Naxwinyëdë jyëmbity jatëgok tsuj

MÄ TIM okpë liibrë diˈib xyëˈäjtypy Diˈibʉ Jatanʉp o Apocalipsis, jyotkujkmoobyë naxwinyëdë jäˈäy. Tyäˈädë liibrë yëˈë jyaayë apostëlë Fwank, jap kanäk peky tkujäˈäyë wiˈix yˈadëwandäˈäy tijatyë Jyobaa tyuknibëjtakëp.

Jawyiinë Fwank yajtukˈijx mä Jesus tkäjxwijy kanääk ja naymyujkën ets tjotmëkmoˈoy. Ta net tˈijxyë Jyobaa mä yˈunyaaybyajn jam tsäjpotm etsë may anklës kyuyˈëwëdë.

Ets ko naty wyingoonë ti Dios tyuknibëjtakëp ta yajtukˈijxy ko Jesukristë ja Borreeguˈunk, tˈaxäjë tuˈugë neky axäätsy diˈib atsäˈäy mët jëxtujkë seyë. Ko ogäˈän dyaˈˈawatsy mäjtaxk, ta pyëtseemy taxkë jäˈäy ak kuääygyëjxy yˈuˈunyëdë. Ja tim jawyiimbë kuääy diˈib poop, yëˈë tyukˈunyaabyë Jesus diˈib të tyëkë Rey. Ets ja nidëgëëkpë yëˈë tyukˈunyaaytyëbë kuääy diˈib ak wiink koloor, diˈib yˈandijpyë tsip, yuu etsë mëk päˈäm, diˈib tyam ja tuun jäjtëp ets tim tsojk jyëjpkëxanë. Ko Jesus dyajënajky ja myëjëxtujkpë seyë, ta yajmëdooy jëxtujkë trompetë yajtukxuˈuxy, diˈib yˈandijpy ko tëdën ja tiempë tpääty mä Dios ttunäˈänyë tëyˈäjtën, ets dyajnigëxëˈëgäˈäny ja tsyip yˈakë mët ja jëxtujkpë ayoˈon.

Ok, ta Fwank tˈijxy ko myaxuˈunkˈaty tuˈugë mixyuˈunk, yëˈë yˈandijpy ko nyaxkëdakyë Diosë yˈAnaˈam Kyutujkën jam tsäjpotm. Ta net tyuunë tsip jam tsäjpotm ets ta Satanas mëdë kyaˈoybyëty yajkujëbijpnäjxtë yä Naxwiiny. Ta yajmëdooy tuˈugë ayuk jantsy mëk: “Përoobë miitsëty diˈibë jikyˈäjttëp naxwiiny”, mët ko ja Mëjkuˈu niˈigyë jyantsy awäˈändaˈaky, pes nyijäˈäp ko waanë tiempë yˈakwëˈëmxëty (Diˈibʉ Jatanʉp 12:12).

Ta jatëgokë Jesus yaˈijxy jam tsäjpotm extëmë borreegë mët 144,000 jäˈäy diˈib të yajwinˈixtë ets mëët “yˈanaˈamdët”. Mä Diˈibʉ Jatanʉp, jap nijäˈäjëm ko diˈib nanduˈun tëjkëp mä ja Tëëm Ääts yëˈë 144,000 jäˈäy (Diˈibʉ Jatanʉp 14:1; 20:6).

Ok, ta net tyuˈukmukäˈändë anaˈambëtëjk diˈib yä Naxwiiny “es tsyiptunäˈändë mët ja Nintsënˈäjtëm Dios diˈibë tëgekyë mëkˈäjtën myëdäjtypy”, tyäˈädë tsip txëˈaty Armajedon. Ets yëˈë wyinguwäˈägëyandëbë Jesukristë diˈib tyukˈunyaapy ja poop kuääy ets mët nimayë tsyiptuumbë. ¿Wiˈix kyugëxëyaˈany? Kyutëgoyaˈany ja anaˈambëtëjk etsë Satanas yajtsumäˈäny. Ta netë Jesus yˈanaˈamäˈäny tuk mil jëmëjt yä Naxwiiny mët 144,000 jäˈäy, ets ko kyäˈpxët, ta Satanas kyutëgoyaˈany (Diˈibʉ Jatanʉp 16:14; 20:4).

¿Ti Jesus tyunaampy ko naty yˈAneˈemy tuk mil jëmëjt? Fwank tkujäˈäyë: “Esë Dios yajtëtsxëdët tëgekyë ja wyinëë. Kyaj yˈokˈijnët ja oˈkën, jëˈëy yaxën o ja pëjk adoˈonën, jaˈa ko tëgekyë diˈibë të yˈity, të ja nyaxy kyexy” (Diˈibʉ Jatanʉp 21:4). ¡Duˈunën ja Naxwinyëdë jyëmbitäˈäny jatëgok jantsy tsuj!

Mä tadë liibrë Diˈibʉ Jatanʉp, jap jyëjpkexy ko diˈib jëjpˈam xytyuknijäˈäjëmë Biiblyë yëˈë ko mët yëˈëgyëjxmë Jesusë yˈAnaˈamën, wyäˈätsäˈänyë Jyobaa xyëë ets nyigëxëˈëgäˈäny ko yëˈëyë naytyuˈuk diˈib myëdäjtypyë madakën parë yˈanaˈamët xëmëkyëjxm.

(Jap yajnimaytyaˈaky mä Diˈibʉ Jatanʉp.)