¿Mbäädëtsë Biiblyë xypyudëkë?

¿TIXYËP MIJTS MDUUMPY?

Okwinmayë tyäˈädë: David nyijkxy kyarroty mä tuˈugë lugäär diˈibë kyaj tˈixyˈaty. Ko tˈixy mäjaty nyaxy ets wiˈix yˈixyëty ja jëën tëjk, ta tpëkyë kuentë ko wiinktsoo të tyëkë ets të tyuˈudëgoy. Kyaj të tˈixy näˈä të tmatsyë wiink tuˈu.

Koxyëp mijts David, ¿tixyëp mduumpy?

WÄˈKWËˈËMË ETS WINMAY

Taa kanäk pëky diˈib mbäät xytyuny:

1. Xyajnidëwët wiˈix mjäˈtët mä të xynyitsoonë.

2. Xyˈixët tuˈugë mapë o xyajtunëdë GPS.

3. Mnëjkxˈadëˈëtsët parë xyˈixët pën mduˈubatp jatëgok.

Tyäˈädë myëdëgëëkpë kyaj yˈoyëty.

Myëmajtskpë, yëˈë diˈib mas oy ets kyaj dyuˈunëty ja myëduˈukpë, pes ko xyajtunët ja mapë o GPS mbäät oy mduˈumoˈoyëty.

Biiblyë mbäät duˈun mduˈumoˈoyëty.

Tyäˈädë liibrë diˈib mas yajtoˈkp mbäät:

• Mduˈumoˈoyëty ko xypyäädëdë amay jotmay.

• Mbudëkëty parë këˈëm mnayˈixyˈatëdët ets parë oy mjäˈäyˈatët.

• Mdukniˈˈixëty wiˈix oy mjukyˈatët.

YAˈˈATSOOWËMBITY TIJATY NMËMÄˈÄY NMËDÄJËM MÄ JUKYˈÄJTËN

Jantsy jeˈeyë ngäjpxëˈkëm, ta tijaty nyajtëˈëwëm:

• ¿Tiko tsäjp yˈasulëty?

• ¿Tiko mëtsäˈä tyeˈkxy?

Ok, ta net nyajtëˈëwëm tijaty nˈijxëm yä naxwiiny:

• ¿Tiko axëëk njäjt ngëbajtëm?

• ¿Tiko nˈoˈkëm?

¿Mnijäˈäwëbë nety ko Biiblyë yˈatsoowëmbijtaabyë tyäˈädë yajtëˈëwën?

Mayë jäˈäy jyënäˈändë ko Biiblyë yëˈë tuˈugë liibrë diˈib myëmiimbyë jeky myaytyaˈaky, ko të nyidiempë nyäjxnë o ko tsip yajjaygyukët. Per ¿waˈandaa tyëyˈäjtënëty? ¿Tëyˈäjtënëdaa extëm tnimaytyäˈäktë Biiblyë? ¿O yëˈë duˈunë jäˈäy diˈib tëgatsy jyaygyujkëdëp?

Extëm nˈokpëjtakëm, tmëbëktë ko Biiblyë jyënaˈany ko yëˈë Dios anaˈamp yä naxwiiny. Per ¿wiˈix mbäät duˈun njënäˈänëm? Pes yä naxwiiny axëëgë jäˈäy yˈadëˈëtstë, oymyääjëty jyaˈˈatyë jäj jëmuˈumën, ayoˈon, yuu päˈäm etsë oˈk tëgoˈoyën, jaˈäjtpë ayoobë jäˈäy ets yˈayoˈonbëjtaˈaky tijaty. ¿Mbäät tuˈugë Dios diˈib tsojkp duˈun yˈadëˈëtsy?

¿Mnijawëyaampy pën anaˈamp yä naxwiiny? Extëmë Biiblyë tˈatsoowëmbity mbäät myajmonyˈixy myajmonyjawëty.

Waˈan të xypyeky kuentë ko tukëˈëyë käjpxwijën diˈib miimp mä tyäˈädë foyetë yajpääty mä Biiblyë. Jyobaa tyestiigëty myëbëjktëp ko Biiblyë mbäät nyëˈëmoˈoy tyuˈumoˈoyëdë, mët ko yëˈë “Dios wyinmäˈänymyooy ja jyaˈayëty es tkëxjäˈäyët tëgekyë ja Diosë jyaaybyajtën, [...] tuump oy es nyaˈëxpëjkëm, ndukˈanaˈamëm, nyaˈoˈoyëm” (2 Timotee 3:16, 17). Pääty, oy ko xyˈixyˈatëdë tyäˈädë liibrë diˈib tëëyëp yajjääy, pes xypyudëjkëm mä tyäˈädë tiempë.