DILONGI 37
Bible di guhosanga yigi mumwila yi gisalu kega mbongu?
Ugadiyangisa gadi mumwila yi gisalu kega mbongu? Gu le kala pashi mu guzwa yima yi dwena yoyi funu kega gusambila Yehowa pila y’aguzolanga. Bible di guhananga mandongishila ma pimbu, mo ma le gudusadisa.
1. Bible di guhosanga yigi mumwila yi gisalu?
Nzambi a guzolanga mbi dusepedi yi gisalu giedu. Bible di guhosanga mbi: “gima gi guhida pimbu mumwila yi mudu lō giena . . . gadula gaga gwifa gieshi mumwila yi gisalu giendji gi ngolu.” (Longi 2:24) Yehowa a guhanganga gisalu ngolu. Mbi mu dukala hadu a guhanganga gisalu ngolu nga ye, mudwa musepedisa kega edu beni mudwa kala mu gieshi.
Gisalu giena funu. Gashi lō du le gwega mbi, gisalu gi gumi gima gi guhida funu guhida gusambila Yehowa. (Yoane 6:27) Yehowa ena hosa mbi, mbi mudu sa gisalu giendji mu gihani gi tegu, ye m’aduhwa yima yi gujingila yo yi dwena yoyi funu.
2. Bible di guhosanga yigi mumwila yi mbongu?
Bible di guhosanga mbi: “mbongu mu ji gududaninanga.” Gashi di gudwambilanga kega mbi, mbongu jo beni lō ji le guduhwa gieshi. (Longi 7:12) Tunda, Bible di gudulombanga mu gukonda zola mbongu gashi “mu gusepela yi yima yo yidwena yoyi.” (Danga Baebreo 13:5.) Mbi mu du nalaba gusepela yi yima yi dwena yoyi, lō dwa diyangisa ngolu ada lō dwena yi yima yingi. Lō dwa senda mafuga ma gukonda funu. (Bingana 22:7) Kega lō dwa bwa mu muhedu u gubula ma nsaga ma mbongu, mbi lō guhanga gisalu gio giena gigonsa gaga mumwila du gumi amvwama swalu-swalu.
3. Pila yiki du le hangila mbongu mu pila yi pimbu?
Yehowa ena Nzambi yo u gugabanga kega dugulabanga mbandu yendji dangu di dugu “gabanga kega, dugukalanga a guyilamana mu gugabila hadu ega.” (1 Timoteo 6:18) Du le hangila mbongu jedu mu pila yi pimbu, mbi mu dunajihangila mumwila mu gusadisa dibundu kega hadu o ena yi funu yi lusadisu, ngolu-ngolu apangi edu Akristu. Yehowa a gusepelanga ngolu yi yiguma yo yigudupusanga mu guhana, gashi lō mbi talu yi mbongu yi duguhananga. Mbi mu dunagaba mu mudjima u moshi, dwa kala mu gieshi kega mu dwa sepedisa Yehowa.—Danga Bisalu 20:35.
WISHIYA KEGA MAMBU MENGI
Dudadi mapimbu ma dugusendanga mbi mu du ba sa gisalu mu gihani giogi kega mbi mu dunasepela yi yima yi dwena yoyi.
4. Pila yedu yi guhanga gisalu yi le gumisa Yehowa
Gindugu giedu yi Yehowa gi le gudupusa mu gudadila gisalu mu pila yi pimbu. Dalenu VIDEYO, gudima hanenu mamvudu mu miwu mi:
Mu videyo di, yigi yi guyidugisa pila Jason a gadadilanga gisalu giendji kega pila y’aga gihanganga?
Yigi a gahanganga mumwila mu gulaba gu sa gisalu mu gihani giogi?
Dangenu Bakolosai 3:23, 24, gudima hanenu mvudu mu muwu wu:
Mumwilegi pila yedu yigudadila gisalu yena funu?
Gisalu giena funu. Gashi lō du fe gwega ada ki, mbi gi gumi funu guhida gusambila Yehowa
5. Mapimbu ma du le senda mbi mu dunasepela yi yima yi dukwedji
Hadu engi a guzolanga mbi a gumi yi mbongu jingi. Gashi Bible lō di gulonganga gio. Dangenu 1 Timoteo 6:6-8, gudima hanenu mvudu mu muwu wu:
Bible di gudulombanga mu guhanga yigi?
Du le kala mu gieshi, ada lō dwena yi mbongu jingi. Dalenu VIDEYO, gudima hanenu mvudu mu muwu wu:
Ada mabuda ma lō mena yi mbongu jingi, yigi yeni gu ma sadisa mu gukala mu gieshi?
Yigi du le hosa mbi dwena yi mbongu jingi, gashi du ba zola gaga dugumi yi mbongu jingi guhida? Yezu ma gahanini mbandu yi moshi mumwila mu gulesa gigonsa gi guhanga pila yi. Dangenu Luka 12:15-21, gudima hanenu mvudu mu muwu wu:
Mbandu yi Yezu yi nagulonga yigi?—Dala verse 15.
Dangenu kega fanigisenu Bingana 10:22 yi 1 Timoteo 6:10. Gudima hanenu mamvudu mu miwu mi:
U nayindula yigi, gima gi guhida funu giena gukala yi gindugu gi pimbu yi Yehowa to gukala yi mbongu jingi? Mumwilegi?
Mapashi meki ma le dugumina mbi mu du ba zola guguma yi mbongu jingi?
6. Yehowa m’aduhwa yima yi dwena yoyi funu
Mbi lō dwena yi gisalu kega mbongu, gu le guma pashi mu gulaba gushila Yehowa mudjima. Dalenu VIDEYO mu gudala mambu ma du le hanga mbi lō dwena yi mbongu kega gisalu, kega gudima hanenu mamvudu mu miwu mi:
Mu videyo di, pangi yala yu a gawanaganini yi pashi jiki?
Yigi yiga mu sadishidi mu gununga mapashi beni?
Dangenu Matayo 6:25-34, gudima hanenu mvudu mu muwu wu:
Yehowa a ba hosa mbi yigi a hanga mumwila yi hadu o a gumusanga mu gihani gi tegu?
HADU EGA ENI GUHOSA MBI: “Yi fe hanga ngolu mumwila mu gusadisa dibuda diami. Lō y’aguga guzwa dangu di gwenda gu malugudaganu ma dibundu kosu posu.”
Verse diki di ba gugumbudisa mbi Yehowa m’aduhwa yima yi dwena yoyi funu, mbi mu du sa lusambu lwendji mu gihani gi tegu?
MU KUFI
Gisalu giedu kega mbongu jena funu yingi, gashi lō du le gwega ada ki, mbi gigumi gima gi guhida funu guhida gusambila Yehowa.
Mvudugilu
Yigi yi le gugusadisa mu gudadila gisalu mu pila yi pimbu?
Mapimbu meki du le senda mbi mu du nasepela yi yima yi dwena yoyi?
Pila yiki du le lesa mbi mu du ba shila Yehowa mudjima mbi, m’aduhwa yima yi dwena yoyi funu?
DALA KEGA
Dala mbi Bible di guhosanga mbi mbongu jena mbi.
“Mbongu jena mugashi u mambu mambí ma pila yikima?” (Disolu dio diena mu jw.org)
Dala pila yi du le hangila mbongu jedu mumwila mu gusepedisa Nzambi.
“Bible di guhosanga yigi mu mambu ma dala gugaba?” (Disolu dio diena mu jw.org)
Gubula saga ji mbongu gwena mbi?
“Mambu ma guhosanga Bible mu mambu ma dadila saga ji mbongu” (Telama! 3/2015)
Dala mumwilegi yala mu moshi a gegidi gubula saga ji mbongu kega gwimbula.
“Yigazolanga ngolu saga ji gusenda tshina awulu di Apunda” (Nzozulu ya Nkengi 1/11/2011)