Diˈib nnayajtëˈëwëm

◼ ¿Nuˈun ndiempë mbäät mëdë jäˈäy nˈëxpëjkëm diˈib wimbajtp?

Ko tuˈugë jäˈäy wyimbety, oy ko nyaˈëxpëjkˈadëtsëm koonëm dyajkëxëdë tyäˈädë majtskpë liibrë: ¿Ti tëyˈäjtën jantsy tukniˈijxëbë Biiblyë? ets “Nayaˈitëdë xëmë mä ja Diosë tsyojkën”. Pën nëbajtp ets kyajnëm tˈëxpëjktäˈäy tyäˈädë majtskpë liibrë, oy ko mëët nˈakˈëxpëjkëm axtë koonëm dyajkëxët. Ets jeˈeyëm ngujäˈäyëm ko nyaˈëxpëjkëm, nääk ok të nguˈijxëm ets nääk oorë të nyaˈëxpëjkëm. Ja diˈib xyjamyëdäjtëm nan mbäät tkujayë yˈoorë pën myëtmaytyakypy ja jäˈäy (ix Wiˈix nduˈunëmë Diosë Tyuunk marsë 2009, pajina 2).

Jëjpˈam ets pënaty jemy ëxpëjktsondaktëp tjaygyukëdë yajxon ja tëyˈäjtën, pääty kyaj mbäät namastutëm. Tsojkëp “mëkë yˈääts” dyaˈitët mä Jesukristë ets dyajkëktëkët niˈigyë ja myëbëjkën parë tmëmadäˈäktëdë amay jotmay diˈib seguurë tukjäˈtanëdëp (Kol. 2:6, 7; 2 Tim. 3:12; 1 Peed. 5:8, 9). Tsojkëp nanduˈun “tjaygyukëdët diˈibë dën tëyˈäjtën” parë ttukniˈˈixëdët ja wiink jäˈäy (1 Tim. 2:4). Ko ja majtskpë liibrë ndukˈëxpëjktäˈäyëm, duˈunë naty nbudëjkëm parë yˈitët mä “ja tuˈu diˈibë nëjxp mä ja jikyˈäjtënë winë xëë winë tiempë” (Mat. 7:14).

Mä kyajnëm nyëbety tuˈugë jäˈäy, tsojkëp jawyiinë mëjjäˈäytyëjk tˈixtët, pën jyaygyujkëp yajxon tijatyë Biiblyë tukniˈˈijxëp ets pën jukyˈäjtp extëmë Biiblyë tniˈanaˈamë. Tsojkëp yajxon tˈixtët, pën mbäät tuˈugë jäˈäy nyëbety diˈib kyajnëm tˈëxpëjktäˈäyë tadë liibrë ¿Ti tëyˈäjtën jantsy tukniˈijxëbë Biiblyë? Pën kyaj tuˈugë jäˈäy yˈity seguurë parë nyëbatët, ta ja mëjjäˈäytyëjk tˈixtët wiˈix mbäät yajpudëkë parë mbäät ok nyëbety (ixë tadë foyetë Nëjx yaˈëxpëktë jäˈäyëty etsëts ëjts njäˈäyˈattët, yajnëbattë, pajina 57-60).

[Letrë diˈib miimp mä dibujë mä pajina 2]

Jëjpˈam ets pënaty jemy ëxpëjktsondaktëp tjaygyukëdë yajxon ja tëyˈäjtën