Moisés ijt yujy tudaˈaky

¿TI YˈANDIJPY TUDAˈAKYˈÄJTËN? Kyaj yëˈë tˈandijˈyë mëjˈat këjxmˈat. Tuˈugë jäˈäy diˈib yujy tudaˈaky kyaj nyayajnaxyëty mëj këjxm mä wiinkpëty. Ja diˈib yujy tudaˈaky, yˈëxkajpy ko kyaj tijaty tmëmadaktäˈäy.

¿WIˈIXË MOISÉS DYAˈIJXË TUDAˈAKYˈÄJTËN? Moisés kyaj tyuktëjkë mëjˈat këjxmˈat ko yajmooyë kutujkën. Ko tuˈugë jäˈäy yajmoˈoy waanë kutujkën netyë nyigëxëˈëky pën tudaˈaky o kyaj. Mä siiglë 19, Robert G. Ingersoll diˈib jyaayë liibrë, jyënany ko “parë tuˈugë jäˈäy yajxon yaˈixyˈatët pën tudaˈaky o kyaj, ja ko yajmoˈoyëdë kutujkën”. Etsë Moisés yajnigëxëˈkë yujyˈat tudaˈakyˈat ko yajmooyë kutujkën, duˈun dyajkyë ijxpajtën.

Jyobaa kajaa tmooyë kutujkënë Moisés, pes yëˈë wyinˈijx parë twooyoˈoyëdë israelitëty. Per yëˈë kyaj tyuktëjkë mëjˈat këjxmˈat. Extëm nˈokpëjtakëm, tëgok yajnigëxëˈkë tudaˈakyˈat ko dyaˈoˈoyë jotmay mä wiˈix ja kumäˈäyën yˈitët (Números 27:1-11). Jëjpˈamë nety twinmayët wiˈix dyaˈoyët, pes ak duˈunë nety yˈoyëyaˈany ja jotmay diˈib ok pyäädandëp.

¿Ti tyuunë Moisés? Kyaj wyinmääy ko yëˈë nyijäˈäwëp ti tyunëp mët ko tniwintsënˈaty ja israelitëty. Ets nan kyaj ttukˈijxpejty ja wyijyˈäjtën, o ko jeky kujk tyuunë o ko nyijäˈäwëbë nety wiˈixë Jyobaa wyinmay.

Tuˈugë jäˈäy diˈib mëj këjxm duˈunxyëp wyinmääy, perë Moisés kyaj duˈun wyinmääy. Biiblyë jyënaˈany ko “ojts ja jotmay [...] ttukninëjkxyë Jyobaa” (Números 27:5). ¡Okpawinmay! Tyukˈijxpajtë Jyobaa oyë nety 40 jëmëjt të twooyoˈoy ja käjpn, kyaj këˈëm nyaytyukˈijxpajtë. ¡Yajxon nyigëxëˈëky ko yujy tudaˈaky yˈijty!

Moisés kyaj wyinmääy ko yëˈëyë mbäät tmëdatyë kutujkën. Ko Jyobaa tnasˈijxë etsë wiinkpë israelitë tyundët kugajpxy, kyaj axëëk nyayjäˈäwë, niˈigyë ttukxondaky (Números 11:24-29). Ets ko ja myëˈt yˈanmääyë ets twinˈixët pën mbäät pyudëkëty, kyupëjk mëdë yujyˈat tudaˈakyˈat (Éxodo 18:13-24). Ets ko nety yˈooganë, oyë nety oy mëknëm yˈakˈyajpääty, ojtsë Jyobaa tˈanëëmë parë twinˈixët pën wingudëgatsˈatëdëp. Yëˈë yajwinˈijxë Josué, etsë Moisés ojts tpudëkë amumduˈukjot. Ets yˈanmääy ja israelitëty parë tmëmëdowdëdë Josué diˈibë nety woonëjkxanëdëp mä ja Nax diˈib Yajtukwinwäˈänëdë (Números 27:15-18; Deuteronomio 31:3-6; 34:7). Seguurë ko Moisés mëj tˈijxy twooyoˈoyëdë israelitëty parë tˈawdattëdë Dios. Per diˈib mas jëjpˈam pyëjtak, yëˈë ets oy yajpäättët ja israelitëty, kyaj yëˈëjëty ja kutujkën diˈib yajmooy.

¿TI XYTYUKNIˈˈIJXËMË YˈIJXPAJTËN? Ninäˈä nganasˈijxëm etsë mëjˈat këjxmˈat xytyuktëjkëm mët ko të nyajmoˈoyëm ja kutujkën o mët ko nmëdäjtëmë wijyˈäjtën. Diˈib mas jëjpˈamë Jyobaa yajnäjxypy, yëˈë ko nˈijtëm yujy tudaˈaky ets kyaj ko nmëdäjtëm ja wijyˈäjtën (1 Samuel 15:17). Pën njantsy myëdäjtëmë yujyˈat tudaˈakyˈat, ta nbanëjkxëmë tyäˈädë käjpxwijën: “Tukˈijxpatë Jyobaa amumduˈukjot ets këdii mgëˈëm winmäˈäny xyajtuny” (Proverbios 3:5, 6).

Moisésë yˈijxpajtën nan xypyudëjkëm parë kyaj mëj nnayajnäjxëm mët ko ti tuunk nikëjxmˈäjtëm o mët ko të nyajmoˈoyëmë kutujkën.

¿Xypyudëjkëmë Moisésë yˈijxpajtën ko yˈijty yujy tudaˈaky? Tiko këdii. Ko nyaˈijxëmë yujyˈat tudaˈakyˈat, ta oy nyayjawëdët ja jäˈäy diˈib mëët nyajpatëm ets ta xytsyojkëm, per diˈib mas jëjpˈam, yëˈë ko xytsyojkëmë Jyobaa diˈib ijtp yujy tudaˈaky (Salmo 18:35). “Dios myëtsipˈäjtypy ja diˈibë mëj patëp, per pyudëjkëp pënëty yuunk naxypy jäˈäyˈäjttëp.” (1 Peedrʉ 5:5.) Pääty, jëjpˈam ets niˈˈijxtutëm ja tudaˈakyˈäjtën diˈibë Moisés myëdäjt.

[Dibujë diˈib mä pajina 5]