Nzambi u gigidi ena na?

Yandjiga tunda hadu ma gusambilanga anzambi engi, Gashi Bible mu di gudulesanga mbi gwena yi Nzambi yo “u hida anzambi ega akima” (2 Bansangu 2:5) Nzambi mweni, ye mwiki? Yigi yeni guhanga mbi Nzambi mweni akadi muneni guhida anzambi ega akima’o agu sambilanga hadu? Mu dilongi di, dala pila Nzambi ana zola mbi ayi wishiyi jina diendji.

1. Jina di Nzambi diena na, yigi’na lesa mbi Nzambi aguzolanga mbi edu dwishiyi jina diendji?

Mu Bible Nzambi ma gudulesanga jina diendji. Aba hosa mbi: “Ami yena Yehowa. Adio diena jina diami.” (Danga Yezaya 42:5, 8.) Jina “Yehowa” diena mu ndaga yi hebreo. Diba dendula mbi “Magugumanga.” Yehowa a guzolanga mbi edu dwishiyi jina diendji. (Kubasika 3:15) Mumwilegi duba hosa gio? Mu Bible, jina di Nzambi diena mbala guhida 7000!a Jina di Yehowa, diena jina di Nzambi mu moshi gaga u giediga “gu wulu kega a wulu di manu.”—Kulonga 4:39.

2. Bible yigi di gudwambilanga mumwila yi Yehowa?

Bible di gudwambilanga mbi mu gadji di anzambi akima o agusambilanga hadu, Yehowa buna wena Nzambi u gigidi. Mumwilegi? Yiguma yena yingi. Yehowa ena Nzambi u guhida uneni, kega ye buna wena “mudu u guhida wulu mu manu makima.” (Danga Nkunga 83:18.) Ena “mweni ngolu jikima.” Bible diba mulendjiga mweni ngolu jikima, mumwila ena yi ngolu ji guhanga kosu gima gio gi’azola. Ye uga “gangidi yima yi kima”—gu wulu kega a wulu di manu. (Kusonga 4:8, 11) Mu guswaswana yi anzambi ega akima, Yehowa buna u gujinganga dangu di kima, kega ma galaba gujinga mvula yi mvula.—Nkunga 90:2.

3. Nzambi ena yi matitre mengi gashi ena gaga yi jina di moshi

Mu gwishiya luswaswanu lwena mu gadji di titre di mudu yi jina diendji Dalenu VIDEYO, gu dima hanenu mvudu mu muwu wu:

VIDEYO: Nzambi ena yi matitre mengi, gashi ena yi jina di moshi buna (0:41)

• Mu mbandu, yigi yiba lesa mbi titre fumu diena yi luswaswanu yi jina?

Bible di guhosanga mbi hadu a gusambilanga anzambi engi, kega afumu engi. Dangenu Nkunga 136:1-3, gu dima hanenu mvudu mu muwu wu:

• Na wena “Nzambi wu anzambi” kega “Fumu wu afumu”?

4.Yehowa ena zola mbi wishiyi jina diendji kega u dihangidi

VIDEYO: Nzambi wena yi jina?—Videyo di gidjini (3:11)

• Yigi u yindula, Yehowa ma guzolanga mbi hadu eshiyi jina diendji? Mumwilegi?

Yehowa a guzolanga mbi hadu eshiyi jina diendji. Dangenu Baroma 10:13, gu dima hanenu mamvudu mu miwu mi:

• Mumwilegi gwena mfunu mu guhangila jina di Nzambi, Yehowa?

• Pila yigi u gudifanga mbi mudu ma gulendjiga mu jina diayi kega lō ana dibila?

• Uba yindula mbi Yehowa a gudifanga pila yigi dangu di’ugu hangilanga jina diendji?

5. Yehowa aba zola mbi ayi u gumi ndugu wendji

VIDEYO: M’igagambanga Nzambi u gigidi (8:18)

• Mu videyo di didudala, pila yigi gwishiya jina di Nzambi gu gagamini mudjima wu Soten?

Mu guguma ndugu u mudu mu moshi, gwena kala mfunu mbi wishiyi tegu jina dienji. Dangenu Yakobo 4:8a, gudima hanenu mamvudu mu miwu mi:

• Yehowa ena gulomba ayi mu guhanga yigi?

• Pila yiki gwishiya kega guhangila jina di Nzambi gule gugusadisa mu guguma ndugu wendji?

MU KUFI

Jina di Nzambi mu moshi buna u gigidi diena Yehowa. Mumwila mu guguma ndugu u Nzambi, aguzolanga mbi dwishiyi kega duhangidi jina diendji.

Mvudugilu

• Yigi yeni guhanga mbi Yehowa aswaswani yi anzambi ega akima agusambilanga hadu?

• Mumwilegi du fe hangila jina di Nzambi?

• Yigi yiba lesa mbi Yehowa ena zola mbi u gumi ndugu wendji?

DALA KEGA

Dala yiguma tánu yo yi le gudusadisa mu gugumbula mbi Nzambi wena.

“Nzambi wena gibeni?” (Disolu dio diena mu jw.org)

Dala mumwilegi gufwana mu gugumbula mbi Nzambi ma gujinganga dangu di kima.

“Na u gagangidi Nzambi?” (Nzozulu ya Nkengi 1/8/2014)

dala mumwilegi du fe hangila jina di Nzambi, ada lō dwishiya pila yi aga dilendjiganga mu dangu di tunda.

“Yehowa ena na?” (Disolu dio diena mu jw.org)

Pila yi du gulendjiganga Nzambi gwena mfunu? Dala mumwilegi du le hosa mbi Nzambi ena yi jina di moshi buna.

“Nzambi ena yi majina magwi?” (Disolu dio diena mu jw.org)