Ambangi a Yehowa ena Akristu a giediga?

Edu Ambangi a Yehowa, mu dugugumbulanga mbi dwena Akristu a giediga. Mumwilegi? Mumwila yi yiguma yi yisadu: gihani gi gugaduganga malongi medu, jina dio di guhanganga mbi duswaswani yi hadu ega, kega pila yi du guzolananga yedu’eyedu.

1. Malongi ma Ambangi a Yehowa mena gaduga kwi?

Yezu ma gahoshidi mbi: “Ndaga yi [Nzambi] yena giediga.” (Yoane 17:17) Pila yi moshi nga Yezu, malongi ma Ambangi a Yehowa mena gaduga mu Bible. Mu mbandu, dudadidi disolu di Ambangi a Yehowa o’aga lendjiganga tegu Alongogi a Bible. Heyi-heyi yi mvula 1870 gimvuga gi gi’alongogi a Bible ma gayandjigidi gulonguga Bible yi digebi di kima. Ma gagwigilanga mu mambu mo m’agadanganga ata mambu beni lō ma gawagananga yi mambu mo ma galonganga mabundu. Gu dima, ma gayandjigidi gulonga hadu ega mambu mo m’agadanganga mu Bible.a

2. Mumwilegi du gudilendjiganga Ambangi a Yehowa?

Yehowa a gulendjiganga hadu o’agumusambilanga mbi Ambangi endji mumwila ma gulonganga hadu ega mambu ma mudadila ye. (Baebreo 11:4–12:1) Mu mbandu mu dangu di tunda, Nzambi a gambididi asadi endji mbi: “Nwena Ambangi ami.” (Danga Yezaya 43:10.) Bible di gulendjiganga Yezu mbi “Mbangi u Gwigama.” (Kusonga 1:5) Tunda mu 1931 du gasendjidi jina Ambangi a Yehowa. Mu dweni gukala mu gieshi mu gukala yi jina di.

3. Pila yigi Ambangi a Yehowa a gulabanga mbandu yi zola di Yezu?

Yezu ma gazolanga a longogi endji ngolu tunda a g’asendanga nga a pangi a dibuda diendji. (Danga Marko 3:35.) Pila yimoshi kega edu Ambangi a Yehowa, mu du gukalanga a pangi a dibuda di manu ma kima o’agujinganga mu u moshi. Tunda du gulendjilagananga a pangi. (Filemoni 1, 2) Mu dwena gulemfuga kega mu mambu ma mena hosa Bible: “Zolenu gimvuga gi kima gi apangi.” (1 Piere 2:17) Edu Ambangi a Yehowa mu du gulesanga zola di, mu mapila mengi, mu mbandu mu dweni gusadisa apangi edu Akristu mu manu ma kima mu dangu di’agukalanga yi funu yi lusadisu.

WISHIYA KEGA MAMBU MENGI

4. Malongi medu ma gugaduganga mu Bible

Yehowa ma gahoshidi gutwala mbi mu yilumbu yi suga, hadu ma gabagisa pimbu-pimbu malongi ma Bible. Dangenu Daniele 12:4 kega noti gu mashina ma gasa, gu dima hanenu mvudu mu muwu wu:

• Pila asadi a Nzambi a galaba gulonguga Bible, yigi yi “gaguma yingi”?

Dalenu pila pangi Charles Russell yi gimvuga gi moshi gi’alongogi a Bible a galonguganga Ndaga yi Nzambi. Dalenu VIDEYO, gu dima hanenu mvudu mu muwu wu.

VIDEYO: Pila y’agabagishidi kega malongi ma giediga ma Bible (7:45)

• Pila yi du dala mu videyo, pila yigi pangi Charles Russell yi andugu endji a galonguganga Bible?

Mu weni gwishiya?

Ma dangu mega, mu dugusobanga mambu mega mo ma dweni gulonga. Mumwilegi? Gaga pila dangu di gudukanga kega semu ji dangu ji gulesanga yima dugogi-dugogi, pila yimoshi kega, Nzambi a gudusadisanga mu gubagisa Ndaga yendji dugogi-dugogi. (Danga Bingana 4:18.) Bible lō di gusobanga, mbi mu du guma gubagisa pimbu-pimbu malongi ma dugulonganga, mu dweni gusoba pila yedu yi gubagisa malongi medu ma dugalonganga tegu.

5. Du gujinganga mu guwagana yi jina diedu

VIDEYO: Jina dimoshi dio di gulesanga mbi dwena anani (2:40)

• Mumwilegi jina Ambangi a Yehowa di fwanini mumwila yi edu?

Mumwilegi Yehowa a gasodidi hadu mu gukala Ambangi endji? A g’asodidi mumwila a sadishi hadu mu gwishiya mbi ye ena Nzanbi u gigidi kega gulesa mbi mambu mengi mo ma guhosanga hadu mumwila yi ye lō mena ma masonga. Duhoshidi kaka mambu madi ma luvunu mo ma guhosanga hadu.

Mabundu mega ma gulonganga akristu a mabundu mowu mbi Nzambi a guzolanga mbi owu ahangidi yidegi dangu di’agumusambilanga. Gashi, dangenu Balevi 26:1, gu dima hanenu mamvudu mu miwu mi:

• Bible yigi di guhosanga mu mambu ma dadila yidegi? Pila yigi Yehowa a gudadilanga yidegi?

Afumu ega a mabundu a gulonganga mbi Yezu ena Nzambi. Gashi, dangenu Yoane 20:17, gu dima hanenu mamvudu mu miwu mi:

• Bible di guhosanga gibeni yigi mumwila yi Yezu? Nzambi yi Yezu ena gitesu gimoshi?

• Pila yigi u na difa mu gwishiya mbi Yehowa ma gudumanga Ambangi endji mu gwelonga hadu giediga mumwila yi ye kega Mwana wendji?

6. Mu duguzolananga

Bible di gufwanisanga Akristu yi yidjini yi guswaswana yi mwila u mudu. Dangenu 1 Bakorinto 12:25, 26, gu dima hanenu mamvudu mu miwu mi:

• Akristu a giediga a fe hanga yigi mbi a pangi owu Akristu ena mu gudala pashi?

• Mambu megi u ga dala gadi gwena Ambangi a Yehowa mo mena lesa mbi ma guzolananga?

Mbi Ambangi a Yehowa a peyi di moshi ena mu gudala pashi, mu mbala yimoshi Ambangi a Yehowa a gifudji gikima ma gu’asadisanga. Mumwila mu gudala mbandu yimoshi, dalenu VIDEYO. Gu dima hanenu mvudu mu muwu wu:

VIDEYO: Muhunga wu ngolu w’agulendjiganga Matthew wu bula gu Haïti (5:29)

• Pila yigi Ambangi a Yehowa a gasadishidi apangi’owu gu dima di muhunga?

MU KUFI

Ambangi a Yehowa ena Akristu a giediga. Dwena dibuda di apangi mu manu makima , mambu ma dugulonganga ma gugaduganga mu Bible kega dwena longa hadu giediga mu mambu ma dadila Yehowa.

Mvudugilu

• Mumwilegi du gasendjidi jina Ambangi a Yehowa?

• Pila yigi du guhangilanga apangi edu Akristu mambu?

• Muna gumbula mbi Ambangi a Yehowa ena Akristu a giediga?

DALA KEGA

Dala filme di moshi dio di guhoshilanga disolu di Ambangi a Yehowa.

Ambangi a Yehowa—Lugwigilu alo luna moniga mu yisalu, gidjini 1: Guduka mu gidima (1:00:53)

Dala mbandu yimoshi yo yina monisa pila Ambangi a Yehowa ena monisa pwelele mbi mambu mo ma gulonganga mabundu mengi lō mena ma gigidi.

Asadi a Nzambi a gugumisanga jina diendji (7:08)

Dala mamvudu mu miwu mio mi u le gudihula mumwila yi Ambangi a Yehowa.

“Miwu mio hadu a gulanga ngolu mumwila yi Ambangi a Yehowa” (masolu mo mena mu jw.org)

Stefene ma gamenganga hadu o ena gobu di mwila di guswaswana yi ye tunda a g’anwanisanga. Dala pila mambu mo m’agadadidi gwena Ambangi a Yehowa ma gamusadishidi mu gusoba yigalulu yendji.

“Lujingu lwami lu gagumanga gaga mbi gibeni” (Nzozulu ya Nkengi 1/7/2015)