YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Wiˈix mbäädë kasäädë jäˈäy yˈittë agujk jotkujk?

Mbäädë kasäädë jäˈäy pyudëkëdë Biiblyë kyäjpxwijën parë yˈittët agujk jotkujk mët ko Jyobaa yëˈë pyëjtakë pëjk ukën. Biiblyë xypyudëjkëm parë nmëdäjtëmë oybyë jäˈäyˈäjtën ets nan xytyukˈawäˈänëm diˈib jäˈäyˈäjtën mbäät dyajmäˈätyë tsënäˈäy jyukyˈäjtën, nan xytyukniˈˈijxëm parë xëmë ngäjpx nmaytyakëm. (Käjpxë Kolosʉ 3:8-10, 12-14.)

Kasäädë jäˈäy tsojkëp nyaywyintsëˈëgëdët. Ko nimajtsk tkuytyundët diˈibë Dios të tyuknipëkëdë, mbäät yˈittët agujk jotkujk. (Käjpxë Kolosʉ 3:18, 19.)

¿Ti mbäät pyudëkëdë kasäädë jäˈäy parë jyakëdë tsyënäˈäy jyukyˈäjtën?

Mbäädë kasäädë jäˈäy jyekyë tsyënäˈäy jyukyˈäjtën pën naytsyojkëdëp. Dios xytyukniˈˈijxëm wiˈix mbäät nyaˈijxëmë tsojkën. Yëˈë mëdë yˈUˈunk, Jesukristë, xymyoˈoyëmë oybyë ijxpajtën. (Käjpxë 1 Fwank 4:7, 8, 19.)

Pën ja yetyëjk etsë toxytyëjk yˈijxypy ja pëjk ukën extëm tuˈugë regalë diˈibë Dios yajkypy, ta nëjkx tuˈugyë yajpäättë. Dios yëˈë tsyejpy parë xëmë yˈittët tuˈugyë ets parë mëk yˈitët ja tsyënäˈäy jyukyˈäjtën. Ojts dyajkojˈyë yetyëjk toxytyëjk parë nyayajkäˈpxëdët. Nanduˈun ojts dyajkojy extëm yëˈë, parë dyajnigëxëˈëktëdë tsojkën. (Käjpxë Génesis 1:27 etsë 2:18, 24.)

Pën mˈaknijawëyaampy, ixë kapitulo 4 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

Mbäät xyajpëtsëmy mä www.jw.org/mco

[Dibujë mä pajina diˈib 32]

¿Wiˈix mbäädë kasäädë jäˈäy kyäjpx myaytyäˈäktë parë yˈittët agujk jotkujk?