¿Mjamyejtsypyë?
¿Të xykyajpxy tijaty näämnëm të pyëtsëmy mä rebistë Diˈib Xytyukˈawäˈänëm? Pën tëë, okˈixë net pën mbäät xyˈatsoowëmbity tijaty yää yajtëëpy:
¿Wiˈixë Jyobaa tˈixyë toˈoxytyëjkjäˈäy, ets ti ijxpajtënë xymyoˈoyëm?
Jyobaa nipën tkaˈëxtijy ets kyaj niˈigyë ttsokyë yeˈeytyëjkëty. Myëdoowˈijtypy ko myëgajpxyëty ja toˈoxytyëjkjäˈäy, jyaygyujkëp wiˈix nyayjyawëty ets ti jotmay pyatypy. Ets tyukjotkujkˈäjtypy ko tyunandëp ja tuunk mëdiˈibë të ttuknipëky (w24.01, pajina 15 etsë 16).
¿Wiˈix mbäät nguytyuˈunëmë Éfesʉ 5:7 ko jyënaˈany këdii “mëët mdaˈanmiky mwäˈkmiky”?
Apostëlë Pablo jyënany ko kyaj mëët nduˈukmujkëmë jäˈäy mëdiˈibë kyaj xypyudëjkëm parë nmëmëdoˈowëmë Jyobaa. Tsojkëp nnaygyuentëˈäjtëm ets kyaj mëdë xëëw tiempë nyajnäjxëmë duˈumbë jäˈäy ets nanduˈun mä redes sociales (w24.03, pajina 22 etsë 23).
¿Ti mbäät xytyuny ko myajtukmëtmaytyäˈägët mëdiˈibë kyaj tyëyˈäjtënëty?
Tsojkëp nnaygyuentëˈäjtëm ko nyajtuknigajxëm mä telefënë mëdiˈibë kyaj tyëyˈäjtënëty. O xytyuknigajxëmë correo electrónico tuˈugë jäˈäy mëdiˈibë kyaj nˈixyˈäjtëm ets wiˈix jyënäˈändë pënaty të ttukpëtsëëmduˈuttë Diosë nyax kyäjpn mëdiˈibë nayajnäjxëdëp ko yˈoymyëdoowdëbë Diosë yˈayuk (w24.04, pajina 12).
¿Ti mëdiˈibë kyaj nnijäˈäwëm ets ti mëdiˈibë nnijäˈäwëm mä wiˈixë Jyobaa tpayeˈeyaˈany ja rey Salomón, pënaty oˈktë Sodoma ets Gomorra ets ko myiiny ja Ayoˈonduu?
Kyaj yajxon nnijäˈäwëm pënë Jyobaa yajkutëgooy xëmëkyëjxm, per mëdiˈibë nnijäˈäwëm yëˈë ko Jyobaa yˈixyˈäjt niduˈuk niduˈugë yäˈädë jäˈäyëty ets ko yëˈë jantsy paˈˈayoop (w24.05, pajina 3 etsë 4).
¿Ti xytyukniˈˈijxëm ko Jyobaa duˈun yˈity ixtëm tuˈugë mëj tsäägopk? (Deut. 32:4).
Mbäät nˈaˈoˈkëmë Jyobaa parë xykyuwäˈänëm. Yëˈë kyaj xymyastutëm, pes xëmë tkuytyuny tijaty xytyukwandakëm. Ets kyaj tyëgatsy tijaty yëˈë të ttuknibëjktäägë ets nan kyaj dyajtëgatsyë jyaˈayˈäjtën (w24.06, pajina 26 axtë 28).
¿Ti xypyudëkëyäˈänëm parë jatëgok nˈijxwëˈëmëm pën wiink kongregasionk nˈyeˈeyäˈänënë?
Yëˈë ko nmëbëjkëm ko Jyobaa xypyudëkëyäˈänëm duˈun ixtëm tpudëjkë pënaty tëëyëp mëduunëdë, ko kyaj nˈijxkijpxyëm ja kongregasionk mä të nˈyeˈeyëm, ko nduˈunëm tijaty mët ja nmëguˈukˈäjtëm mä nˈyeˈeyäˈänëm ets ko nmëwingoˈonëm parë oy mëët nˈijtëm (w24.07, pajina 26 axtë 28).
¿Tijaty xytyukniˈˈijxëm ja tëgëëkpë ijxpajtën mëdiˈibë Jesús myaytyak mä Matewʉ kapitulo 25?
Ja ijxpajtënë mëdiˈibë Jesús myaytyak mä ja borreegë etsë tsyiibë, yëˈë xytyukniˈˈijxëm parë kyaj nmastutëmë Jyobaa. Ja nimäjkpë toˈoxyˈënäˈkëty, yëˈë xytyukniˈˈijxëm ko tsojkëp nnayjyëjpˈijxëm. Ets ko yajmaytyaˈaky ja meeny, yëˈë xytyukniˈˈijxëm ko tsojkëp nˈijtëm tuumbë jäˈäy (w24.09, pajina 20 axtë 24).
¿Nuˈunën kyëjxmˈäjty ja potsy mëdiˈibë templë winduuy?
Mä näägë nekyxyaatsy mëdiˈibë tëëyëp yajjääy, jyënaˈanyë 2 Crónicas 3:4 ko “ja potsy mëdiˈibë templë winduuy ja kyëjxmˈäjty 120 kënux” jaˈa jënäˈänëm 53 metrë. Per mä wiinkpë nekyxyaatsy jyënaˈany ko ja kyëjxmˈäjty “20 kënux” o 9 metrë. Yäˈädë yëˈë jyawë tëyˈäjtëndëjkëp mët ixtëm myajpxyˈajty ja potsy (w24.10, pajina 31).
¿Ti yˈandijpy ko pënaty pyudëjkëbë mëjjäˈäy ‘tuˈugyë mëbäät tmëëtˈaty ja tyoˈoxytyëjk o ja kyudëjk’? (1 Tim. 3:12, TY).
Ja mëdiˈibë pyudëjkëbë mëjjäˈäy ets të pyëjknë, jeˈeyë tuˈugë kyudëjk tmëdatët ets kyaj tmëtˈit tmëttsëënëdë wiink toˈoxytyëjk ets kyaj ja wiink toˈoxytyëjk tˈix ttunët o twinˈit twinxonët (w24.11, pajina 19).
Ixtëm jyënaˈanyë Fwank 6:53, ¿tiko njënäˈänëm ko kyaj jaa nyaxkëdaky parë yajtunët ja nWintsënˈäjtëmë yˈAˈux?
Mä Fwank 6:53, japë Jesús jyënany ko tsojkëp yajtsuˈutsët ja nyiniˈkx ets yaˈuugët ja nyeˈpyny. Per yëˈë duˈun myëtmaytyak ja mayjyaˈay jam Galilea mä jëmëjt 32, mëdiˈibë nety kyajnëm myëbëkëdë. Per ko dyajnaxkëdaky ja nWintsënˈäjtëmë yˈAˈux mä jëmëjt 33, yëˈë duˈun yˈanëmääy pënaty mëët yˈanaˈamäˈändë tsäjpotm (w24.12, pajina 10 ets 11).