Diˈib nayajtëˈëjëm

◼ ¿Oyëdaa ko nyajwäˈxëmë diskursë diˈib të yajgrabaraty o diˈib të yajjääynyaxy?

Ko nyaxyë diskursë yëˈë diˈib xymyëjämoˈoyëm ets xypyudëjkëm (Apos. 15:32). Pääty ndukmëdooˈitäˈänëmë nmëguˈukˈäjtëm diˈib kyaj të tmëdowdë. Kom niˈigyë tyam tijaty jyembyëtsemy mbäät yajgrabaraty tuˈugë diskursë ets netyë wyaˈxy. Ta nmëguˈukˈäjtëm diˈib myëdäjttëp kanäägë diskursë diˈib të tgrabarattë, axtë diˈib tëëyëp näjx ets dyaktë anuˈkxy o tgrabarattë jatëgok parë tmoˈoytyë myëtnaymyaayëbë. Ets ta diˈib yajtëjkëdëp mä Internet parë dyajjënaktët pënaty tyimtsojktëp.

Kyaj wyiˈixëty ko pën tgrabaratyë diskursë parë këˈëm tmëdooˈitët o parë fyamilyë. Yëˈë mëjjäˈäytyëjk nan mbäät ttukniwitsëdë ets yajgrabaratët parë tmëdooˈitët pënaty pëjk ijxëdëp ets kyaj mbäät myindë mä naymyujkën. Per taaˈäjtp kanäk peky tiko kyaj yˈoyëty nyajwäˈxëm tuˈugë diskursë diˈib të yajgrabaraty o diˈib të yajjääynyaxy.

Tuˈugë diskursë duˈun nyaxy extëm mbäädë nmëguˈukˈäjtëm pyudëkëdë mä tuˈuk tuˈugë lugäär, pääty ko wiinktsoo pën tmëdowët mbäät tëgatsy tjaygyukë mët ko kyaj tnijawët tiko duˈun ojts yajmaytyaˈaky. Tsip nanduˈun nnijäˈäjëm pën ojts dyajnaxy ets näˈä, parë nmëbëjkëm pën jantsy tëyˈäjtën ets pën duˈun extëm tyam yajjaygyukë tëyˈäjtën (Luk. 1:1-4). Ta ja tuk peky, ko nyajwäˈxëmë diskursë diˈib të yajgrabaraty o diˈib të yajjääynyaxy, mbäät yajmëjkugäjxë ja nmëguˈukˈäjtëm diˈib diskursaräjtp o mbäät yëˈë tˈaxäjë ja mëjˈäjtën diˈib kyaj pyaatyëty (1 Kor. 3:5-7).

Yëˈë tuumbë diˈib kuwijy mëk tyundë parë xymyoˈoyëmë ëxpëjkpajn “neby pyatyiijëny”, ets näˈä meerë tsyekyëty (Luc. 12:42, NTM). Mä tyäˈädë ëxpëjkpajn diˈib xymyoˈoyëm tap myinyë diskursë diˈib näjxp mäjatyë naymyujkën, ets nan tapë grabasyonk diˈib mbäät nyajjënäjkëm mä Internet jw.org, diˈibë Diosë kyäjpn myëdäjtypy extëmë sitio oficial. Mbäät nˈijtëm seguurë ko yëˈë tuumbë diˈib kuwijy ets Diˈib wyooyoˈoytyëbë Jyobaa tyestiigëty, xymyoˈoyäˈänëm tijaty xytyëgoyˈäjtxëm parë mëk nyaˈijtëmë mëbëjkën (Apos. 16:4, 5).