¿Tiko mbäät nduˈukmujkëm parë nˈawdäjtëmë Dios?

1, 2. ¿Wiˈix nnijäˈäwëm ko Dios mëduumbë jëjpˈam dyajnaxtë reunyonk? (Ixë dibujë mä tsyondaˈaky).

CORINNA ja netyë jyëmëjt 17 ko tyääk yajmäjtsy ets ojts yajmënëjkxy jagam tsumytsyënaabyë, mëk japë jäˈäy yajtuunë. Ko tiempë nyajxy, ta Corinna nanduˈun ojts yajmënëjkxy Siberia, diˈib jantsy jagam wëˈëmp mä tyëjk. Japë jäˈäy tyuumbëˈäjt myosëˈäjtë mä tsyiibë borreegë yajkuentˈaty. Näˈäty, atsipë jäˈäy yajtuunë winwäˈätstuuy mä jyantsy xyuxy o tyitykyëty ets kyaj nëgoo nyipit nyimots. Per oyë nety duˈun yajpääty, Corinna mët jatuˈugë Testiigë ojts ttukniwinmayëdë nyëjkxäˈändë reunyonk diˈibë nety jagam wëˈëmp.

² Ko ojts tsyuˈujënë, ta nimajtsk tyuˈudëjkëdë, ets ja ojts tyuˈuyoˈoytyë 25 kilometrë parë jyäjttë mä ja tren tsyoony. Corinna, jyënaˈany: “A las dos de la manyanë ja tren tsyoˈony ets jats ojts xymyëyoˈoytyë tëdujk oorë. Kojëts ndukjënäjktë, tajëts ojts nˈaktuˈuyoˈoytyë ja mäjk kilometrë parëts njäjttë mä ja reunyonk tyunäˈänyëty”. Corinna kyaj tmëkjäˈäwë ko duˈun ojts tyuˈuyoˈoy. Yëˈë jyënany: “Mä ja reunyonk nˈëxpëjktëtsë rebistë Diˈib Xytyukˈawäˈänëm etsëts nˈëëw nyaxtë. Xymyëjämooytyëts ets yajkëktëjkëdëts ja nmëbëjkën”. Kyumdëgëëk xëëw, ta jyëmbijttë, ets ja jäˈäy mä nety tyundë, ninäˈä tkanijäˈäwë ko tsyoˈondë.

3. ¿Ti nˈixäˈänëm mä tyäˈädë artikulo?

³ Niˈamukë Dios mëduumbë jëjpˈam dyajnaxtë reunyonk. Extëm nˈokpëjtakëm, pënaty tim jawyiin pyanëjkxtë Jesus jantsy tuˈukmukandë parë tˈawdatäˈändë Jyobaa ets parë niˈigyë tˈixyˈatäˈändë (Apostʉlʉty 2:46). Seguurë ko niˈamukë agujk jotkujk nnayjäˈäwëm ko nëjkxëm reunyonk. Per ta näägë nmëguˈukˈäjtëm diˈib tsiptakxëdëp tpatäˈäytyët, mët ko tyundë xëëwbääty, tmëdattë mayë tyuunk o mët ko jyantsy yˈanuˈkxëdë. ¿Ti mbäät xypyudëjkëm parë kyaj ndëgoyˈäjtëmë reunyonk?^[1] (Ixë notë). ¿Wiˈix mbäät nbudëjkëm pënaty nyaˈëxpëjkëm etsë wiink jäˈäy parë nyëjkxët reunyonk? Mä tyäˈädë artikulo nˈixäˈänëm tëgëk pëky. Myëduˈuk, ¿tiko yˈoyëty nëjkxëm reunyonk? Myëmajtsk, ¿wiˈixë wiinkpë pyudëkëty ko nëjkxëm reunyonk? Ets myëdëgëëk, ¿tiko Jyobaa tˈoyˈixy ko nëjkxëm reunyonk?^[2] (ixë notë).

¿TIKO YˈOYËTY NËJKXËM REUNYONK?

4. ¿Wiˈix xypyudëjkëmë reunyonk parë mas oy nˈixyˈäjtëmë Jyobaa?

⁴ Mä reunyonk yajtukniˈˈijxëm tijaty. Xypyudëjkëm parë niˈigyë nˈixyˈäjtëmë Jyobaa. Extëm nˈokpëjtakëm, mä mayë tuˈukmujkënë të yaˈëxpëkyë liibrë Acerquémonos a Jehová mä Yaˈëxpëkyë Biiblyë mä Naymyujkën. Ko të yaˈëxpëky wiˈixë Dios jyaˈayˈaty ets ko të yajmëdoowˈity wiˈixë nmëguˈukˈäjtëm tnimaytyäˈäktë amumduˈukjot, yëˈë diˈib niˈigyë yajkëktëjkë ja tsojkën diˈib nmëdäjtëm mä Jyobaa. Mä reunyonk, nan mbäät niˈigyë nnijäˈäwëm tijaty tukniˈˈijxëbë Biiblyë ko nmëdoowˈijtëm yajxon wiˈix nyaxyë diskursë, demostrasyonk ets ko yajkajpxyë Biiblyë (Nehemías 8:8). Ets mbäät tijaty njäjtëm ko nˈëxpëjkëm kontiempë Biiblyë diˈib yajkäjpxp sëmään sëmään ets ko nmëdoowˈijtëm wiˈixë nmëguˈukˈäjtëm tnimaytyäˈäktë diˈib të tpayoˈoytyë.

5. ¿Wiˈix xypyudëjkëmë reunyonk mä ngäjpxwäˈkxëm ets parë nguytyuˈunëm tijaty njäjtëm mä Biiblyë?

⁵ Ko nëjkxëm reunyonk, nan xypyudëjkëm parë nguytyuˈunëm tijaty njäjtëm mä Biiblyë (1 Tesalónikʉ 4:9, 10). Extëm nˈokpëjtakëm, waˈan näˈä ojts ngäjpxëm tuˈugë artikulo mä rebistë Diˈib Xytyukˈawäˈänëm, diˈib ojts xypyudëjkëm parë niˈigyë tijaty ndukmëduˈunëmë Jyobaa, parë mas oy nmënuˈkxtakëm o parë nbokymyaˈkxëmë nmëguˈukˈäjtëm diˈib axëëk ojts xyajnayjäˈäwëm. Etsë reunyonk diˈib tuunëp sëmäänoty, xypyudëjkëm wiˈix mbäät ngäjpxwäˈkxëm ets wiˈix mbäädë jäˈäy ndukniˈˈijxëmë tëyˈäjtën diˈib mä Biiblyë (Matewʉ 28:19, 20).

6. ¿Wiˈix xymyëjämoˈoyëm ets xypyudëjkëm ko nëjkxëm reunyonk?

⁶ Mä reunyonk yajmëjjämoˈoyëm. Satanásë jyaˈay xyjayaˈëxtëkëwäˈägäˈänëm ets jyayajxaamaambyë mëbëjkën. Per ko nëjkxëm reunyonk, yëˈë xymyëjämoˈoyëm ets xypyudëjkëm parë nmëduunˈadëtsëmë Jyobaa (käjpxë Apostʉlʉty 15:30-32). Diˈib xëmë yajmaytyakp mä tyäˈädë reunyonk, yëˈë wiˈix të yˈadëy tijaty ojts yajnaskäjpxë mä Biiblyë. Etsë tyäˈädë yëˈë xypyudëjkëm parë nˈijtëm seguurë ko tukëˈëyë tijatyë Jyobaa të twandaˈaky, adëwäämp. Nan xypyudëjkëm ko nmëguˈukˈäjtëm dyajnaxtë diskursë etsë demostrasyonk, nanduˈun ko kyomentarattë ets ko tkuyˈëwdë Jyobaa amumduˈukjot (1 Korintʉ 14:26). Ja tuk pëky diˈib nanduˈun xymyëjämoˈoyëm, yëˈë ko mëdë nmëguˈukˈäjtëm ngäjpx nmaytyakëm mä kyatsondaˈakynyëmë reunyonk ets ko jyëjpkëjxnë. Duˈun nbëjkëmë kuentë ko nmëdäjtëm nimayë mëtnaymyaayëbë diˈib naytyukjotmaytyuunëdëp mët ëtsäjtëm (1 Korintʉ 16:17, 18).

7. ¿Tiko jyëjpˈamëty ets nëjkxëm reunyonk?

⁷ Mä reunyonk xypyudëjkëmë Dios mëdë myëjää. Jesus yëˈë yajtuumbyë Diosë myëjää parë tnëˈëmoˈoy ttuˈumoˈoyë tuˈukmujkën. Yëˈë jyënany: “Diˈibë mëdoodëp, waˈan tjaygyukëdë diˈibë ja Espiritë Santë yˈanmääytyëbë tadë mëbëjkpëtëjk mä nyaymyukëdë” (Diˈibʉ Jatanʉp 2:7). Diosë myëjää mbäät xypyudëjkëm parë njëjpkuwäˈkëm tijaty xyajtëgoyäˈänëm, ngäjpxwäˈkxëm amëk jotmëk ets parë nwinˈijxëm diˈib oy. Pääty jyëjpˈamëty ets nduˈunëmë mëjää parë xëmë nëjkxëm reunyonk, pes duˈunë Dios xypyudëjkëm mët yëˈëgyëjxmë myëjää.

¿WIˈIXË WIINKPË PYUDËKËTY KO NËJKXËM REUNYONK?

8. ¿Wiˈix pyudëkëdë nmëguˈukˈäjtëm ko nëjkxëm reunyonk ets ko tmëdowdë wiˈix ngomentaräjtëm ets nguyˈëˈëwëmë Jyobaa? (Ix nanduˈunë rekuäädrë “Xëmë jyëmbity mä tyëjk agujk jotkujk”).

⁸ Ko nëjkxëm reunyonk mbäät ndukˈijxëmë nmëguˈukˈäjtëm ko ntsojkëm. Nimayë nmëguˈukˈäjtëm yajnäjxtëbë amay jotmay diˈib mëjwiin kajaa. Apostëlë Pablo tkujäˈäyë: “Nˈokˈëxtäˈäyëm ja winmäˈäny es nnaybyudëjkëm nixim niyam” (Ebreeʉsʉty 10:24, 25). Ko duˈun jyënany, yëˈë myaytyäˈägan ko tsojkëp nnaytyukjotmaytyuˈunëm ja nmëguˈukˈäjtëm. Tuk pëky wiˈix mbäät nduˈunëm, yëˈë ko mëët nduˈukmujkëm parë nnayjotmëkmoˈoyëm. Ko nëjkxëm reunyonk, ta ndukˈijxëm ko yajpäädäˈänëm mëët, käjpxäˈän maytyäˈägäˈänëm ets ko naytyukjotmaytyuˈunëm. Nan njotmëkmoˈoyëmë nmëguˈukˈäjtëm ko ngomentaräjtëm ets ko nguyˈëˈëwëmë Jyobaa winë ääw winë jot (Kolosʉ 3:16).

9, 10. 1) Nimaytyaˈaky wiˈix xypyudëjkëm extëmë Jesus jyënany mä Fwank 10:16 parë njaygyujkëm tiko jyëjpˈamëty nëjkxëm reunyonk. 2) Ko nëjkxëm reunyonk, ¿wiˈix pyudëkëdë pënaty kyaj tsyokëdë fyamilyë?

⁹ Ko nëjkxëm reunyonk, xypyudëjkëm parë tuˈugyë nˈijtëm mëdë nmëguˈukˈäjtëm (käjpxë Fwank 10:16). Jesus jyënany ko yëˈë duˈun extëm tuˈugë borreegë kuentˈäjtpë ets ko pënaty panëjkxëdëp duˈun extëm tuk kajpëˈëgë borreegë. Ko yajpääty tuk kajpëˈëgë borreegë, xëmë nyayaˈitëdë tuˈugyë ets yëˈëyë pyanëjkxtëp ja wyintsën. Per nˈokpëjtakëm ko majtskë borreegë yajpäättë mä tuˈugë jëdun ets ja nimajtsk mä tuˈugë joy ets jatuˈuk yajpääty wiinktsoo, ¿jënäˈänëm ko tyäˈädë nimëgoxkpë borreegë tuk käjpëˈëk yajpäättë? Kyaj. Nanduˈun jyaty mët ëtsäjtëm, pën yajpäädäˈänëm “tuk kajpëˈëk” extëmë borreegë diˈib pyanëjkxypy tuˈuk jeˈeyë ja wyintsën, jëjpˈam ets xëmë nëjkxëm reunyonk parë nyajpatëm tuˈugyë mëdë nmëguˈukˈäjtëm.

¹⁰ Ko nëjkxëm reunyonk xypyudëjkëm parë tuˈugyë nyajpatëm mëdë nmëguˈukˈäjtëm extëmxyëp tuk familyë (Salmo 133:1). Ta näägë nmëguˈukˈäjtëm diˈib kyaj nyekytsyokëdë tyääk tyeety etsë myëgaˈaxëty mët ko Tyestiigëty. Perë Jesus ojts twandaˈaky ko pyäädandëbë fyamilyë diˈib tsokanëdëp ets kuentˈatanëdëp (Markʉs 10:29, 30). Pääty, pën kyaj ndëgoyˈäjtëm nituˈugë reunyonk, mbäädë tyäˈädë nmëguˈukˈäjtëm xyˈijxëm extëmë tyääk tyeety o myëgaˈaxëty ets myëjämoˈoyëdët. Ko nwinmäˈäyëmë tyäˈädë, ta kyaj ndëgoyˈatäˈänëm nituˈugë reunyonk.

¿TIKO JYOBAA TˈOYˈIXY KO NËJKXËM REUNYONK?

11. ¿Wiˈix xypyudëjkëmë reunyonk parë nmoˈoyëmë Jyobaa diˈib pat nitëjkëp?

¹¹ Mä reunyonk mbäät nmoˈoyëmë Jyobaa diˈib nitëjkëp. Komë Jyobaa yëˈë diˈib ojts xyajkojëm, pääty nitëjkëp ets nmoˈoyëmë dyoskujuyëm, nyajmëjpëtsëˈëmëm ets nmëjkumäˈäyëm (käjpxë Diˈibʉ Jatanʉp 7:12). Ets jaa duˈun nduˈunëm, koogoo yajtunyë nuˈkxtakën mä reunyonk, ko nguyˈëˈëwëm ets ko nimaytyakëm. Mëjwiin kajaa nmëjjäˈäwëm ko sëmään sëmään nˈawdäjtëmë Jyobaa.

12. ¿Wiˈixë Jyobaa nyayjawëty ko nmëmëdoˈowëmë yˈanaˈamën ets nëjkxëm reunyonk?

¹² Jyobaa nan pat nitëjkëp nmëmëdoˈowëm mët ko yëˈë diˈib ojts xyajkojëm. Yëˈë xytyukˈanaˈamëm ets xëmë nduˈukmujkëm, ets niˈigyë tyam mët ko wingoonˈadëtsp ja kutëgoˈoyën. Jyobaa agujk jotkujk nyayjawëty ko nmëmëdoˈowëmë tyäˈädë yˈanaˈamën (1 Fwank 3:22). Pyejkypyë kuentë ko nduˈunëmë mëjää parë nëjkxëm reunyonk ets yajtsobatypy (Ebreeʉsʉty 6:10).

13, 14. ¿Wiˈix xypyudëjkëmë reunyonk parë nmëwingoˈonëmë Jyobaa mëdë yˈUˈunk?

¹³ Ko nduˈukmujkëm, ta ndukˈijxëmë Jyobaa ko niˈigyë nmëwingonäˈänëm yëˈë etsë yˈUˈunk. Mä reunyonk yëˈë nˈëxpëjkëmë Biiblyë ets nnijäˈäwëm ti Jyobaa tsyejpy ets nduˈunëm (Isaías 30:20, 21). Axtë näägë jäˈäy diˈib kyaj Tyestiigëty diˈib nëjkxtëp reunyonk, pyëjktëbë kuentë ko Jyobaa yëˈë diˈib xynyëˈëmoˈoy xytyuˈumoˈoyëm (1 Korintʉ 14:23-25). Komë Jyobaa yëˈë yajtuumbyë myëjää parë xytyuˈumoˈoyëm mä nduˈukmujkëm, pääty tijaty jap yajtukniˈˈijxëm jam tsyoony mä yëˈë. Ets ko nyajpatëm reunyonk, ta nmëdoˈowëm wiˈixë Jyobaa xyˈanmäˈäyëm ets nˈijxëm nuˈunën xytsyojkëm, duˈun niˈigyë nmëwingoˈonëm.

¹⁴ ¿Pën nyëˈëmoopy tyuˈumoopy mäjaty nduˈukmujkëm? Yëˈë Jesus, yëˈë jyënany: “Mä nimajtsk o nidëgëëk mnaymyukëdë es xyˈawdattëts, jamëts ëj nˈity kujkˈam mä miitsëty” (Matewʉ 18:20). Biiblyë nanduˈun jyënaˈany ko Jesus yajpääty “kujkˈääy” mäjaty nduˈukmujkëm, diˈib yˈandijpy ko yëˈë tyuˈumoopy (Diˈibʉ Jatanʉp 1:20–2:1). Pääty ko nëjkxëm reunyonk, ta niˈigyë nmëwingoˈonëmë Jesus. Ets seguurë nˈijtëm ko Jyobaa mëdë Jesus yajpatp mët ëtsäjtëm mä reunyonk ets xyjotmëkmoˈoyëm. ¿Wiˈixëdaa Jyobaa nyayjawëty ko mˈixyëty xytyunyë mëjää parë xymyëwingonäˈäny mëdë yˈUˈunk?

15. ¿Ti ndukˈijxëmë Jyobaa ko nëjkxëm reunyonk?

¹⁵ Ko nëjkxëm reunyonk, ta ndukˈijxëmë Jyobaa ko nmëmëdowäˈänëm. Ko Jyobaa xytyukˈanaˈamëm ets nëjkxëm reunyonk, kyaj xytyukˈaguanëˈäjtëm (Isaías 43:23). Per ¿ti mbäät nduˈunëm ko niˈigyë xyajtunäˈänëm ja wintsën ets kyaj nekymyëdäjtëmë tiempë parë nbatäˈäyëmë reunyonk? ¿Ti nëjkx nduˈunëm ko gobiernë xyˈanmäˈäyëm ko pën tuˈukmujkëm, ta nmultëyäjkëm, nyajtsuˈumëm o jam ti kastiigë xymyoˈoyäˈänëm? ¿Ti mbäät nduˈunëm ko myinët mä jot winmäˈäny parë kyaj nëjkxëm reunyonk mët ko jam ti ndunäˈänëm? Ko duˈun njäjtëm, tsojkëp nwinmäˈäyëm ti ndunäˈänëm (Apostʉlʉty 5:29). Pën nbëjtakëmë winmäˈäny ko nmëmëdowäˈänëmë Jyobaa ets nëjkxëm reunyonk, ta ndukˈijxëm ko ntsojkëm ets ko nˈëxkäjpëm ko yëˈë myëdäjtypyë madakën parë xyˈanmäˈäyëm ti mbäät nduˈunëm (Romanʉs 6:17). Tyäˈädë yëˈë diˈibë Jyobaa agujk jotkujk yajnayjawëyanëp (Proverbios 27:11).

NˈOKTUˈUKMUJKËM XËMË

16, 17. 1) ¿Wiˈix nnijäˈäwëm ko pënaty pyanëjkxtë Jesus mä primer siiglë, jëjpˈam tˈijxtë tyuˈukmuktët? 2) ¿Wiˈixë nmëguˈukˈäjtëm George Gangas tˈijxyë reunyonk?

¹⁶ Ko nyajxy ja Pentekostes xëëw mä jëmëjt 33, ta pënaty pyanëjkxtëbë Jesus “nyaymyujkëdë [...] bom bom” (Apostʉlʉty 2:46). Tyäˈädë yëˈë yˈandijpy ko duˈunyëm tyuˈukmujktë parë tˈawdäjttë Jyobaa. Ets oy nyibëdëˈkëdë ja gobiernë diˈib Roma ets pënaty nyiwintsënˈäjttëbë relijyonk, kyaj tnasˈijxëdë ets yajtuˈuˈadukëdët. Ojts tsyiptakxëdë, per tyuundë mëjää parë xëmë tyuˈukmujktë.

¹⁷ Ninuˈun tyam nmëduˈunëmë Jyobaa, nan mëjwiin kajaa nmëjjäˈäwëm ko mbäät nduˈukmujkëm mëdë nmëguˈukˈäjtëm. Min nˈokˈijxëm wiˈix ojts jyënaˈanyë nmëguˈukˈäjtëm George Gangas diˈib tuun 22 jëmëjt naxy mä Diˈib wyooyoˈoytyëbë Jyobaa tyestiigëty, yëˈë jyënany: “Kojëts nduˈukmuky mëdëts nmëguˈuktëjk, yëˈë diˈibëts jantsy jotkujk xyajnayjäˈäwëp ets yëˈë diˈibëts xymyëjämoopy. Jantsy jotkujkëts nnayjawëty kojëts jawyiin njäˈty mä reunyonk ets kojëts ntsoony tim ok. Jantsy oyëtsë njot korasoon njawë kojëts mëët ngajpxy nmaytyaˈagyë nmëguˈukˈäjtëm. Kojëts mëët nyajpäättë, duˈunëts nnayjawëty extëmxyëpts nyajpääty mëdëtsë nfamilyë, mä jyamˈatyë tuˈugyëˈäjtën”. Ets ta yˈakjënany ko diˈib niˈigyë tsyojkënyëˈajtypy, yëˈë yajpäädäˈäny mëdë myëguˈuktëjk.

18. ¿Wiˈix mnayjawëty ko mnëjkxy reunyonk, ets ti net mdunaampy?

¹⁸ Ets mijts, ¿nanduˈun mnayjawëty extëmë nmëguˈukˈäjtëm George Gangas? Pën duˈun, tunë mëjää parë xëmë mnëjkxët reunyonk ets myajpäädët mëdë mmëguˈuktëjk, oy näˈäty mtsiptakxëdët. Tukˈixë Jyobaa ko nanduˈun mnayjawëty extëm nyayjäˈäwë ja rey David, diˈib jënan ko mëk ttseky ja lugäär mä yaˈˈawdatyë Jyobaa (Salmo 26:8).