Nˈokˈyajmëjpëtsëˈëmëmë Diosë xyëë
1. ¿Wiˈix txëˈatäˈäny ja tuˈukmujkënë majtsk xëëbë ets mä të yajjuuty?
1 Mä jëmëjt 1931, ja ojts nyaˈixyˈäjtsondakëm extëmë Jyobaa tyestiigëty, jantsy mëj njäˈäwëm ko Jyobaa xyëë nyajmëjpëtsëˈëmëm diˈib yajkutujkp abëtsemy nyaxwinyëdë. Ets yëˈë këˈëm të xytyuknipëjkëm parë duˈun nduˈunëm (Isa. 43:10). Jesus nan ojts dyajmëjpëtsemy ja Tyeetyë xyëë, pääty jawyiin ojts tnigajpxy mä padrenuestro (Mat. 6:9). Mä tyunäˈänyëtyë tuˈukmujkënë majtsk xëëbë diˈib tsondäˈägäämp septiembrë 2011 axtë agostë 2012, ja txëˈatäˈäny: “Nˈokˈyajmëjpëtsëˈëmëmë Diosë xyëë”, jap të yajjuuty mä padrenuestro.
2. ¿Tijaty yajnimaytyäˈägäämp mä ja tuˈukmujkënë majtsk xëëbë?
2 ¿Tijaty yajmaytyäˈägäämp? Sääbëdë yajnimaytyäˈägäˈäny tiko jotkujk nayjäˈäwëm ko nduˈunëm prekusoor mä tadë diskursë diˈib xyëˈataampy: “Nˈokˈyajnigëxëˈkëmë Diosë xyëë mët ko nduˈunëm prekusoor”. Nanduˈun nyaxäˈäny kanääk ja diskursë mä yajnimaytyäˈägäˈäny: “Kyaj nyaˈˈaxëˈkëmë Jyobaa xyëë”, jap nmëdooˈitäˈänëm taxk peky diˈib xëmë yajtëgoyäämp ets wiˈix mbäät njëjpkudijëm. Ja tuk peky diˈib yajnimaytyäˈägäämp yëˈë: “Tiko mbäät nyajmëjpëtsëˈëmëmë Diosë xëë”, ja nmëdooˈitäˈänëm ti mbäät xypyudëjkëm parë oy nduˈunëmë Diosë tyuunk ets njotmoˈoyëm mä ngäjpxwäˈkxëm oyë jäˈäy tkamëdowäˈäny. Domingë ja nyaxäˈäny taxk pekyë diskursë mä yajnimaytyäˈägäˈäny wiˈix mbäät nyajmëjpëtsëˈëmëmë Diosë xëë mët yëˈëgyëjxmë jot winmäˈäny, käjpx maytyakën, jäˈäyˈäjtën ets tijaty nwinmäˈäyëm ndunäˈänëm. Seguurë ko pënaty jemy nëjkxtëp yˈoymyëdowandëbë tyäˈädë diskursë diˈib xyëˈäjtypy: “Jyobaa yajmëjpëtsëmaambyë xyëë mä Armagedón”.
3. ¿Ti mbäät nduˈunëm ets wiˈix xypyudëkëyäˈänëm tijaty naxäämp mä ja tuˈukmujkënë majtsk xëëbë?
3 Jyobaa tim tsojk dyajmëjpëtsëmäˈänyë xyëë (Eze. 36:23). Mä duˈun tkatunynyëm, ëtsäjtëm nikëjxmˈäjtëm parë nyamëjpëtsëˈëmëmë xyëë. Seguurë ko tijaty naxäämp mä ja tuˈukmujkënë majtsk xëëbë, yëˈë xypyudëkëyäˈänëm parë nbaduˈunëm diˈib të nyajtuknipëjkëm, nmënëjkxëmë Jyobaa xyëë.