DILONGI 59
U le ganda mudjima dangu di’aba gudadisa pashi
Akristu’akima a fe gwishiya mbi gilumbu giena, hadu m’agazangulugila to kutu m’agadadisa pashi. Gwishiya gio, gu fe dubangisa?
1. Mumwilegi Akristu lō’ale yiduga mbi hadu ma bagu’adadisa pashi?
Bible di guhosanga pwelele mbi: “Hadu’akima o abazola gujinga mu gugandamana gwena Nzambi m’umoshi yi Kristu Yezu, m’agadadisa kega pashi.” (2 Timoteo 3:12) Hadu ma ganiogudidi Yezu mumwila lō’agakedi mudu u manu ma, ma Sadana. Edu kega lō dwena hadu’amanu ma, tunda du fe konda yiduga mbi afumu a leta kega a mabundu ma badudadisa pashi.—Yoane 15:18, 19.
2. Pila yigi du le yilamana mumwila yi kosu pashi jo hadu’ale du dadisa?
Du fe guma gibeni gushila Yehowa mudjima yandjiga mwaniowu. Kosu gilumbu, du se dangu di gusamba kega gudanga Bible. Dwendjengi gu malugudaganu ma dibundu mbala yi mbala. Yigalulu yi mu yigaduhwa ngolu yi gigesa gi guganda mudjima mu kosu pashi jo j’agadudadisa, ata hadu beni ena hadu’adibuda diedu. Tumwa Polu yo hadu’agadadisanga pashi mbala jingi a gasonigidi mbi: “Yehowa ena sadishi wami; lō yagwifa woma.”—Baebreo 13:6.
Du gugumanga kega gigesa gingi mbi mu duba longa sangu ji pimbu mbala yi mbala. Gulonga sangu ji pimbu gwena dusadisa mu gushila Yehowa mudjima kega mu gukonda gwifa hadu woma ata ki. (Bingana 29:25) Mbi m’ubalonga sangu ji pimbu yi gigesa mwaniowu, gu gagusadisa mu gukala u guyilamana mu gulaba gulonga sangu ji pimbu ata dangu afumu a leta a gadunisa gisalu giedu.—1 Batesalonika 2:2.
3. Mapimbu megi dwena senda dangu di dugugandanga mudjima mbi hadu ma badudadisa pashi?
Gugigidi lō dwena sepela mbi hadu’aduniogudiengi, gashi mbi mu duganda mudjima mu pashi jo j’aba dudadisa kega mu dujinunga, lugwigilu lwedu lwena guma ngolu. Kega gindugu giedu yi Yehowa giena guma ngolu dangu di dugudalanga pila y’aba dusadisa mu madangu ma pashi. (Danga Yakobo 1:2-4.) Yehowa a gwifanga pashi gu mudjima dangu diagudalanga pila hadu a gududadisanga pashi, gashi a gwifanga gieshi mu gudala pila yi du gugandanga mudjima. Bible di ba hosa mbi: “Mbi munuba ganda mudjima mu mapashi mumwila nuba hanga mambu ma pimbu, gwena diambu dio Nzambi a guzolanga.” (1 Piere 2:20) Mbi mu duba laba guganda mudjima, Yehowa ma gaduhwa lujingu lu mvula yi mvula mu manu ma mpa, gihani gio hadu’akima a gabala sambila kaka Yehowa kega lō gwena ata mudu ug’adadisa pashi.—Matayo 24:13.
WISHIYA KEGA MAMBU MENGI
Dudadi mambu maba dugumbudisa mbi du le guga gulaba gugandamana mu gwigama gwena Yehowa ada hadu maba dudadisa pashi kega dudadi mapimbu mo ma du le senda.
4. U le ganda mudjima dangu hadu’adibuda dienu aba guzangulugila
Yezu ma geshinini pimbu mbi apangi’adibuda diedu a le konda zola mbi dusambidi Yehowa. Dangenu Matayo 10:34-36, gu dima hanenu mvudu mu muwu wu:
Dangu mudu mu moshi a senda luganu lu gusambila Yehowa, hadu’adibuda diendji yigi a le hosa to yigi a le hanga?
Mu gudala mbandu yimoshi, dalenu VIDEYO, gu dima hanenu mvudu mu muwu u laba:
Mbi mudu mu moshi u dibuda diayi to ndugu’eyi aba zola mbi wegi gusambila Yehowa, yigi u fe hanga?
Dangenu Nkunga 27:10 kega Marko 10:29, 30. Gu dima di gudanga kosu verse hanenu mvudu mu muwu wu:
Pila yigi verse di di le gusadisa mbi apangi’adibuda diayi to andugu’eyi aba zola mbi wegi gusambila Yehowa?
5. Laba gusambila Yehowa ata hadu ma bagudadisa pashi
Gugulombanga yigesa yi ngolu mu gulaba gusambila Yehowa dangu hadu’aba dudunisa mu gumusambila. Dalenu VIDEYO, gu dima hanenu mvudu mu muwu u laba:
Mambu megi ma u dala mu videyo di ma guhwa gigesa?
Dangenu Bisalu 5:27-29 kega Baebreo 10:24, 25. Gu dima di gudanga kosu verse, hanenu mvudu mu muwu wu:
Mumwilegi gwena funu yingi mu gulaba gusambila Yehowa ata dangu afumu a leta a dudunisa mu gulonga sangu ji pimbu to guhanga malugudaganu?
6. Yehowa ma gagusadisa mu guganda mudjima
Ambangi a Yehowa a manu ma kima, ambuda kega dulengi ma galabidi guhangila Yehowa mu gwigama ata dangu hadu’agadadisanga pashi. Mu gudala mambu ma g’asadishidi, dalenu VIDEYO. Gu dima hanenu mvudu mu muwu u laba.
Mu videyo di, yigi yigasadishidi Ambangi a Yehowa a mu guganda mudjima?
Dangenu Baroma 8:35, 37-39 kega Bafilipi 4:13. Gu dima di gudanga kosu verse, hanenu mvudu mu muwu wu:
Pila yigi verse di diba gugumbudisa mbi u le guga guganda mudjima mu kosu pashi jo?
Dangenu Matayo 5:10-12, gu dima hanenu mvudu mu muwu wu:
Mumwilegi u fe kala mu gieshi ata dangu hadu’aba gudadisa pashi?
Ambangi a Yehowa engi gibeni ma gulabanga gusambila Yehowa ata dangu hadu’agwadunisanga. Ayi kega u le guga!
HADU EGA ENI GUHOSA MBI: “Lō yiga guga guganda mudjima mbi hadu maba tadisa pashi.”
Maverse megi ma bahana gigesa u le dangila mudu yu?
MU KUFI
Yehowa ma gusepelanga ngolu yi yigesa yi du guhanganga mu gulaba gumusambila ata dangu hadu’agududadisanga pashi. Gu gigidi, yi lusadisu lwendji, du le guga gibeni guganda mudjima!
Mvudugilu
Mumwilegi Akristu a gukondanga yiduga mbi hadu maba gu’adadisa pashi?
Pila yigi du le yilamana yandjiga mwaniowu mumwila yi kosu pashi jo hadu a le dudadisa?
Yigi yiba dugumbudisa mbi du le guga gulaba guhangila Yehowa ata mu duwanagana yi kosu pashi jo?
DALA KEGA
Dala pila Yehowa a gasadishidi pangi yala mu moshi u galengi dangu di’agamushidi mu bologu mumwila a gadunini gwingila mu mambu ma politiki.
Dala mambu ma gasadishidi yala u moshi yi mugashi wendji mu gulaba gusambila Yehowa mu gwigama mamvula mengi ata hadu m’agadunisanga.
Magalabidi guhangila Yehowa ata dangu mambu ma gasobidi (7:11)
Dala mambu ma u le hanga mu gulaba gukala gigesa dangu hadu aba gudadisa pashi.
“Yilamana yandjiga mwaniowu mumwila yi mbangiga” (Nzozulu ya Nkengi 7/2019)
Yigi du fe hanga mbi hadu a dibuda diedu ma duzangulugila, pila yigi du le jinga yi owu mu ngemba kega gulaba gusambila Yehowa?
“Giediga, ‘lō di guneyanga ngemba gashi pogu y’idumba’” (Nzozulu ya Nkengi 10/2017)