DILONGI 11

Yigi u le hanga mumwila gudanga Bible guguneyidi mapimbu

W'adusa mu Papie

U gadiyangisa gadi dangu di’ugazolanga guhanga gisalu gimoshi gi ngolu gashi gio gi’ugadadidi mbi gi gakedi pashi? U gayandjigidi gu gihanga dugogi-dugogi mumwila gi kondji guguhwa pashi. Gwena kega pila yi moshi yi gudanga Bible. U le dihula mbi, ‘Kwi ya yandjiga?’ Mu dilongi di, mudu’adadila ndambu yi mambu y’ule hanga yo y’agusadisa mu gusepela yi gudanga kega gulonguga Bible.

1. Mumwilegi u fe danganga Bible kosu gilumbu?

Mudu yo u gudanganga Bible, to “shigu ji Yehowa,” kosu gilumbu, a gakala mu gieshi kega mambu mo m’aguhanganga mu ma ganunga. (Danga Nkunga 1:1-3.) Mu luyandjigu, mega gudanga minuda ndambu kosu gilumbu. Dangu di’ugayigila gudanga ndaga yi Nzambi, m’ugaguma gusepela gudanga Bible ngolu.

2. Yigi ya gusadisa mu gusenda mapimbu mu ludangu lu Bible?

Mu gusenda mapimbu mu ludangu lu Bible, u fe senda dangu di guyindula mambu mo ma una danga. Gisongidila “gu yindulula mambu beni.” (Yozue 1:8, noti mu mashina ma gasa) Dangu di una danga Bible, dihudi miwu mi: ‘Mambu ma mana Ndonga yigi mumwila yi Yehowa Nzambi? Pila yigi yile gumahangila mu lujingu lwami? Pila yigi yile hangila ma verse ma mu gusadisa hadu hega?’

3. Pila yiki u le zwa dangu di gudanga Bible?

Gwena kala pashi ayi mu guzwa dangu di gudanga Bible? Gwena kala kega pashi mumwila yi hadu’engi. Mega guhanga yigesa “mu guhangila dangu diayi pimbu-pimbu.” (Baefezo 5:16) U le guga mbi m’uyidiga dangu di gudanga Bible kosu gilumbu. Hadu’ega aguzolanga gudanga Bible mukela, ega dangu diana hululuga mu midi. Hadu’ega kega aguzolanga gudanga Bible mu dangu di gubida. Mumwila yi ayi, dangu digi dienigukala pimbu mu gudanga Bible?

WISHIYA KEGA MAMBU MENGI

Du dadidi pila yigi u le guma gusepela yi gudanga Bible. Dala pila yi u le yilamana mumwila gulonguga gwayi gu Bible guguneyidi mapimbu.

Gimvuga gi mafoto: Mwana u yala mu moshi ena mu gudia madia ma moshi mu sungi yi ma dangu. 1. Mwana u yala mu moshi ena mu gu sema yi madia. 2. Gu dima di mamvula, mwana u yala u gumini gudia madia beni. 3. U gumini mwa mbuda, kega ena mu gusepela gudia madia beni. — Dala mandongishila mo mana hana hadu’ana a gudanganga Bible yandjiga tunda

4. Mambu mo ma ule hanga mumwila ugumi gusepela gudanga Bible

Mu guyandjiga gudanga Bible gwena lomba guhanga yigesa. Ada gio, u le guma yi “nzala yi ngolu” yi gudanga Bible, gaga pila mudu eni guguma gu sepela gudia madia mo m’agakonda gudia gadi. Dangenu 1 Piere 2:2, gudima hanenu mvudu mu muwu wu:

Muwena gumbula mbi, mbi m’unadanga Bible kosu gilumbu u le guma gusepela ngolu mu gudidanga?

Dalenu VIDEYO mumwila mu gudala pila hadu’ega a gagumini gusepela yi gudanga Bible. Gudima hanenu mamvudu mu miwu mi:

VIDEYO: Dulengi dunalonguga guzola Ndaga yi Nzambi (5:33)

Mu videyo di, mapashi megi dulengi maganungidi?
Yigi yiga a sadishidi mu gubanda guzola gudanga Bible?
Yigi’agahangidi mu guguma gusepela ngolu gudanga Bible?

Mambu ma u le hanga mu guyandjiga:

Sola Bible dio diahangila mangogu ma gugonda pashi mo mana hangila hadu yilumbu yi. U le danga Biblia Mbalula ya Nsi-Ntoto ya Mpa.
Tegu yandjiga gudanga masolu ma Bible mo mena gusepedisa ngolu. Mu gwishiya mambu ma u fe danga, dala gidjini “Mambu ma guhanga mu guguma gudanga Bible yi gieshi.”
Sa gidimbu mu mambu mo ma una danga. Hangila tablo “Ludangu lwami lu Bible” mo mena mu muganda wu.
Hangila application JW Library^®. Mu dia gusadisa mu gudanga kega guwidigila ludangu lu Bible mu mandaga mengi kosu gihani gio gi wena mu telefone to mu apareyi mwega.
Hangila Bangindu ya Ngika mu Biblia Mbalula ya Nsi-Ntoto ya Mpa. Diena yi makarti, matablo, mangogu mo m’adendula, mo ma le hanga mbi u gumi gusepela gudanga Bible.

5. Yilamana mumwila yi gulonguga gwayi gu Bible

Dangenu Nkunga 119:34, kega gudima hanenu mvudu mu muwu wu:

Mumwilegi gwena funu mu gusamba gu twala yi gudanga Bible to gu twala yi guyilamana mumwila yi gulonguga Bible?

Yigi u le hanga mumwila gulonguga gwayi gu Bible guguneyidi mapimbu? Dangu di’unayidiga dilongi di moshi di munganda wu, mega guhanga mambu ma:

Danga maparagrafe ma luyandjigu ma dilongi.
Gamba kega danga maverse, kega mega gubagisa pila yi manawagana yi mambu mo mena mu dilongi beni.
Sa yidimbu mu mangogu ma funu mo manahana mvudu mu kosu muwu; mbi mu hanga gio mu gwagusadisa dangu di’uga longuga dilongi beni yi pangi yo u gugulonganga Bible.

Gimvuga gi mafoto: Mugonusa mu moshi ena mu guyidiga gulonguga gwendji gu Bible. A. Ena mu guyidiga gasa di tegu di dilongi. B. Ena mu gudanga maverse mu Bible. C. Ena mu gusa yidimbu mu mangogu kega yihani yi funu mu dilongi.

Mu weni gwishiya

Ambangi a Yehowa a guhangilanga ma Bible mengi. Ada gio, du guzolanga ngolu gu hangila Biblia—Mbalula ya Nsi-Ntoto ya Mpa mumwila di guhoshilanga mambu gaga pila yi mena gisongidila pwelele kega di guhangilanga jina di Nzambi.—Dala disolu dio diena mu jw.org “Ambangi a Yehowa a kwedji Bible diowu?”

HADU EGA ENI GUHOSA MBI: “Gulonguga Bible gwena pashi. Lō yi guzwanga dangu di gulonguga Bible kega mu diguhelwisanga.”

U yindula yigi?

MU KUFI

Mu gusenda mapimbu mu gulonguga gwayi gu Bible, yidiga dangu di gudidanga, samba mumwila mu gubagisa mambu mo ma unadanga kega yilamananga gu twala yi gulonguga.