¿Naguá kuu ja kumani tágua kundee sii ñayí veʼe-ní?

JA KACHI TUTU YANDIOS

“¡Sa ndetú ndasí ka nda ñayí níni tuʼun Yandios de skínkuu!” (Lucas 11:28, Nuevo Testamento en Mixteco de Ocotepec.)

NA̱SA CHINDEE NU̱U̱-YO NU KUNI-YO NDA TUʼUN YAʼA

Kuni-yo na̱sa kutoo taʼan-yo (Efesios 5:28, 29).

Koo yɨñuʼún nu̱u̱ taʼan-yo (Efesios 5:33).

Ma kusíín taʼan ñayí veʼe-yo (Marcos 10:6-9).

¿A KUU KANDIJA-YO JA KAʼAN TUTU YANDIOS?

Kuu, chi iyo uu tuʼun:

• Yandios ni jani xini-Ya ja koo nda ñayí veʼe. Nu̱u̱ Tutu Yandios kachi ja Jeová ni xtandaʼa nduu ñayí xinañuʼun (Génesis 2:18-24). Kuni kaʼan ja nda ñayí veʼe iyo chi maa Jeová ni jani ini ja koo. ¿Nakú kánuu ndakuni-yo tuʼun yaʼa?

  Kani xini-ní sɨkɨ tuʼun yaʼa: Nu yaji-ní ɨn ndeyu ásin de kúni-ní kuni-ní naguá ñuʼun nu̱u̱ ndeyu, ¿na nu̱u̱ ñayí katuʼun-ní? A ma sú ja nda̱a̱ kuu ja katuʼun-ní nu̱u̱ ñayí ja ni saʼa ndeyu.

  De suni sukua saʼa-ní, nu kúni-ní kuni-ní naguá jiniñuʼun-ní tágua kundee sii nda ñayí veʼe-ní, vaʼa ka kuu ja kuni-yo na̱sa jani ini Jeová, chi maa-Ya ni saʼa ja koo ñayí veʼe.

• Ndɨʼvɨ ini Yandios ja kuu-yo. Vaʼa ka ku̱ú maa-ní ji ñayí veʼe-ní ja ndanduku-ní naguá kuu ja kachi Jeová nu̱u̱ Tutu-Ya, “chi jíto-Ya nda-nu” (1 Pedro 5:6, 7). Jeová jini-Ya naguá kuu ja vaʼa ka nu̱u̱-yo. De ndɨʼɨ tuʼun ja kachi-Ya kuu ja vaʼa (Proverbios 3:5, 6; Isaías 48:17, 18).