Yezu ena na?

Yezu ena mu gadji di hadu’ana a geshiyagana ngolu. Ata gio, hadu’engi meni gwishiya gaga jina diendji, gashi lo’agwishiyanga mambu mengi madadila ye, kega a gukalanga yi mangindu ma guswaswana mumwila yi Yezu. Bible dieni guhosa mbi Yezu ena na?

1. Yezu ena na?

Yezu ena wandjo u moshi u ngolu ayo u gujinganga gu wulu. Yehowa Nzambi a gahangidi tegu Yezu gutwala yi guhanga yima yega yikima. Tunda, Bible di gumulendjiganga “Mwana u tegu u lugangu lukima.” (Bakolosai 1:15) Kega Yezu buna wena mudu mu moshi yo Yehowa a gagangidi ye mweni. Tunda Bible di gumulendjiganga “mwana wendji u moshi gaga u gubuduga.” (Yoane 3:16) Yezu ma gahanganga yi dadendji Yehowa, kega ma gamusadishidi mu guhanga yima yega yikima. (Danga Bingana 8:30.) Tii mwaniowu, Yezu meni gukala gaga ndugu u ngolu u Yehowa. Ma gudihananga gaga mu gisalu giendji gi muneyi-ndaga u Nzambi, gisongidila “Ndaga” yo yi guhananga masangu kega mashigu ma Yehowa.—Yoane 1:14.

2. Mumwilegi Yezu a geshidi a wulu di manu?

Mamvula 2000 ma hida gadi, Yehowa ma gahangididi peve santu yendji mu pila yimoshi yiguyiduga. Ma gasendjidi lujingu lu Yezu gu wulu kega ma galushidi mu vumu di María pini yo u gakedi mwense. Ohana, Yezu ma gabudugidi mudu a wulu di manu. (Danga Luka 1:34, 35.) Yehowa ma gadumini Yezu ha wulu di manu mumwila mu guguma Mesia, to Kristu mumwila mu gugulusa hadu.a Mambu makima mo ma gahoshidi Bible mumwila yi Mesia mu ma galunganini gwena Yezu, kega mu magasadishidi hadu mu gwishiya mbi Yezu ena “Kristu Mwana u Nzambi u moni.”—Matayo 16:16.

3. Yezu ena kwiyi mwaniowu?

Gu dima di lufwa lu Yezu, ma gafudumugidi yi mwila u gipeve kega ma gahongulungidi gu wulu. A guna, “Nzambi ma gamu zangudidi mu gihani gi moshi gi guzanguga.” (Bafilipi 2:9) Mwaniowu, Yezu u gaguma fumu mu neni—gisongidila mudu u mbadi gudima di Yehowa.

4. Yezu lō ena Nzambi yo wena Mweni ngolu ji kima

Bible mu dieni guhosa mbi ata Yezu ena wandjo u moshi u ngolu gu wulu, ye ma gulemfugilanga Yehowa, Nzambi kega Dada wendji. Mumwilegi dunahosa gio? Dalenu VIDEYO mumwila mu gudala pila Bible di gulesanga mbi Yezu lō ena gidesu gi moshi yi Nzambi mweni ngolu ji kima.

VIDEYO: Yezu Kristu ena Nzambi? (3:22)

Maverse ma manalaba mu mana dusadisa mu gubagisa mbi Yehowa lō ena gidesu gi moshi yi Yezu. Dangenu kosu verse, kega gudima hanenu mamvudu mu miwu mi:

Dangenu Luka 1:30-32.

• Pila yigi mambu mo ma gahoshidi wandjo mana lesa mbi Yezu lō ena gidesu gi moshi yi Yehowa Nzambi, “Mudu u Guhida Wulu”?

Dangenu Matayo 3:16, 17.

• Dangu di gasendjidi Yezu mbodjiga, ndaga’ayina yi gagadugidi gu wulu yigahoshidi yigi?

• Yigi u yindula, ndaga’ayina yi gakedi yi na?

Dangenu Yoane 14:28.

• U yindula yigi, mu gadji di dada yi mwana, na u gukalanga mbuda kega yi giyega gingi?

• Yezu a gazolanga guhosa yigi dangu di’aga lendjigidi Yehowa mbi Dada wendji?

Dangenu Yoane 12:49.

• Yezu a guhosanga mbi ye yi Dada wendji ena gidesu gi moshi? Ayi u yindula yigi?

5. Yezu ma galeshidi mbi a gakedi Mesia

VIDEYO: Yezu ma galungishidi mambu mo ma guhosanga Bible (3:03)

Dangenu mambu mo ma gahoshidi Bible mu maverse ma, kega gudima hanenu mamvudu mu miwu mi:

Dangenu Mika 5:2 mumwila mu gwishiya kwiyi gugalombidi mbi Mesia abudugi.b

• Mambu ma, mu ma galunganini dangu di gabudugidi Yezu?—Matayo 2:1.

Dangenu Nkunga 34:20 kega Zekaria 12:10 mumwila mu gwishiya mambu mo ma gahoshidi Bible mumwila yi lufwa lu Mesia.

• Mambu ma, mu ma galunganini?—Yoane 19:33-37.

• Yigi u na yindula, Yezu u gahangidi mbi mambu ma malungani?

• Mambu ma mu mana gusadisa mu gugumbula mbi Yezu ena na?

MU KUFI

Yezu ena wandjo u ngolu. Ena Mwana u Nzambi kega Mesia.

Mvudugilu

• Mumwilegi Bible di gulendjiganga Yezu “mwana u tegu u lugangu lu kima”?

• Yezu, yigi a gahanganga gutwala mbi eshi a wulu di manu?

• Yigi yina gugumbudisa mbi Yezu ena Mesia?

DALA KEGA

Dala mambu mengi mana lesa mbi Yezu ena Mesia.

“Mambu mo ma gahoshidi Bible mumwila yi Mesia mu mana lesa mbi Yezu’agakedi Mesia?” (Disolu dio diena mu jw.org)

Dala mbi Bible di gulonganga mbi Nzambi a gabudjidi Yezu nga pila hadu agubudanga ana mwaniowu.

“Mumwilegi Bible di gulendjiganga Yezu mbi Mwana u Nzambi?” (Disolu dio diena mu jw.org)

Dala mumwilegi dilongi dio di guhosanga mbi Nzambi u moshi gashi mapersone masadu lō diena dilongi di Bible.

“Yezu ena Nzambi?” (Nzozulu ya Nkengi 1/4/2009)

Dala pila yigi mugonusa mu moshi a gasobidi lujingu lwendji dangu di’agalongugidi mambu mo ma guhosanga Bible mumwila yi Yezu.

“Muyuda mu moshi u mugonusa mana hoshila mambu mo ma gamupushidi mu gudadila kega malongi ma dibundu diowu” (Telama! 5/2013)