Pila yigi du le gwishiya Akristu a giediga?

Hadu engi gibeni a guhosanga mbi hoo ena Akristu. Ata giogi lō gwena mbi owu’akima ma gugumbulanga mambu ma pila yimoshi, kega lō gwena mbi owu’akima ma gujidjisanga mashigu ma pila yimoshi. Gashi pila yigi du le gwishiya gibeni Akristu a giediga?

1. Mukristu ena na?

Akristu ena alongogi a Yezu Kristu. (Danga Bisalu 11:26.) Pila yigi a gulesanga mbi ena alongogi a Yezu Kristu? Yezu ma gahoshidi mbi: “Mbi mu nu gandamana mu ndaga yami, nwena gibeni alongogi’ami.” (Yoane 8:31) Gunadendula mbi Akristu a giediga a fe lemfuga mu malongi ma Yezu. Kega gaga pila malongi ma Yezu ma gagaduganga mu Bible, malongi ma Akristu a giediga kega ma fe gaduga mu Bible.—Danga Luka 24:27.

2. Pila yigi Akristu a giediga a gulesanga mbi ma guzolagananga?

Yezu ma galeshidi alongogi endji mbi: “Zolaganenu yenu e yenu pila ami yi ganuzola.” (Yoane 15:12) Pila yigi Yezu a galeshidi mbi ma guzolanga alongogi endji? Ma gahidjisanga dangu yi owu, m’agahwanga gigesa, kega m’agasadisanga. Kutu ma gahanini lujingu lwendji mumwila yi owu. (1 Yoane 3:16) Pila yimoshi kega, Akristu a giediga ma guzolagananga gibeni. Meni guleshilangana zola mu mambu ma’ana hosa kega ma’ana hanga.

3. Gisalu gigi Akristu a giediga a guhanganga ngolu-ngolu?

Yezu ma gahwedi alongogi endji gisalu. “M’agadumini mu gulonga sangu ji pimbu ji gifumu gi Nzambi.” (Luka 9:2) Akristu a tegu ma galonganga mu yihani yo y’agasambilanga Nzambi, mu yihani yi hadu’engi kega mu manzu ma hadu. (Danga Bisalu 5:42; 17:17.) Mwaniowu kega Akristu a giediga ma gulonganga malongi ma Bible mu yihani yi kima yo yi gukalanga hadu. Ma guzolanga hadu’ega, tunda aguhangilanga mu gieshi gikima dangu kega ngolu jowu mumwila mu gulonga hadu sangu ji Bible ajo ji guhananga givuvu kega gigesa.—Marko 12:31.

WISHIYA KEGA MAMBU MENGI

4. A gugambanga giediga mu Bible

Lō gwena mbi hadu akima ana a guhosanga mbi ena Akristu ma guhangilanga malongi ma Bible. Dalenu VIDEYO, gudima, hanenu mvudu mu muwu’a wu:

VIDEYO: Pila yigi malongi ma luvunu ma gengididi mu dibundu di ukristu (5:11)

• Pila yigi mabundu mo ma gudilendjiganga mbi Akristu ma gagandjidi hadu mbuga yi gulonguga mambu mo ma galongidi Yezu?

Yezu ma galongidi malongi mo ma gagaduganga mu Ndanga yi Nzambi. Dangenu Yoane 18:37, kega gudima, hanenu mvudu mu muwu’a wu:

• Pila Yezu a galeshidi, pila yigi du le gwishiya Akristu ana ena “mu mbimba yi giediga”?

5. A gulonganga malongi ma Bible

Gutwala yi gwenda gu wulu, Yezu ma gahwedi alongogi endji gisalu gi moshi agio gieni gulaba guhangamana tii mwaniowu. Dangenu Matayo 28:19, 20 kega Bisalu 1:8, gudima, hanenu mvudu mu muwu’a wu:

• Tii dangu diki kega tii mu gihani gigi gu’alomba mbi a longi sangu ji pimbu?

6. A guhangilanga mambu mo m’agulonganga

Yigi yi gahangidi mbi yala mu moshi mu jina di Tom a gumbudi mbi ma gazwidi dibundu di giediga? Dalenu VIDEYO, gudima hanenu mamvudu mu miwu mi:

VIDEYO: Mi gegidi mambu ma dibundu (5:20)

• Pila yi du dala mu videyo di, mumwilegi Tom a gegidi mambu ma dibundu?

• Mumwilegi a gugumbulanga mbi u gazwa dibundu di giediga?

Mambu ma du guhanganga mena kala funu guhida mambu ma du guhosanga. Dangenu Matayo 7:21, kega gudima, hanenu mvudu mu muwu’a wu:

• Yigi yeni gukala funu yingi mumwila yi Yezu—mambu ma du gulonganga to mambu ma du guhanganga?

7. Ma guzolagananga

Akristu a giediga ma gusanga gibeni lujingu lowu mu gigonsa mumwila yi apangi owu Akristu? Dalenu VIDEYO, gudima hanenu mamvudu mu miwu mi:

VIDEYO: Ma gagumbudidi gusa lujingu lwendji mu gigonsa (2:55)

• Pila yi du dala mu videyo, yigi yi gapushidi pangi LIoyod mu gusa lujingu lwendji mu gigonsa mumwila yi pangi Johansson?

• Mu na gumbula mbi mambu mo ma’agahangidi mu mana lesa mbi ena Mukristu ugiediga?

• Pila yigi alongogi a Yezu (to Akristu a giediga) a guhangilanga hadu’ana ena gobu di mwila di guswaswana yi owu to peyi diega mambu?

• Mu dangu di yidumba zola di gupusanga Akristu mu guhanga yigi?

MU KUFI

Akristu a giediga meni gujidjisa malongi ma Bible, ma gulesanga mbi ma guzolagananga, kega ma gulonganga malongi ma Bible.

Mvudugilu

• Malongi ma Akristu a giediga ma gugaduganga kwiyi?

• Gigalulu gigi gieni gusadisa hadu mu gwishiya Akristu a giediga?

• Gisalu gigi Akristu a giediga a guhanganga ngolu-ngolu?

DALA KEGA

Dala pila gimvuga gi moshi gi hadu gi guhanganga yigesa yigulaba malongi kega mbandu yi Yezu Kristu.

Ambangi a Yehowa—ena a nani? (1:13)

Dala mambu mo ma gasadishidi mugonusa mu moshi yo u gakedi tegu masere mu guzwa“dibuda di giediga di gimpeve.”

“Ma gahangididi Bible mumwila mu guhana mvudu mu kosu muwu!” (Nzozulu ya Nkengi 1/4/2014)

Dala pila Akristu agiediga eni gumonishila apangi owu Akristu zola dangu di’agukalanga yi funu yi lusadisu.

Mu dweni gusadisa apangi edu dangu di’agubwilanga pashi—Videyo di gidjini (3:57)

Dala Pila Akristu a tegu kega Akristu a giediga mwaniowu ma guhanganga mambu ma, ma gahoshidi Yezu mbi mu ma gasadisa hadu mu gwishiya alongogi endji.

“Yigi yena yidimbu yi dibundu di giediga?” (Nzozulu ya Nkengi 1/4/2012)