Nˈoknimaytyakëm “ja jëmëjt mä Jyobaa ttunäˈänyë oyˈäjtën”

“Ja jëmëjt mä Jyobaa ttunäˈänyë oyˈäjtën”, kyaj jeˈeyë tmaytyaˈaky tuk jëmëjt

61:1, 2

• Yëˈë myaytyakypy tuk tiempë mä Jyobaa tnasˈixë etsë jäˈäy diˈib yujy tudaˈaky tkupëktët mä yajkäjpxwaˈkxyë awäˈätstumˈäjtën.

• Mä primer siiglë, yëˈë Jesus yajtsondak mä jëmëjt 29, ets jyëjpkëjxy ja xëëw mä ttukumëdooyë Jyobaa, ko Jerusalén käjpn kyutëgooy mä jëmëjt 70.

• Mä tyäˈädë tiempë, ja të tsyondaˈaky ko Jesus tyëjkë Rey jam tsäjpotm mä jëmëjt 1914, ets ja jyëjpkëxäˈäny ko myinët ja mëj ayoˈon.

Jyobaa kyunuˈkxypyë kyäjpn mëdë “ääy kepyë mëjatypyë diˈib yajjaˈäjtypyë tëyˈäjtën”

61:3, 4

• Ko ääy kepyë mëjatypyë tuˈugyë yondë, ta ja it lugäär jyëmbity yuk ets duˈun nyaygyuwäˈänëdë ja xim ja yam.

• Ko tyikts yˈääts kyëktëkë ets nyaymyäjtstäˈäyëdë, yëˈë diˈib täˈtspëky yaˈijtëdëp ko myinyë mëk poj tuu.

• Ääy kepyë mëjatypyë, yëˈë yaˈˈanikëp ja diˈib yoonëˈkp, ets ko kyaˈayë yˈaay, yëˈë ja nax yˈabonëˈäjtypy.

Pënaty nëjkxtëp tsäjpotm diˈib akwëˈëmdëp yä Naxwiiny, yëˈë niˈamukë nmëguˈukˈäjtëm pyudëkëdëp ets kyuwandëp, ets yëˈë mëët yaˈijxkijpxyë ja “ääy kepyë mëjatypyë diˈib yajjaˈäjtypyë tëyˈäjtën”.