Mfunu yi lufwa lū Yezu yigi gwen’ayi?

Yezu agafwidi mumwil’edu mu gujinga. Yoane 3:16

Mafugu masadu gu dima di lufwa lu Yezu, agosuna amoshi agedi gudala maziamu mendji ya’mawana ma pamba. Yehowa aga mu fudumunini mu lufwa.

Gudima, Yezu esa gudilesa gwena a ndugu jiendji atumwa.

Gu gigidi, Yehowa māgafudumunini Yezu ngā gigangwa gi gimpeve, gingolu, gigagōnda gufwa. Alongogi endji māga mu dādidi dangu diayanga gu wulu.

Nzambi agafudumishidi Yezu, y’amusa Todjila u Gifumu gi Nzambi. Daniele 7:13, 14

Yezu agahanini lujingu lwendji mu mwila gugulusa hādu mu masumu yi lufwa. (Matayo 20:28) Mu mbuga yo, Nzambi aba duhwa mbuga yi gujinga mvula yi mvula.

Yehowa ugasā Yezu Todjila mu guyala gifudji gikima. Agayāla yi hādu 144 000 a masonga, agajinga gu wulu gudima di lufwa lwawu. Yezu yi hādu 144 000 ahangidi guvernema umoshi u masonga gu wulu​—Gifumu gi Nzambi.​—Kusonga 14:1-3.

Gifumu gi Nzambi gigagumisa mānu Paladisu. Idumba, gujiyagana, usuyi yi nzala lō yigakala kega. Hādu agakala gibeni mu kiesi.​—Nkunga 145:16.