets jyënany ko japë nety të yeeky të pyety mä Diosë kyäjpn, ets ko të nety jekyë tiempë nyäjxnë mä tmastuty ja tëyˈäjtën. Per të nety Jyobaa tmënuˈkxtaˈaky parë pyudëkëdët ets jatëgok tnijëmbitët. Ja nmëguˈukˈäjtëm myooy tuˈugë Biiblyë ets ta mëët ojts nyaygyajpxyëty ko yˈëxpëkäˈändë.a

Duˈun extëmë Jyobaa xypyaˈˈayoˈowëm, oy ko nanduˈun nbaˈˈayoˈowëmë jëëky mëguˈuk ets pënaty mëët nˈëxpëjkëm. Ja tuk pëky wiˈix mbäät nyajnigëxëˈkëm ko nbaˈˈayoˈowëmë jäˈäy, yëˈë ko nˈëxtäˈäyëmë winmäˈäny wiˈix mbäät nˈoktukmëtmaytyakëmë Diosë yˈayuk.