[Dibujë diˈib mä pajina 8]

7. ¿Ti nety tsojkëp ttunëdë Josué parë yˈittët jotmëk ets ttukˈoybyëtsëmët tijaty tyuumpy?

⁷ Pën nmëdatäˈänëmë jotmëkˈäjtën parë nduˈunëmë Diosë tyuunk, tsojkëp nˈëxpëjkëmë yˈAyuk ets nmëmëdoˈojëm. Duˈunë Jyobaa ojts tkäjpxwijˈyë Josué ko netyë Moisés të yˈoˈknë: “It amëk jotmëk parë xytyunët yajxon tukëˈëyë ja ley diˈibë Moisés ja nduumbëts të mdukˈaneˈemyëty. [...] Tyäˈädë liibrë diˈib myëmiimbyë ley kyaj mbäät jyëgeˈeky mä mˈää, ets xëëny koots xykyäjpxët yuunk, parë xykyuytyunët tukëˈëyë tijaty ijtp kujayë; yëˈko net xytyukˈoybyëtsëmët ja mnëˈë mduˈu ets ta net xytyunët tijaty mëdë wijyˈäjtën” (Jos. 1:7, 8). Josué kyuytyuunë tyäˈädë käjpxwijënë ets tyukˈoybyëtsëëm tijaty tyuun. Pën nbanëjkxëmë yˈijxpajtën, ta nëjkx ndukˈoybyëtsëˈëmëm mä Jyobaa nmëduˈunëm.