¿Wiˈixë jäˈäy nmëtmaytyakëm?

Diˈib Xytyukˈawäˈänëm Eneerë-febreerë

“Mayë tääk teety tsyojktëp etsë yˈuˈunk yˈënäˈk tˈixyˈattëdë Dios ets ttsoktët. Per wiˈix mˈokwinmay, ¿oyëdaa ko këˈëmë tääk teety ttukniˈˈixëdët o ko këˈëm ja uˈunk ënäˈk tˈixyˈattëdë Dios?” Waˈan tˈatsoojëmbity. Tukˈix ja artikulo diˈib miimp rebistë ëxkëˈëy mä Diˈib Xytyukˈawäˈänëm eneerë-febreerë, nimaytyäˈäk ja tim jawyiimbë yajtëˈëwën ets käjpx naa tuˈugënë tekstë. Awanë tyäˈädë rebistë mëdë ¡Despertad! ets anëëmë ko jatëgok mjëmbitäˈäny parë xyˈatsoojëmbitët jatuˈukpë yajtëˈëwën.

¡Despertad! Febreerë

“Yëˈëjëtsë jäˈäy nmëtmaytyaktëp parëts ndukˈixäˈändë tyäˈädë rebistë ¡Despertad! diˈib të pyëtsëmy. Yˈatsoojëmbijtypy tuˈugë yajtëˈëwën diˈib njantsy nyijawëyäˈänëm. [Tukˈix ja rebistë.] Njanijawëyaambyëts wiˈix mˈokwinmay mä tyäˈädë käjpxwijënë diˈib yajkypyë Biiblyë. [Käjpxë Proverbios 29:11.] Wiˈix mˈokjënäˈäny, ¿mbäädëdaa xypyudëjkëm extëmë Biiblyë jyënaˈany? [Waˈan tˈatsoojëmbity.] Tyäˈädë rebistë taxk pëky tmëminyë käjpxwijënë diˈib yajpatp mä Biiblyë ets tnimaytyaˈaky wiˈix ndukˈoyˈäjtëm ko nguytyuˈunëm.”

Maytyaˈaky diˈib miimp mä Biiblyë

“Tyam, amääytyakpë meeny sentääbë, per ta jäˈäy diˈib kyaj tmëdaty ni yëˈë diˈib nyijukyˈatëp. Wiˈix mˈokwinmay, ¿waˈandaa näˈä jyäˈtëdë tiempë mä kyaj nyekyjaˈˈatëdë ayoobë jäˈäy? [Waˈan tˈatsoojëmbity. Ta net xykyäjpxëdë Lukʉs 4:18.] Tyäˈädë liibrë yëˈë xytyuknijäˈäwëm wiˈixë Biiblyë tmaytyaˈaky yˈoyëyaˈanyë tyäˈädë jotmay ets mbäät mbudëkëty.” Tukˈixë maytyaˈaky 115, ixtë ja dibujë ets käjpx naa tuˈugënë tekstë diˈib miimp. Awanë ja liibrë ets anëëmë ko jatëgok mjëmbitäˈäny parë mëët xyˈëxpëkët.