¿Mjamyejtsypyë?
¿Të xykyajpxy tijaty näämnëm të pyëtsëmy mä rebistë Diˈib Xytyukˈawäˈänëm? Pën tëë, okˈixë net pën mbäät xyˈatsoowëmbity tijaty yää yajtëëpy:
¿Ti yˈandijpy nyajtëgäjtsˈadëtsëm ja jot winmäˈäny? (Rom. 12:2).
Kyaj jeˈeyë tsyokyëty nˈoyjyaˈaytyakëm parë kyëxëˈëgët ko oy njukyˈäjtëm, tsojkëbën nyajtëgäjtsëmë jot winmäˈäny ets njukyˈäjtëm extëmë Dios tkupëky (w23.01, pajina 8 etsë 9).
¿Wiˈix mbäät nnayaˈijtëm wijy kejy ko nˈijxëm tijaty ja tuun jäjtëp abëtsëmy nyaxwinyëdë?
Njantsy nyijawëyäˈänëm tijaty ja tyam tuun jäjtëp ets wiˈix dyaˈˈadëy tijaty ojts yajnaskäjpxë mä Biiblyë. Per tsojkëp nnaygyuentëˈäjtëm ets kyaj yëˈë nnigäjpx nnimaytyakëm wiˈix nwinmäˈäyëm ets nyajnaywyäˈkxëm ja nmëguˈukˈäjtëm, yëˈëyë mbäät nnigäjpx nnimaytyakëm wiˈix tijaty të yajkäjpxtëˈkxy mä Diosë kyäjpn (1 Kor. 1:10) (w23.02, pajina 16).
¿Tiko njënäˈänëm ko tëgatsy extëmë Jesus nyëbejty ets extëm tyam nyëbattë Diosmëduumbëty?
Jesus kyaj ojts ttukwandaˈagyë jyukyˈäjtënë Jyobaa mët ko yëˈë jamë nety të myaxuˈunkˈaty mä ja käjpn mëdiˈibë Jyobaa wyinˈijx. Wäˈäts jäˈäyë nety, pääty kyaj tiko nety jyodëmbitët (w23.03, pajina 5).
¿Ti mbäät nduˈunëm parë nmëguˈukˈäjtëm kyomentarattët mä reunyonk?
Nˈokkomentaräjtëm naa kon. Ko duˈun nduˈunëm, mbäädë net nimayë nmëguˈukˈäjtëm kyomentarattë, kyaj nëgoo njantsy nyimaytyakëm. Yëˈë ko pën mgomentaräjtaapy ja parrafo, ta kyaj nëjkx yˈokkomentaräjnëdë ja wiinkpë nmëguˈukˈäjtëm (w23.04, pajina 23).
¿Tiijën yˈandijpy ja “Tuˈujë Wäˈätspë” mëdiˈibë yajmaytyakp mä Isaías 35:8?
Parë judiyëtëjkëty yëˈë ja tuˈu mëdiˈibë ijty tsoˈomp Babilonia ets jyaˈty Israel. ¿Ets mä ndiempëˈäjtëm? Ja “Tuˈujë Wäˈätspë” ojts yaˈˈabuxy yaˈˈabooty määnëmë nety tkapäätynyëmë jëmëjt 1919. Extëm ko të pyëtsëmyë ëxpëjkpajn ets të yajkäjpxnaxyë Biiblyë. Ets ja “Tuˈujë Wäˈätspë” tuˈugyë ja Diosë nyax kyäjpn dyaˈity, ets mä tiempë myiny kyëdaˈaky mëjwiin kajaa ja kunuˈkxën tˈaxäjëyäˈändë ko netyë Jesus yˈaneˈemy (w23.05, pajina 15 axtë 19).
¿Tiijën yˈandijpy ja nimajtskpë toxytyëjk mëdiˈibë yajmaytyakp mä Proverbios kapitulo 9?
Mä Proverbios yajmaytyakp “ja toxytyëjk mëdiˈibë kyaj jyapëtyë jyot wyinmäˈäny” ets ko pën ngupëjkëm mä xywyoˈow xywyijtsëm jam yajnëjkxy mä ja “oˈk tëgoˈoyën”. Per myaytyakypy nanduˈun “ja toxytyëjk mëdiˈibë wijy” ets ko pën ngupëjkëm mä xywyoˈow xywyijtsëm xymyoˈoyäˈänëm ja “ijxkujk jaygyujkën” ets ja jukyˈäjtën (Prov. 9:1, 6, 13, 18) (w23.06, pajina 22 axtë 24).
¿Wiˈixë Jyobaa ttukˈijxyë Lot ko yujy tudaˈaky ets ko paˈˈayoop?
Jyobaa yˈanmääyë Lot parë tsyoonët Sodoma ets nyëjkxët tungëjxy kopkëjxy. Per ko Lot tˈanmääyë Jyobaa pën mbäät nyëjkxy mëdë fyamilyë jam Zóar, ta Jyobaa yˈanmääyë ko mbäät (w23.07, pajina 21).
¿Ti mbäät ttuny ja toxytyëjk pën ja mëmëjjäˈäy yˈijxypyë pornografía?
Tsojkëp tjamyatsët ko kyaj yëˈë tpokyëty, oy ko niˈigyë xymyëwingonëdë Jyobaa ets xypyawinmayët wiˈixë Jyobaa tpudëjkë toxytyëjkëty mëdiˈibë pyattë amay jotmay. Mbäät xypyudëkë mëmëjjäˈäy parë kyaj jatëgok tˈixëdë pornografía (w23.08, pajina 14 axtë 17).
¿Wiˈix mbäät xypyudëjkëmë wijyˈäjtën parë nˈatsoowëmbijtëmë jäˈäy yuunk naxypy ko dyajtëwët tijaty nmëbëjkëm?
Ko tijaty xyajtëˈëwëm xypyudëkëyäˈänëm parë nnijäˈäwëm tiijën myëmääy myëdajpy ets nëjkxëp yuunk naxypy nˈatsoˈowëm (w23.09, pajina 17).
¿Ti xytyukniˈˈijxëm ko María tˈëxtääyë naybyudëkë parë tpëjkyë jyot myëjääw?
Ko María tnijäˈäwë ko yëˈë nety yajmaxuˈunkˈataampy ja Mesías, yˈëxtääyë naybyudëkë ets yëˈë jotkujkmooyëdë ja anklës Gabriel etsë Elisabet. Ëtsäjtëm mbäät nanduˈun xyjyotkujkmoˈoyëmë nmëguˈukˈäjtëm (w23.10, pajina 15).
¿Wiˈixë Jyobaa tˈatsoowëmbity ko nmënuˈkxtakëm?
Jyobaa wyandakypy ko yˈatsoowëmbitaampy ko nmënuˈkxtakëm, per duˈun tˈatsoowëmbity extëm yëˈë tijaty të ttuknibëjktäägë (Jer. 29:12). Mbäät näˈäty tëgatsyaty tˈatsoowëmbity ja nuˈkxtakën, per xëmë xypyudëkëyäˈänëm (w23.11, pajina 21 etsë 22).
Romanʉs 5:2 yëˈë myaytyakypy tijaty nˈëwxijt njëjpˈijxëm, per ¿tiko jatëgok yajmaytyaˈaky mä bersikulo 4?
Desde ko jäˈäy ndukmëtmaytyakëm ja oybyë ayuk, ta tˈëwxity tjëjpˈixy jyukyˈatäˈäny yä Naxwiiny. Per ko tpäätyë amay jotmay, tmëmadaˈaky ets tnijawë ko Dios kupëjkëp, ta niˈigyë myëbëjkën kyëktëkë (w23.12, pajina 12 etsë 13).