¿Tidën yˈandijpy oybyë ayuk?

1. ¿Ti oybyë ayuk xytyukˈawäˈänëmë Dios?

Dios tsyejpy etsë naxwinyëdë jäˈäy jyukyˈattët agujk jotkujk. Ets mët ko ttseky, ta ojts dyajkojˈyë Naxwinyëdë ets tukëˈëyë tijaty jaˈäjtp. Yëˈë tim tsojk dyajjëjptëgoyaˈany tijaty tyam yaˈˈayoojëbë jäˈäy parë jyukyˈattët agujk jotkujk. Käjpxë Jeremías 29:11.

Nituˈugë gobiernë mbäät tkayajëjptëgoyë axëkˈäjtën, päˈäm etsë oˈkën. Perë Dios xytyukˈawäˈänëmë oybyë ayuk, ko tim tsojk dyajkutëgoyaˈany tukëˈëyë gobiernë diˈib jaˈäjtp yä Naxwiiny ets dyajnaxkëdäˈägäˈänyë yˈAnaˈamën. Etsë jäˈäy yajpäädäˈändë agujk jotkujk ets oy mëk. Käjpxë Isaías 25:8; 33:24, etsë Daniel 2:44.

2. ¿Tiko jyëjpˈamëty ets nnijäˈäwëm ja oybyë ayuk?

Dios yajkutëgoyaambyë axëkjäˈäy ets yajjëjptëgoyaambyë ayoˈon (Sofonías 2:3). ¿Näˈä duˈun ttunäˈäny? Ja waanë tiempë yˈakwëˈëmy, pesë Biiblyë ojts tnaskäjpxë tijaty ayoˈon tunan jatanëp ko nety ja tiempë wyingoonë. Ets tyam, ta duˈun tyuny jyatyëty. Käjpxë 2 Timotee 3:1-5.

3. ¿Ti tsojkëp nduˈunëm?

Tsojkëp nˈëxpëjkëmë Biiblyë parë nˈixyˈäjtëmë Dios, pes yëˈë të xytyuknigajxëm, duˈun extëm tuˈugë uˈunkteety diˈib tsojkp ttuknigexyë yˈuˈunk yˈënäˈk tuˈugë neky. Biiblyë xytyukniˈˈijxëm wiˈix mbäät njotkujkˈäjtëm ets ti tsojkëp nduˈunëm parë winë xëë njukyˈäjtëm. Ko mˈëxpëkët, kyaj niˈamukë jäˈäy tˈoyˈixäˈäny. Per kyaj xynyasˈixët ets pën mdukmastuˈudëdët, pesë Dios mëjwiin kajaa xyˈawäˈänëmë kunuˈkxën. Käjpxë Proverbios 29:25 etsë Diˈibʉ Jatanʉp (Apocalipsis) 14:6, 7.